1 Samuel 2:31 - সান্তালী বাইবেল

³¹ Ńelme, okte hijukʼ kana tinre amren bõsko ar amren hapṛamkoakʼ bõsren hoṛkoakʼ daṛe nonkań maraotakoa, amren bõsko do mitʼṭen hõ haṛam umer hạbicʼ bako bańcaokʼa.

1 Samuel 2:31 Referans Kwoze

Jeheskel 44:10

“ ‘Israelko tinre bạṛicʼ horteko senlena unre iń bạgikate okoeko Liwi do boṅga secʼko ạcurlente iń khon sạṅgińko senlen onko do akoakʼ kại reakʼ kuṛại asen baṛae hoyokʼtakoa.

Sereńko 37:17

Bạṛicʼ hoṛkoakʼ ti do rạpudokʼ takoa, menkhan Probhu Isor botoraeko doe sapʼ sambṛaoetʼkoa.

Jobakʼ 22:9

enhõ rạnḍi maejiuko do eken tiyem bidạyetʼko tahẽkana ar ṭuạ̃r amarkoakʼ ạidạrikom recʼetʼko tahẽkana.

1 Rapajko 2:35

Unre raj do Joab bodolte Jehuyadaren hopon Banae do senaputiye bahalkedea ar Abiạtharakʼ jaegare do Sadoke bahalkedea.

1 Samuel 14:3

onko modre do Ahiạ ńutuman mitʼ hoṛe tahẽkana ar uniyakʼ hoṛmore do ephod tahẽkantaea. Ahiạ do Ehiṭubren hopone tahẽkana, ar Ahiṭub do Ikabotren boehae tahẽkana, ar Ikabot do Pinehasren hopone tahẽkana ar Pinehas do Eliren hopone tahẽkana; ar Eli do Silore Probhu Isorren naekeye tahẽkana. Unre Jonathanakʼ oḍok calakʼ reakʼ katha do okoege bako baḍaekan tahẽkana.

1 Samuel 4:2

Unre Philisṭiko do Israelko upạrte lạṛhại phạdko sapṛaoketʼkoa. Ar lạṛhại ehopʼen khan Israelko do Philisṭiko ṭhenko bhagao ocoyena. Lạṛhại ṭạnḍire Philisṭiko ṭhen Israelren pon hajar phạdko gocʼocoyena.

1 Samuel 3:12

Iń do Eliyakʼ bõs reaṅ okako kathań roṛakatʼ ona reakʼ pạhil khon mucạtʼ hạbicʼ Eli upạrte jotowakʼgeń purạua.