1 Samuel 2:1 - সান্তালী বাইবেল

¹ Ona tayom Hanna do koejoṅateye menkeda, “Probhu Isor iạtegeń rạskạkʼ kana; Probhu Isorge ińe jitạu oco akadińạ. Ińren bạiri samaṅrege iń do khulạsate rạskạ sereńiń sereńetʼ kana; ente ińren bạiriyakʼ ti khonem bańcao kedeńte iń do ạḍiń rạskạkʼ kana.

1 Samuel 2:1 Referans Kwoze

Sereńko 13:5

Menkhan iń do amakʼ asambheṛ dulạṛreń bhorsa akana; ar amem bańcao edeńkante ińakʼ ontor do hulạsokʼ kantińạ.

Philipiko lạgitʼ Pạul apostolakʼ ciṭhi 4:6

Ar jãhãnakʼ reakʼge alope dandokʼa, bickom apeakʼ joto arojakʼko do koejoṅ ar nehõrate gunmanao johar salakʼ Isor baḍae ocoyepe.

Sereńko 92:10

Bir sanḍakʼ usul dereń leka am do ińakʼ bohokʼem usul akatʼtińạ; ar rạskạ salakʼ nãwã sunumte ińem ojokʼ akadińạ.

Sereńko 89:17

Amge coṅ onkoakʼ daṛe reakʼ mońjtetʼma; amakʼ dayatege aleakʼ daṛe reakʼ dereń do coṭteye rakapʼ akantalea.

Philipiko lạgitʼ Pạul apostolakʼ ciṭhi 4:4

Probhu tulucʼpe kolom mitʼ akante ape do jaoge rạskạkʼpe. Arhõń mena, rạskạkʼpe baṛe.

Sereńko 20:5

Amem jitạukʼre jemonle rạskạ daṛeakʼ ar aleren Isor ńutumte jhạnḍi jemonle rakabtale. Probhu Isor do amakʼ sanam koejoṅe luturakʼtam ma.

Sereńko 9:14

jemon Sion kuṛi reakʼ phaṭok duạrkore amakʼ man ar mạhimań pasnao daṛeatam ar amakʼ bańcao ńamkate jemoniń rạskạ daṛeakʼ.

Sereńko 35:9

Unre Probhu Isor iạte iń doń rạskạkʼa; ar uniyakʼ babańcaore iń doń hulạsokʼa.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Romiko lạgitʼ Pạul Apostolakʼ ciṭhi 5:11

Eken ona do baṅ, okoe hotete Isor tulucʼ bon samge ocoakan uni Probhu Jisu Mạsi hotete abo do Isor tulucʼ bon rạskạ midokʼkana.

Habakkuk 3:18

enhõ iń do Probhu Isor iạteń rạskạkʼa; ar ińren babańcaoicʼ Isor iạtegeń hulạsokʼa.

Sereńko 118:14

Probhu Isorge ińren daṛe do, ar ińren sereń hõ unige; ar unirege ińakʼ bańcaokʼ do menakʼa.

Sereńko 89:24

Ińakʼ pạtiạu ar asambheṛ dulạṛ do uni sãote tahena; ar ińakʼ ńutumtege uniyakʼ daṛe dereń do coṭte rakabokʼa.

Exodus 15:21

Moseyakʼ sereń reakʼ roṛ ruạṛre Mạriạm do noa sereńe sereńkeda; “Ape do Probhu Isor ńutumte sereńpe, ente hoṛkoakʼ mẽtʼãhãre uniyakʼ ṭhonok do maraṅena. Sadomko ar aswariko do unige doreão dakʼreye khadleketʼkoa.”

Exodus 15:1

Noa tayom Mose ar Israelko do Probhu Isor ńutumte noa sereńko sereńkeda: “Iń do Probhu Isor ńutumteń sereńa, ente hoṛkoakʼ mẽtʼre uniyakʼ ṭhonok maraṅentaea. Sadom ar aswari dolrenko do unige jalapuri reakʼ dakʼreye giḍikatʼkoa.

