1 Samuel 2:32 - সান্তালী বাইবেল

³² Am do ińakʼ oṛakʼ reakʼ durdosam ńela. Israelkoakʼ jãhãtinạkʼgeń bhạlạitako am bõsren okoehõ haṛam umer hạbicʼ jiwetʼ do bako tahena.

1 Samuel 2:32 Referans Kwoze

Sakariạ 8:4

Umerte laha akan herel hoṛ ar maejiuko do arhõ Jerusalem reakʼ ṭhạ̃ire duṛupʼkate okteko khemaoa ar ḍher umer iạte onko mimitʼkoakʼ tire do ṭheṅga tahena.

1 Samuel 4:11

Ar Isorakʼ goha sinduk do bạirikoko idikeda. Ar Eliren banar hopon Hopni ar Pinehas hõkin gocʼena.

1 Samuel 4:22

Uni doe menkeda, “Israelkoakʼ ṭhonok do calaoena, ente Isorakʼ sinduk do bạirikoakʼ tire calaoena.”

1 Samuel 4:4

Onate onko do Silote hoṛ kolkate sanam daṛean Probhu Isor, okoe do Kerubkin talareye tahenkan, uniyakʼ goha sindukko ạgukeda. Isorakʼ ona goha sinduk sãote Eliren hopon Hopni ar Pinehas tạkin hõkin tahẽkana.

1 Samuel 2:33

Enhõ am bõsren sanamko do ińakʼ pinḍ khon bạń chaṭao cabakoa jemon onko iạte hiḍir hiḍir mẽtʼdakʼ jorokʼte amakʼ ńeńel reakʼ daṛe cabakʼtam ar ontorre dukem ńam; ar am bõsren jotokoge juạn umerregeko gujukʼa.