1 Samuel 2:35 - সান্তালী বাইবেল

³⁵ Menkhan iń do iń lạgitʼ mitʼṭen pạtiạricʼ naekeń teṅgo joṅa, one uni do ińakʼ mone bujhạute ińakʼ sana lekae kạmi. Iń do uniyakʼ bõskoń ṭarhao dohoya ar uni do jaoge ińren bachao hoṛkoe sapʼ sorakoa.

1 Samuel 2:35 Referans Kwoze

2 Samuel 7:27

“E sanam daṛeanicʼ Probhu, Israelkoren Isor, amren guti ṭhen niạ reaṅ do sodortegem menakada, ‘am lạgitʼ iń do mitʼṭecʼ bõsrenkoń benao rakapʼkoa.’ Onate am ṭhen niạ koejoṅ amren gutiyakʼ monre dil hoyakana.

1 Rapajko 11:38

Ińakʼ hukum lekam kạmi ar ińakʼ hortem calakʼ ar ińren guti Dạud leka ińakʼ hukum ar niạmkom pańjaete ińakʼ mẽtʼ samaṅre okaṭakʼ ṭhik onam kạmi enḍekhan iń do am sãoteń tahena. Ar Dạud lekage amakʼ bõsrenko do raj hudạreń teṅgo keṭecʼkoa ar amakʼ tire Israelkoń jimạkoa.

1 Samuel 25:28

Amren kạ̃ṛmĩyakʼ behokakʼ do dayakate ikạkakʼme. Probhu Isor do khạṭige ińren mạlikakʼ bõse teṅgo ṭarhaoa, ente uni do Probhu Isorakʼgeye lạṛhại kana. Ar ńit hạbicʼte amre cetʼ bạṛicʼakʼge baṅ ńel akana ar baṅ ńamokʼa.

Sereńko 18:50

Probhu Isor do acʼren raj ḍher dhaoe jitạu ocoyea; acʼren bachao bahal akatʼko hoṛ lạgitʼ, Dạud do uniren bõsko lạgitʼ, uni do jaejug hạbicʼ acʼakʼ dulạṛe udugtaea.

Ibriko 2:17

Onate Jisu do sanam secʼte acʼren boehako leka hoyokʼ hoylentaea, jemon uni do mãyãwan ar pạtiạranicʼ maraṅ naeke lekate Isorakʼkoe sapʼsor daṛeakʼ. Ar noa reakʼ monsubạ do hoyokʼ kana, jemon acʼakʼ gujukʼte manwakoakʼ kạiye ocogte Isore kusi ocoye.

1 Bõsbudạ 29:22

Enhilokʼ onko do Probhu Isor samaṅre rạskạ salakʼko jom ńũkeda. Onko do Dạudren hopon Solomon do dosar raj menteko aṅgockedea ar Sadok do naeke menkate Probhu Isor ńutumteko ojokʼ bahalkedea.

1 Rapajko 2:35

Unre raj do Joab bodolte Jehuyadaren hopon Banae do senaputiye bahalkedea ar Abiạtharakʼ jaegare do Sadoke bahalkedea.

1 Rapajko 1:45

ar Sadok naeke ar Nathan nạbi do Gihonre raj lekate unikin ojokʼ bahalkedea. Onḍe khon hoṛko do rạskạ salakʼko ruạṛ hạjukʼkan reakʼ andoṛge nagrahare hoyokʼkana. Ape do ona reakʼ anḍoṛgepe ańjomeda.

1 Rapajko 1:8

Menkhan Sadok naeke ar Jehoyada hopon Bonae, Nathan nạbi, Simai, Reyi ar Dạudren birbanṭa hoṛko do Dạud secʼgeko tahẽyena.

1 Samuel 16:13

Unre Sạmuel do dereń reakʼ sunumante uniren boehako talareye ojokʼkedea. Ar enhilokʼ khon Probhu Isorren Jiu do Dạud cetanreye hecʼena. Inạ tayom Sạmuel do Ramoteye ruạṛ senena.

1 Samuel 12:3

Iń do nonḍege minạńa; ar iń upạrte apeakʼ jãhãnakʼ roroṛteakʼ menakʼtape khan enḍekhan Probhu Isor ar uniren ojokʼ bahal akan hoṛko samaṅrege roṛpe. Ar goha emokʼpe, okoeren ḍaṅgra se gadha behok lekateń hatao akadea mente? Ar jãhãe ṭhen khon ghus hataokate mocań bond akatʼ tińạ mente? Noako reakʼ jãhãṭakʼgeń kạmi akatʼ khan tobe khan ona reakʼ khuti puruniń emokʼa.”