1 Patras 1:8

Mạsi bape ńel akadere hõ enhõ ape do unipe dulạṛede kana; ar ńit bape ńel ńamekanre hõ unirepe pạtiạu akana, ar okaṭakʼ rạskạ lạite baṅ sodorokʼ ar okaṭakʼ do serma reakʼ ṭhonokte perecʼge, ona rạskạtepe rạskạkʼ kana;

Sereńko 51:15

E Probhu Isor, ińakʼ moca baṛe jhicʼkạtińme, iń do amakʼ sarhaoiń lại jạhira.

Sereńko 18:2

Probhu Isorge ińren usul buru, unige ińakʼ aotan gaṛ ar ińren babańcaoicʼ; ar ińren Isorge ińren usul buru, unirege iń do asrayiń hataoeda. Uni do ińren dhal kanae, rurukhiyạicʼ dereńge, ar ińakʼ asray gaṛge.

Habakkuk 3:1

Habakuk nạbiyakʼ koejoṅ

Sereńko 75:10

Iń do bedhoromkoakʼ sanam dereńkoń makʼ giḍikakʼa, menkhan Isor botoraekoakʼ dereń doń usul ocoya.

Sereńko 71:8

Ińakʼ mocare amakʼ sarhao sereń do perecʼge tahena, ona do goṭa dinge amakʼ sarhaokʼ reakʼ kathae roṛeda.

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape upạrte uni okae cekaletʼ ona lạgitʼ Isor do uniye bicạr akadea.”

Luk 1:69

Uni do abo lạgitʼ acʼren guti Dạudakʼ bõs khon mitʼṭen daṛeanicʼ babańcaoicʼe omonkedea.

Nehemiạ 11:17

Ona chaḍa Mikạren hopon Mataniạ, okoe do gunmanao johar ar sarhao sereń ạyurkoren sordare tahẽkana. Mikạren hapṛam dokin tahẽkana Sabdi ar Asapha. Nukin sãote Bakbukiại tahẽkana okoe do são kạmiyạko modren dosaricʼe tahẽkan. Somuyiren hopon Abda hõe tahẽkana; Samuyiren hapṛam dokin tahẽkana Galal ar Jeduthun.

Dosar Biboron 33:17

Uniren pạhil janam adar doe ṭhonokana, uniyakʼ bohokʼre kạpil gại reakʼ dereńge menakʼa. Onate uni do prithimiren sanam jạtrenkoe hoṭakʼ pạsirkoa, ar ses simạnare menakʼko jạtrenko hõ. Ephrayimren do lakh lakh ar Manaseren do hajar hajar hoṛko hoyokʼa.”

Jobakʼ 16:15

Ińakʼ harta cetanre gõṛẽ kicricʼ iń horokʼakada; ar ińakʼ bạḍại do dhuṛireń laplonḍe akatʼtińạ.

Sereńko 148:14

Uni do acʼren hoṛko lạgitʼ mitʼṭecʼ dereńe rakapʼ akada; mitʼṭecʼ sarhaokʼage acʼren bhoktoko lạgitʼ, Israelko lạgitʼ acʼ sorre menakʼko hoṛko lạgitʼ. Probhu Isorakʼge sarhao hoyokʼtae ma.

1 Samuel 1:6

Probhu Isore nonka akatʼ tahẽkante uniren hirạmtetʼ do ạḍiye khijlạuede tahẽkana ar uniyakʼ monkoe haṛhatʼ ocoyetʼtae tahẽkana.

1 Samuel 1:7

Ar nonkage bochorke bochor do parom calakʼkan tahẽkana. Hanna do jãhãtinrege Probhu Isorakʼ oṛakʼteye senokʼkan tahẽkan unrege uni do Peninna ṭhene khijlạu ocokʼkan tahẽkana. Onate uni doe rakʼetʼ tahẽkana ar cetʼge bae jom ńũiyetʼ tahẽkana.

2 Bõsbudạ 20:27

Ona tayom Jehosaphat tayom tayomte Jihudạ ar Jerusalemren sanam hoṛko do rạskạkʼ salakʼ Jerusalemteko ruạṛ calaoena, ente onkoren bạiriko cetanre Probhu Isor doe jitạu ocoketʼkoa.

Sereńko 21:2

Am do uniyakʼ monsubạm purạu akatʼtaea, ar moca reakʼ katha hõ bam dea giḍi akada. (Sela)

Sereńko 89:18

Aboren raj do Israelren uni sonoticʼe bahal akadea; aboakʼ ona ḍhal do Probhu Isorgeye bahal akadea.