1 Samuel 19:5 - সান্তালী বাইবেল

⁵ Uni do acʼakʼ jiwi cuputʼkate uni Philisṭi hoṛe gocʼkedea, ar Probhu Isor do goṭa Israel lạgitʼ maraṅ bańcaoe hoeocokeda; ar ona ńelte am dom kusilena. Enḍekhan ńitokʼ do cedakʼ ạuṛiyakʼte Dạud gojete mitʼṭen bindusi hoṛakʼ mãyãm joro ocoyte uni upạrtem kạiya.”

1 Samuel 19:5 Referans Kwoze

1 Bõsbudạ 11:14

Menkhan onko pe birbanṭa hoṛ do tala baṛgere senkateko teṅgoyena. Onko do ona baṛgeko rukhiyạkeda ar Philisṭikoko maraoketʼkoa. Enhilokʼ Probhu Isor do onkoe rukhiyạketʼkoa ar maraṅ jitạukʼgeye danatʼkoa.

1 Samuel 11:13

Menkhan Sạule menkeda, “Teheń do celege baṅ gocʼko hoyokʼa, ente teheń dinre Probhu Isor do Israelkoe bańcao akatʼkoa.”

Mathae 27:4

“Kại akadạń, ente bin dusạnicʼ gocʼ ocoye lạgitʼ iń soprot akadea.” Onkoko metadea, “Onate aleakʼ do cetʼ? Amge ńeljoṅme.”

1 Samuel 20:32

Jonathan do acʼren apattetʼe metadea, “Uni do cedakʼ gujukʼ hoyokʼtaea? Uni do cetʼe ceka akatʼte?”

Bikʼcạrko 9:17

Iń baba do acʼakʼ jiwi alaekate ape lạgitʼe lạṛhạilena ar Midiạnrenkoakʼ ti khone rukhiyạketʼpea.

Aposkạmi 20:24

Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Sereńko 119:109

Ińakʼ jiwi do jao ghuṛi cuputʼkateń calakʼkanre hõ, enhõ amakʼ hukum do bạń hiṛińa.

1 Samuel 28:21

Uni maejiu do Sạul ṭhen senkateye ńelkedea, Sạul do ạḍi bạṛicʼ botor caṛhao akadea. Onate uniye metadea, “Ńelme, amren kạ̃ṛmĩ do amakʼ hukume batao akada. Ar okaṭakʼ cekae lạgitʼem metadiń ona do jiwi cuputʼ kategeń kạmi akada.

Philipiko lạgitʼ Pạul apostolakʼ ciṭhi 2:30

Mạsiyakʼ kạmi lạgitʼ uni do gujukʼ dạkhile hoylena. Ar hạjir bape tahẽkante iń lạgitʼ oka bape ceka daṛeakatʼ tahẽkan ona lạgitʼ uni do acʼakʼ jiwi sudhạ emokʼ hõ rạjigeye tahẽkana.

Johan 15:25

Noa do hoyakana onkoakʼ ạn-ạrire olakan katha jemon purạukʼ, ‘onko do ạuṛiyakʼte ińko kurudạń kana.’

Mathae 27:24

Pilạt do cetʼ hõ bae dhejeda bickom arhõ gulmal hoyokʼ kane ńelketʼ khan dakʼ hataokate hoṛko samaṅre ti ạbukenteye menkeda, “Nui hoṛakʼ mãyãm lạgitʼ iń do bạń dạyikokʼa; apege ńeljoṅpe.”

Jirimiạ 26:15

Tobe noa do khạṭige baḍaekakʼpe, ińpe gocʼ giḍikạńre hõ miridosicʼakʼ mãyãm reakʼ dạyi do ape cetanrege ar niạ nagraha cetanre ar okoe nonḍeko tahenkan onko cetanrege paṛaokʼa; ente noako katha baḍae ocope lạgitʼge Probhu Isor doe kol akadińạ.”

Sereńko 69:4

Okoe khamakha iń cetanreko edrekʼkan Onkoakʼ lekha do ińakʼ bohokʼ upʼ khon hõ ḍhergea. Ar okoe iń nosṭoyińko menetʼkan onko do ạḍiko daṛegea; onko do eṛe iạte ińren bạiriko hoyakana. Ar bạń kombṛo akatʼre hõ em ruạṛ hoyokʼkan tińạ.

