1 Samuel 2:28 - সান্তালী বাইবেল

²⁸ Israelkoren sanam gusṭiko mod khon iń do cetʼ Liwikoge bạń bachao akawana, onate onko do ińren naeke hoekate ińakʼ pinḍ ṭhen hecʼkate dhupko jered ar ephod horokʼkate iń samaṅreko hecʼdaṛeakʼ? Israelkoren sanam jeredokʼ samaṅokʼ reakʼ bhag do cetʼ onko ar onkoren bõskoge bạń emakatʼkoa?

1 Samuel 2:28 Referans Kwoze

Exodus 28:1

“Am do Israelko mod khon amren boeha Aron ar uniren hoponko Nadab, Abihu, Eliasar ar Ithamor am ṭhenem hoho ạgukoa. Onko do naeke lekate ińko dewa sewawạńạ.

Numeri 18:19

Probhu Isor ńutumte Israelkoakʼ samaṅokʼakʼ sanam sonotakʼ jinis do am ar amren hoponkoakʼ jao okte reakʼ bakhra kana. Noa do Probhu Isorakʼ mẽtʼre am ar am bõsren sanamko lạgitʼ mitʼṭecʼ jaejug reakʼ bondobos kana.”

Levitikus 6:16

Samaṅokʼakʼ jinis reakʼ sarecʼakʼ hạṭińko do Aron ar uniren hoponkoko joma. Ona do khạmi begor mesalkate jojom hoyokʼtakoa jãhãn sonot ṭhạ̃ire, metakʼme ńapamokʼ tạmbu reakʼ racare.

Levitikus 2:10

Noa jomakʼ samaṅokʼakʼ reakʼ sarecʼakʼ okako tahen ona do Aron ar uniren hoponkoakʼ hoyokʼa. Probhu Isor ńutumte seṅgelre samaṅokʼakʼ sanamakʼko khon jomakʼ samaṅokʼakʼ reakʼ sarecʼ hạṭińko do sonot utạrakʼ jinis kana.

Levitikus 2:3

Noa jomakʼ samaṅokʼakʼ reakʼ sarecʼakʼ okako jinis tahen ona do Aron ar uniren hoponkoakʼ hoyokʼa. Probhu Isor ńutumte seṅgelre samaṅakʼ sanam samaṅokʼakʼ modre jomakʼ samaṅokʼakʼ reakʼ noa sarecʼakʼ hạṭiń do sonot utạrakʼ jinis kana.

Exodus 28:4

Uniyakʼ noa kicricʼre jemon koṛam aḍokʼakʼ, ephod, oyon aṅgrop, onol bonol kicricʼ kuṭrạ, dạhṛi ar ḍanḍare paṭheteakʼ tahen. Ar amren dadam Aron ar uniren hoponko hõ jemon naeke lekate ińko sewawạń onate onko lạgitʼ sonot kicricʼkom benao ocoya.

2 Samuel 12:7

Unre Nathan do Dạude metadea, “Am kangeam uni hoṛ do. Israelren Probhu Isor do noa kathageye meneda, ‘ińge Israel cetanre raj menkateń ojokʼ bahal akatʼmea ar Sạulakʼ ti khoniń rukhiyạ akatʼmea.

Numeri 16:5

Uni do Korah ar uni dolren hoṛkoe metatʼkoa, “Gapage Probhu Isor doe udukʼ abona okoe do uniren kanako ar okoe do uni ńutumteko begar ocoakana. Unige acʼren hoṛko acʼ samaṅreye sen ocoakoa. Ar okoeye bachao akawan unige acʼ samaṅreye sor ocoaea.

Levitikus 7:32

Sulukren samaṅicʼ janwarakʼ jojomsa bulu phạṛi reakʼ jel do naeke emae hoyokʼa.

Exodus 30:7

“Dinạm hilokʼ setakʼre diuhe reakʼ mạlikoe jutre Aron do pinḍ cetanre jut so reakʼ dhupe jereda.

Exodus 30:8

Ar ńuhumokʼ jokhecʼ diuhe jol oktere uni do arhõ ona dhupe jereda. Onate aperen bõsko do piṛhike piṛhi Probhu Isor samaṅre jaoge dhup jered hoyokʼtakoa.

Levitikus 7:36

Ar oka hilokʼko ojokʼ bahal ocolen enhilokʼge Probhu Isor do Israelkoe hukumatʼko tahẽkana jemon piṛhike piṛhi onkoren bõs do noako ńam.

1 Samuel 2:18

Menkhan huḍiń gidrạ Samuel do mĩhĩ musnạ sutạm reakʼ ephod horokʼkate Probhu Isore sapʼsorae kan tahẽkana.

1 Samuel 14:3

onko modre do Ahiạ ńutuman mitʼ hoṛe tahẽkana ar uniyakʼ hoṛmore do ephod tahẽkantaea. Ahiạ do Ehiṭubren hopone tahẽkana, ar Ahiṭub do Ikabotren boehae tahẽkana, ar Ikabot do Pinehasren hopone tahẽkana ar Pinehas do Eliren hopone tahẽkana; ar Eli do Silore Probhu Isorren naekeye tahẽkana. Unre Jonathanakʼ oḍok calakʼ reakʼ katha do okoege bako baḍaekan tahẽkana.

2 Samuel 6:14

Dạud do Musnạ reakʼ ephod horokʼkate Probhu Isor samaṅre uniyakʼ sanam daṛete enejokʼe ehopʼena.