Jeheskel 34:23

Onko cetanre mitʼṭen gukʼpiyicʼ, metakʼme ińren guti Dạudiń ojokʼ bahalea; uni acʼge onkoe ńel todarotkoa ar onkoren gukʼpiyicʼe hoyokʼa.

Sereńko 2:2

Dhạrtiren rapajko do Probhu Isor ar uniren ojokʼicʼ upạrteko teṅgonkana, Ar mukhiyạko do mitʼteko milimisi joṅkana.

Numeri 25:13

Uni do acʼren Isorakʼ bakhra reakʼe ahkaokʼkante ar Israelkoakʼ kại reakʼ puruchune kạmi akatʼte uni lạgitʼ nonkan mitʼṭecʼ bondobosiń bandhao akada jemon naeke hudạ do uni ar uni bõsrenko talare jaejug hạbicʼ tahẽakan tahen.”

Exodus 1:21

Unkin dhạ̃i buḍhi do Isor kin botoraekan tahẽkante uni do onkoren hoponko hotete bõskoe saṅgeketʼkoa.

1 Samuel 2:36

Ar am bõsren okoeko jiwetʼko tahen onko do mitʼṭecʼ rupạ ar mitʼṭecʼ piṭhạ lạgitʼ uni ṭhen hecʼkate otre ombakʼkateko sewawaea ar mitʼṭen naeke hudạ ńam lạgitʼko nehõrokʼa jemon thoṛa jomakʼe ńam.’ ”

1 Samuel 3:1

Huḍiń koṛa Samuel do Eli tabere tahẽkate Probhu Isore sapʼsoraekan tahẽkana. Ar onako dinre Probhu Isorakʼ katha do ḍher do baṅ ańjomokʼkan tahẽkana ar uniyakʼ dorson hõ mitʼ talao do bań ńamokʼkan tahẽkana.

1 Samuel 7:9

Unre Samuel do nunu bae bạgi akatʼ mitʼṭen bhiḍi hopone hataoana ar uni do bhiḍi hoponte Probhu Isor ńutumte mitʼṭecʼ jeredokʼ samaṅokʼakʼ e samaṅkeda. Uni do Israel hoponko ńutumteye rakʼkeda ar Probhu Isor hõ uniye roṛ ruạṛadea.

1 Samuel 8:3

Menkhan unkin do ạkinren apattetʼ leka do bạkin calakʼkan tahẽkana. Unkin do behok secʼte dhon hameṭjoṅ reakʼ aste dhorom reakʼ horkin bạgiyatʼ tahẽkana. Unkin do ghus hataokate hok reakʼakʼ kin behok ocoyetʼ tahẽkana ar behok do hok reakʼ lekakin hoyocoyetʼ tahẽkana.

1 Samuel 9:12

Onkoko roṛ ruạṛatʼkinạ, “Hẽ, menaegea; aben do thoṛa laha ńokʼ calakʼben ar usạrae ben. Uni do teheńge aleakʼ nagrahareye hecʼakana, ar boṭkocʼ coṭre hoṛko do teheń janwar samaṅokʼakʼko hoeocoya.

1 Samuel 9:13

Aben do nagrahate ben bololen khange uni sãote ben ńapamokʼa. Arben ńelea uni do boṭkocʼte jom lạgitʼe rakapʼ calakʼ kana. Ar uni ạuriye calakʼ hạbicʼ hoṛko do bako jom-ńũiya, ente uni do samaṅakʼ jiniskoe ạsirbadakʼa; ar ona tayom okoeko hoho ocoakan onkoko joma. Aben do ńitge rakapʼ calakʼben, enḍekhan uni sãote ben ńapam daṛeakʼa.”

1 Samuel 10:9

Samuel ṭhen khon calakʼ jokhecʼ Sạul doe ạcuren khan Isor do uniyakʼ mone bodolketʼtaea. Ar enhilokʼge cinhạ lekate roṛakʼ ghoṭnako hoyena.

1 Samuel 10:10

Sạul ar uniren guti do Gibeate kin seṭeren khan mitʼ dol nạbiko sãotekin ńapamena. Unre Isorren Jiu do Sạule sarbharao ocokedea, ar uni do nạbiko talare senkate Isorakʼ katha lạlạiye ehopʼena.