1 Samuel 19:20 - সান্তালী বাইবেল

²⁰ Niạ katha ańjomkate uni do Dạud sapʼ ạguiye lạgitʼ hoṛkoe kolketʼkoa. Onko hoṛ do senkateko ńelkeda mitʼ dol nạbi do Sạmuel tabere tahẽkate Isorakʼ kathako lạlạikana. Unre Sạulren hoṛko cetanre hõ Isorren jiue hecʼena ar onko hõ nạbi lekate Isorakʼ katha lạlạiko ehopʼen.

1 Samuel 19:20 Referans Kwoze

Johan 7:32

Hoṛko Jisu reaṅko phasar phusuretʼkan ona do Phạrusikoko ańjomkeda. Unre maraṅ naekeko ar Phạrusiko do Jisu sabe lạgitʼ peadakoko kolketʼkoa.

Joel 2:28

“Ona tayom iń do sanam hoṛko cetanre ińren Jiu iń dulea. Onate aperen hopon ar hoponerako do nạbi lekate Isorakʼ kathako roṛa, ar aperen haṛam hoṛ do kukmũko ńela ar aperen juạnko hõ dorsonko ńama.

1 Samuel 10:10

Sạul ar uniren guti do Gibeate kin seṭeren khan mitʼ dol nạbiko sãotekin ńapamena. Unre Isorren Jiu do Sạule sarbharao ocokedea, ar uni do nạbiko talare senkate Isorakʼ katha lạlạiye ehopʼena.

1 Samuel 19:14

Ar Sạul do Dạud sabe lạgitʼ hoṛe kolketʼko khan Mikale menkeda, “Uni doe ruạkʼ kana.”

1 Samuel 19:11

Dạud cetanre nońjor dohoy lạgitʼ Sạul do uniyakʼ oṛakʼte hoṛe kolketʼkoa jemon dosar hilokʼ setakʼre uniye gocʼ daṛeae. Menkhan Dạudren bạhu Mikal do jotowakʼe baḍae ocokedeteye metadea, “Teheń ńindạ bam dạṛ enḍekhan gapage am dom gocʼ ocokʼa.”

1 Korinthiko 14:3

Menkhan nạbi lekate katha roroṛicʼ do manwako ṭhen nonkan kathae roṛa one okaṭakʼteye benao rakapʼko, are udgạuko ar jiwi raṛecʼe danako.

Numeri 24:2

Uni doe ńelkeda, Israelko do akoakʼ khũṭ lekageko ḍera akana. Unre Isorren Jiu do uni cetanreye hecʼena,

1 Samuel 19:19

Sạul do khobore ńamkeda, Dạud do Rama reakʼ Nayotre menaea.

1 Samuel 19:21

Sạul do ona kathako baḍae ocokede khan arhõ hoṛe kolketʼkoa menkhan onko hõ senkate nạbi lekate Isorakʼ katha roroṛko ehopʼena. Khan Sạul do tesar dhao arhõ hoṛe kolketʼkoa ar onko hõ nạbi lekate katha roroṛko ehopʼena.