1 Samuel 18:8 - সান্তালী বাইবেল

⁸ Niạ sereń ańjomkate Sạul do ạḍiye edreyena. Uni do bekusiteye menkeda, “Dạud reaṅ onko do ojute ojutko meneda menkhan iń reaṅ do hajarke hajar. Niạ tayom Dạud do rajosṭi ńam chaḍa ar cetʼ sarecʼ tahẽyentaea?”

1 Samuel 18:8 Referans Kwoze

1 Samuel 15:28

Unre Sạmuel do uniye metadea, “Probhu Isor do teheń am ṭhen khon Israelkoakʼ rajosṭi hõ nonkageye recʼ hataokeda ar am khon hõ bhage amakʼ disạmren mitʼ hoṛe emadea.

Kạhtukko 13:10

Bạḍại do jhogṛa ar reṭepeṭeye sirjạu ocoya, menkhan okoe hukumko ańjometʼ onko ṭhen do ạkil ńamokʼa.

Jakob 4:5

Ape do cetʼpe hudiseda, sonot sostorre ạuṛiyakʼge noa kathae meneda je, sonot Jiu, one Isor do aboakʼ ontorreye emakade, uni do aboakʼ bhokti ńam lạgitʼe koyokʼ hor akada mente?

Ester 3:5

Mordekai do ikhṛum hõ baṅ ar manot hõ baṅ emokʼkan reakʼe baḍaeketʼ khan Haman do ạḍiye raṅgaoena.

1 Samuel 20:31

Tinạkʼ din Jisạiren hopon niạ dhạrtire jiwetʼe tahen unạkʼ din am do bam ṭarhao tahena, ar amakʼ rajosṭi hõ baṅ ṭikạu tahena. Onate ńitge hoṛ kolkate iń ṭhen ạguiyem, uni do gujukʼtege hoyokʼtaea.”

Kạhtukko 27:4

Raṅgao do kurmutạhagea ar edre hõ ạḍi tạpisgea, menkhan mẽtʼ jolokʼ samaṅre do okoehõ bae teṅgo daṛeakʼa.

Sosolhayic̕ 4:4

Ińiń ńelkeda, ạḍepaseren hoṛ cetanre hiskạ iạte manwa do joto lekanakʼe khaṭaokʼ kana ar joe ńameda. Ar niạ hõ ạuṛiyakʼ kana, eken hoe tayomte ńir calakʼ chaḍa ar cetʼge baṅkana.

1 Rapajko 2:22

Solomon do acʼren eṅgattetʼe metadea, “Adoniạ lạgitʼ Sunemrem Abisag do cedakʼem khojekana? Am do uni lạgitʼ rajosṭi hõm koe daṛekińạ, ente uni do ińren maraṅicʼ boeha kanae; hẽ ar uni lạgitʼ, naeke Abiạthar lạgitʼ ar Seruyaren hopon Joab lạgitʼ hõ onam koe daṛekińạ.”

1 Samuel 16:13

Unre Sạmuel do dereń reakʼ sunumante uniren boehako talareye ojokʼkedea. Ar enhilokʼ khon Probhu Isorren Jiu do Dạud cetanreye hecʼena. Inạ tayom Sạmuel do Ramoteye ruạṛ senena.

1 Samuel 13:14

Menkhan ńitokʼ amakʼ rajokʼ do ḍher din baṅ ṭikạu tahena. Probhu Isor do acʼakʼ kusileka mitʼṭen hoṛe ńam akadea ar unige acʼren hoṛkoren mukhiyạ menteye bahal akadea, ente uniyakʼ hukum do bam ańjom akada.”

Numeri 22:34

Unre Biliam do Probhu Isorren goḍete metadea, “Iń doń kại akada. Bạń bujhạu daṛeada, am dom tạkicʼ daram edeńkana mente. Ińre kusi bạnum khan enḍekhan iń doń ruạṛ calakʼa.”

Numeri 11:1

Israelko talare oka duk ar kosṭo hoyokʼkan tahẽkan onate onko do Probhu Isor samaṅreko karacʼ kurujokʼkan tahẽkana. Ona ańjomte Probhu Isor doe edreyena. Uniyakʼ seṅgel do onko talare jolokʼ ehopʼena ar ḍeraren thoṛa hoṛ doko lo gocʼena.

1 Samuel 18:9

Ar inạ tayom khon Sạul do Dạud hiskạwaeye ehopʼena.

1 Samuel 19:1

Sạul do acʼren hopon Jonathan ar acʼren sanam kạmiyạkoe metatʼkoa jemon onko do Dạudko goje. Menkhan Sạulren hopon Jonathan do Dạud ạḍiye dulạṛede tahẽkana.

Genesis 37:8

Unre uniren boeha do uniko metadea, “Am do cetʼ sạrigem hudiseda rajem hoyokʼa ar ale cetanre hukumem calaoa?” Uniyakʼ kukmũ ar kathate uniren dadattetʼtako do arhõ bạ̃ṛti hiskạwaeko ehopʼena.

Genesis 37:11

Niạ tayom Joseph iạte acʼren boehako do hiskạte mon perecʼentakoa, menkhan uniren apat do noako katha monreye rebetʼ dohokada, ar okoehõ bae lạiyatʼkoa.