1 Samuel 2:10 - সান্তালী বাইবেল

¹⁰ Probhu Isorren bạiriko doko chaka chunokʼa, uni do sermare onko upạrteye huḍura; ar dhạrti reakʼ mucạtʼ hạbicʼ uni do hoṛkoe bicạrkoa. Uni do acʼren raje daṛe ocoyea ar acʼren ojokʼ bahalicʼ hoṛ doe jitạu ocoyea.”

1 Samuel 2:10 Referans Kwoze

Sereńko 2:9

Mẽṛhẽtʼ ṭheṅgate am do onkom rạputʼkoa ar hasa reakʼ bhajan lekam tawakʼ gejer cabakoa.”

Sereńko 89:24

Ińakʼ pạtiạu ar asambheṛ dulạṛ do uni sãote tahena; ar ińakʼ ńutumtege uniyakʼ daṛe dereń do coṭte rakabokʼa.

Sereńko 96:13

Onko do Probhu Isor samaṅreko sereńa, ente uni doe hijukʼkana. Uni do dhạrtirenko bicạrko lạgitʼe hijukʼkana. Uni do dhoromte dhạrtiye bicạra, ar jạt jạtrenko pạtiạr salakʼe bicạrkatakoa.

Exodus 15:6

“E Probhu Isor, ektiạrite perecʼ amakʼ ona jojom ti do, hẽ ona jojom ti do bạirikoe chaka chunketʼkoa.

Sereńko 98:9

Probhu Isor samaṅre onko do onako onkaema, ente uni do dhạrti bicạr lạgitʼe hijukʼ kana. Uni do dhoromte dhạrti reakʼe bicạra, ar jạtrenko do hok reakʼe bicạrtakoa.

Sereńko 20:6

Ńitokʼ doń baḍaegea je, Probhu Isor do acʼe ojokʼ akade hoṛe bańcao edeya, ar acʼakʼ jojomti teakʼ bańcaokʼ reakʼ maraṅ daṛete uni do sonot serma khon acʼe ojokʼ akade hoṛakʼ hohoe ańjomtaea.

1 Samuel 7:10

Samuel do tinre jeredokʼ samaṅokʼakʼe samaṅetʼ tahẽkana ona jokhecʼ Philisṭiko do Israelko sãote lạṛhại lạgitʼko oḍok hecʼena. Menkhan enhilokʼ Probhu Isor do Philisṭiko upạrteye huḍurkeda. Ar ona iạte onko do botorteko ạulạu cabayena ar Israelko ṭhenko bhagao ocoyena.

Luk 19:27

Ińren bạiriko one okoe ińakʼ raj reakʼ bako khojkan, onko do nonḍe ạgukope ar iń samaṅre gocʼ giḍikakope.’ ”

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri do iń ṭhen emakana.

Sosolhayic̕ 12:14

Isor do mitʼke mitʼ kạmi reakʼ, se mitʼke mitʼ okoakʼko hõe bikʼcạra-baṅ do bạṛicʼakʼ kan ar baṅ do bhageakʼ kan.

Sosolhayic̕ 11:9

E juạn, amakʼ juạn oktere hulạsokʼme, juạn umer reakʼ dinkore amakʼ ontor do ame rạskạ ocomema. Amakʼ monejoṅ leka horte taṛamme ar amakʼ mẽtʼre oka bhageakʼkan ona kạmime, menkhan baḍae dohokakʼme, niạko lạgitʼ Isor do ame bicạrmea.

Sereńko 45:7

Am do dhoromem dulạṛeda ar bedhorom dom kurudakʼ kana; Onate Isor, amren Isor do, amren soṅgetenko khon hõ bạ̃ṛti hulạs do sunum leka am cetanreye dul akada.

Sereńko 21:1

E Probhu Isor, amakʼ daṛe ńelte raj doe rạskạkʼ kana; arem jitạu ocolere uni do ạḍiye kusikʼkana.

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

Sereńko 2:2

Dhạrtiren rapajko do Probhu Isor ar uniren ojokʼicʼ upạrteko teṅgonkana, Ar mukhiyạko do mitʼteko milimisi joṅkana.

Bikʼcạrko 5:31

E Probhu Isor, amren bạiriko nonkageko marao cabakʼma; menkhan okoe amko dulạṛme Onko do siń cando leka daṛeanko hoyokʼma. Inạ tayom disạmre pongel bochor hạbicʼ suluk tahẽkana.

2 Korinthiko 5:10

Ente Mạsiyakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛại bon ńama.

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Aposkạmi 4:27

“Amren sonot guti Jisu, okoe do Mạsi mentem bahal akade, uni upạrte Herod raj ar Pontus Pilạt do noa nagraharege boṅgan hoṛ jạtrenko ar Israelko sãote uni upạrte tikin milạuleda.

Luk 1:69

Uni do abo lạgitʼ acʼren guti Dạudakʼ bõs khon mitʼṭen daṛeanicʼ babańcaoicʼe omonkedea.

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Jesaea 45:24

Onko do iń reaṅko roṛa, ‘eken Probhu Isorrege dhorom ar daṛe do menakʼa.’ Hoṛko do iń ṭhenko hijukʼa ar okoe ińko edreạń onko doko lajao ocokʼa.

