1 Samuel 19:18 - সান্তালী বাইবেল

¹⁸ Ar Dạud doe dạṛketʼte jiwiye bańcaoketʼtaea. Uni do Ramare Sạmuel ṭhene senena ar acʼ upạrte Sạul okakoe ceka akatʼ ona jotowakʼe baḍae ocokedea. Ona tayom Dạud ar Sạmuel do Nayot burure senkate girobasokʼ kin ehopʼena.

1 Samuel 19:18 Referans Kwoze

1 Samuel 7:17

Ar ona tayom uni do acʼakʼ oṛakʼ Ramateye ruạṛ calakʼkan tahẽkana. Uni do onḍe hõ Israelkoe bicạretʼko tahẽkana. Ar Probhu Isor ńutumte onḍe mitʼṭecʼ pinḍe benaoletʼ tahẽkana.

Jakob 5:16

Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoeocoya.

Sereńko 116:11

Iń doń botorlena, “Ente sanam manwageko eṛegea.”

1 Samuel 28:3

Noa laharege Samuel doe gocʼ akan tahẽkana, ar Israelren sanam hoṛ do uni lạgitʼko homor halaṅleda ar uniyakʼ nagraha Ramareko topa akade tahẽkana. Okoe gocʼ hoṛkoren jiu tulucʼ kathako roṛ ar bạṛicʼ jiuko sãote jopoṛaoko dohoy Sạul do nonkan hoṛko disạm khone laga ńirletʼko tahẽkana.

1 Samuel 15:34

Ona tayom uni do Ramoteye ruạṛ calaoena ar Sạul do Gibeat-Sạul nagrahateye ruạṛena.

1 Samuel 19:19

Sạul do khobore ńamkeda, Dạud do Rama reakʼ Nayotre menaea.

1 Samuel 19:22

Mucạtʼre Sạul do acʼtetʼge Ramateye senena ar Sekure menakʼ maraṅ kuń ṭhen senkateye kuliyana, “Samuel ar Dạud do okare menakʼkinạ?” Mitʼ hoṛ doe menkeda, “Rama reakʼ Nayotre menakʼkinạ.”

1 Samuel 19:23

Onate Sạul do Rama reakʼ Nayot secʼe mohnḍayena. Menkhan Isorren jiu do uni cetanreye hecʼena. Ar uni do goṭa hor nạbi lekate Isorakʼ katha lại lạite Nayotteye seṭerena.

1 Samuel 1:19

Dosar hilokʼ setakʼ onko do beretʼkate mundilre senkate Probhu Isorko sewawadea. Ar ona tayom do akoakʼ oṛakʼ Ramoteko ruạṛ calaoena. Tayomte Elkana do acʼren bạhu Hanna ṭhene boloyena ar Probhu Isor hõ Hannae luturadea.

1 Samuel 20:1

Ona tayom Dạud do Rama reakʼ Nayot khone dạṛketʼte Jonathan ṭhene senena ar uniye kulikedea, “Ạliń do cetʼ liń ceka akada? Ar ạlińakʼ dos baṅ cetʼkan? Abenren baba upạrte cetʼ liń kại akatʼte, uni do gocʼ liń lạgitʼe kurumuṭu kana?”

1 Samuel 21:11

Menkhan Akisren hoṛ do Akisko metadea, “Nuige baṅ disạmren raj do? Nui reaṅge cetʼ hoṛko do enecʼ sereńateko menleda, ‘Sạul doe gocʼketʼkoa hajar hajar Dạud doe gocʼketʼkoa ojut ojut?’ ”