1 Samuel 14:45

Menkhan hoṛko do Sạulko metadea, “Okoe iạte Israelko niạ maraṅ bańcaoko ńamakatʼ uni Jonathan do cetʼ gujukʼ hoyokʼtea? Tisge baṅa; jiwetʼ Isor ńutumtele kiriạkʼ kana, uniyakʼ mitʼṭecʼ upʼ hõ otre do baṅ ńurokʼtaea, ente uni teheń okae ceka akatʼ ona do Isor sãote tahẽkategeye onka akada.” Nonkate hoṛko do Jonathanko rukhiyạkedea, ar uni do bae gocʼ ocolena.

Bikʼcạrko 12:3

Iń doń ńelkeda ape do bape goṛowạńkana onate jiwi cuputʼkate Amonrenko sãote lạṛhại lạgitʼ iń oḍok calaoena ar Probhu Isor do onko cetanreye jitạu ocokedińa. Menkhan ńitokʼ ape do cedakʼ iń tulucʼ lạṛhại lạgitʼpe hecʼakana?”

Ibriko 2:3

Enḍekhan kại khon bańcaokʼ lạgitʼ Isor okaṭakʼ maraṅ bondobose dohoakatʼ ar ona babon bạsutakʼ khan enḍekhan cekate bańcao dobon ńama? Kại khon bańcao ńam reakʼ katha do pạhilre Probhu Jisugeye menleda ar okoe onako ańjomletʼ onko do ona bańcaokʼ reakʼ sạriạkʼtetʼ abo ṭhenko sạbud akada.

Exodus 14:13

Mose do onkoe metatʼkoa, “Alope botorokʼa. Okare menakʼpe onḍege tahenpe ar Probhuakʼ bańcao reakʼ kạmi ńelpe. Uni do teheńge ape lạgitʼe onkaea. Okoe misrikope ńeletʼko onko do ar tisge bape ńelkoa.

Sereńko 25:3

Okoe amre bhorsae dohoyetʼkan uni do bae lajao ocokʼa, menkhan okoe ạuṛiyakʼteko chol kopoṭetʼ onkoge lajaoreko paṛaokʼa.

1 Samuel 19:6

Unre Sạul do Jonathanakʼ katha ańjomkate kiriạyenteye menkeda, “Jiwetʼ Probhu Isor ńutumte kiriạkateń meneda uni do bae gocʼ ocokʼa.”

1 Samuel 22:14

Ahimelek do raj roṛ ruạṛadeteye metadea, “E maharaj, amren sanam kạmiyạko khon amren jãwãe gomkem Dạud leka pạtiạr do ar okoe menaea? Uni do amren pahra khataren mukhiyạ kanae ar amakʼ gharońj talaren hõ mitʼṭen manoticʼge.

2 Samuel 23:10

Eleasar do lạṛhại thạ̃ire teṅgoyente Philisṭiko ńẽńẽtʼe ehopʼena. Ar onko ńẽtʼ ńẽtʼteye laṅgayen khan uniyakʼ tire tarwaṛe do laṭkao uricʼena. Enhilokʼ Probhu Isor do mitʼṭecʼ maraṅ jite hoyocokeda. Ar lạṛhại phạdko tinre Eliasar ṭhenko ruạṛ hecʼena unre gocʼ hoṛkoakʼ jinisko luṭ chaḍa cekae reakʼ ar cetʼ hõ baṅ tahẽlentakoa.

Sereńko 94:21

Onko do dhorom hoṛko upạrte dolko pakaoa ar dhoromko gujukʼ sạjại emako lạgitʼko dusikoa.

1 Bõsbudạ 11:18

Niạ katha ańjomkate onko pene birbanṭa hoṛ do Philisṭiren lạṛhại phạdko talate senkate Bethlehem reakʼ phaṭok-duạr ṭhenakʼ kuń khon dakʼ lo rakapʼkate Dạud ṭhenko idikeda. Menkhan Dạud do ona bae ńũleda; ona bodolte ona dakʼ do Probhu Isor ńutumte otreye dulkeda.

Sereńko 109:5

Onko do bhạlại bodolte bạṛicʼakʼko ladewạń kana, ar dulạṛ bodolteko kurudạń kana.