Jesaea 32:1

Ńelpe, mitʼṭen raj do dhoromte raje calaoa ar disạm cakʼlaoko do hok reakʼko bicạra.

Sereńko 148:14

Uni do acʼren hoṛko lạgitʼ mitʼṭecʼ dereńe rakapʼ akada; mitʼṭecʼ sarhaokʼage acʼren bhoktoko lạgitʼ, Israelko lạgitʼ acʼ sorre menakʼko hoṛko lạgitʼ. Probhu Isorakʼge sarhao hoyokʼtae ma.

Sereńko 89:17

Amge coṅ onkoakʼ daṛe reakʼ mońjtetʼma; amakʼ dayatege aleakʼ daṛe reakʼ dereń do coṭteye rakapʼ akantalea.

Sereńko 28:8

Probhu Isorge, acʼren hoṛkoakʼ daṛe; unige acʼren ojokʼ akatʼkoren rukhiyạyicʼ gaṛ do.

Jobakʼ 40:9

Amakʼ do cetʼ Isor leka daṛe menakʼtama? Uniyakʼ aṛaṅ lekam hạnḍrạukʼ daṛeakʼa?

2 Samuel 22:14

Probhu Isor do serma khone huḍurkeda; ar maraṅ Isorakʼ aṛaṅ ańjomena.

2 Samuel 7:13

Amren uni hoponge ińakʼ ṭhonok lạgitʼ mitʼṭecʼ oṛakʼe benaoa. Ar uniyakʼ raj siṅghạson do jaejug hạbicʼ tahena.

2 Samuel 7:8

“Ńitokʼ ińren guti Dạud metaeme, sanam daṛeanicʼ Probhu Isor do niạ kathae meneda, ‘ińren hoṛ do Israelkoren cakʼlaoyicʼ hoyokʼ lạgitʼ ińge gupi ṭạnḍi khon, bhiḍi palrenko tayom khoniń ạgu akatʼmea.

1 Samuel 16:1

Probhu Isor do Sạmuele metadea, “Sạul do Israelkoren raj mente doń nihạ̃t giḍiakadea, onate am do ar tinạkʼ din uni lạgitʼem dukokʼa? Am do ńitokʼ dereńre sunum hataokate oḍokokʼme. Ente iń do Bethlehem atoren Jisại ṭheniń kolmea. Uniren hoponko mod khon iń ńutumte mitʼṭen raj hoyokʼ lạgitʼ iń bachao dohoakadea.”

1 Samuel 15:28

Unre Sạmuel do uniye metadea, “Probhu Isor do teheń am ṭhen khon Israelkoakʼ rajosṭi hõ nonkageye recʼ hataokeda ar am khon hõ bhage amakʼ disạmren mitʼ hoṛe emadea.

1 Samuel 12:18

Inạ tayom Samuel do Probhu Isor ṭhene koekeda ar uni do enhilokʼge huḍur ar dakʼe kolkeda. Unre sanamkoge Probhu Isor ar Sạmuelko botoratʼkinạ.

1 Samuel 12:13

Ńitokʼ ńelpe, nui kangeae aperen raj do, one unipe khojlede arpe bachao akawan. Probhu Isor do ape cetanre mitʼṭen raje bachao bahal akadea.

1 Samuel 12:3

Iń do nonḍege minạńa; ar iń upạrte apeakʼ jãhãnakʼ roroṛteakʼ menakʼtape khan enḍekhan Probhu Isor ar uniren ojokʼ bahal akan hoṛko samaṅrege roṛpe. Ar goha emokʼpe, okoeren ḍaṅgra se gadha behok lekateń hatao akadea mente? Ar jãhãe ṭhen khon ghus hataokate mocań bond akatʼ tińạ mente? Noako reakʼ jãhãṭakʼgeń kạmi akatʼ khan tobe khan ona reakʼ khuti puruniń emokʼa.”

Jeheskel 29:21

“Enhilokʼ Israel do daṛean jạtkoń hoyocokoa ar onko talare katha roṛ lạgitʼ amakʼ mocań jhijtama. Unre onkoko baḍae daṛeakʼa, ińkangeạń Probhu Isor do.”

1 Samuel 12:17

Ńitokʼ do guhum gegetʼ somoe kana, se baṅa? Iń do Probhu Isoriń metaea jemon uni do huḍur ar dakʼe kol. Ar unrepe baḍae daṛeakʼa arpe ńela, rajpe koeyante Probhu Isor ṭhen tinạkʼ maraṅpe behok akada mente.”

Sereńko 20:7

Ḍher hoṛge akoakʼ rãt gạḍi iạteko bạḍạiyokʼa ar adomko do akoren sadomko iạte, menkhan abo do aboren Probhu Isor iạtege.

Sereńko 89:25

Iń do jalapuri ar gaḍako cetanre ektiạriń emaea.

Sereńko 132:17

Onḍe iń do Dạud lạgitʼ mitʼṭen daṛean bõskoń benao rakapʼkoa; ar ińren ojokʼicʼ lạgitʼ iń do mitʼṭecʼ diuheń tear dohoya.