1 Samuel 18:22 - সান্তালী বাইবেল

²² Sạul do acʼren kạmiyạko noae hukumatʼkoa, “Dạud hape hapete galmaraoepe, ‘raj do am cetanre ạḍiye kusiakana, ar uniren sanam kạmiyạko hõ amko kusiyam kana. Onate rajren jãwãe goṅke do amge hoyokʼme.’ ”

1 Samuel 18:22 Referans Kwoze

Sereńko 55:21

Uniyakʼ moca reakʼ katha do makhon khon hõ cĩkạṛgea, menkhan uniyakʼ ontorre do lạṛhại menakʼa; uniyakʼ kathako do hoṛmore ojokʼ akatʼ sunum khon hõ noromgea, menkhan onako do khap khon or bocʼ akatʼ tarwaṛe lekage.

Kạhtukko 29:12

Mạliki calaoetʼ hoṛ eṛe kathae luturakʼ khan uniren sanam kạmiyạko hõko bạṛijokʼa.

1 Samuel 18:21

Uni do mone moneteye menkeda, “Dạud do ińren hoponerań emaea jemon hoponerań do uniren jhampa lekae hoyokʼ ar Philisṭikoakʼ ti uni upạrte paṛaokʼ.” Niạ hudiskate Sạul do Dạude metadea, “Ińren jãwãe goṅkeńem hoyokʼ reakʼ do niạge amakʼ dosar ạt kana.”

1 Samuel 18:23

Onko do noa katha Dạudko baḍae ocokede khan uni doe menkeda, “Rajren jãwãe gomkeń hoyokʼ do cetʼ ạḍi algagepe bujhạueda? Iń doń reṅgecʼ hoṛ kana, mitʼṭen sadharon hoṛ kạnạń.”