1 Samuel 18:28 - সান্তালী বাইবেল

²⁸ Sạul do unreye bujhạu daṛekeda, Probhu Isor do Dạud sãote menaea ar acʼren hoponera Mikal hõ Dạude dulạṛ edekana,

1 Samuel 18:28 Referans Kwoze

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.

1 Samuel 26:25

Unre Sạul do Dạude metadea, “E jãwãe, bhạgangea ben, aben do khạṭige maraṅ maraṅakʼ ben kạmiya arben jitạukʼa.” Inạ tayom Dạud do acʼakʼ horteye calaoena ar Sạul hõ oṛakʼteye ruạṛena.

1 Samuel 24:20

Ńitokʼ do liń baḍae daṛeakʼ kana, aben do khạṭige raj ben hoyokʼa ar aben hotetege Israelakʼ rajosṭi do teṅgo ṭarhaokʼa.

Genesis 39:3

Ar uniren kisạ̃ṛ doe ńelkeda Probhu Isor do Joseph sãore menaete uniyakʼ joto lekan kạmireye jo baha ocoyedekana.

Genesis 30:27

Menkhan Laban do uniye metadea, “Ạliń cetanre abenakʼ jãhãn bekusiyakʼ menakʼ khan enḍekhan alo ben calakʼa. Ạliń liń bujhạu daṛeakʼ kana, Probhu Isor do aben iạtege ạliń doe bhor akawatʼlińa.”

1 Samuel 18:20

Menkhan Dạud do Sạulren armitʼṭen hoponera Mikale dulạṛede tahẽkana. Hoṛko do ona katha tinre Sạulko baḍae ocokedea unre Sạul doe kusiyena.

1 Samuel 18:29

unre Dạud cetanre botor do arhõ ḍherentaea. Ar ạuriye gujukʼ hạbicʼ Dạud do uniren bạiriye hoyena.

Genesis 26:28

Onkoko menkeda, “Ale do ńitokʼ saphatele ńeleda Probhu Isor do am tulucʼ menaea. Ar onatele ṭhik dohoakada am ar ale talare mitʼṭecʼ cukti tahen do jạruṛgea. Onate dela, noa bon kiriạlenge,