1 Samuel 18:21 - সান্তালী বাইবেল

²¹ Uni do mone moneteye menkeda, “Dạud do ińren hoponerań emaea jemon hoponerań do uniren jhampa lekae hoyokʼ ar Philisṭikoakʼ ti uni upạrte paṛaokʼ.” Niạ hudiskate Sạul do Dạude metadea, “Ińren jãwãe goṅkeńem hoyokʼ reakʼ do niạge amakʼ dosar ạt kana.”

1 Samuel 18:21 Referans Kwoze

1 Samuel 18:17

Mitʼdin Sạul do Dạude metadea, “Ińren maraṅicʼ hoponera Merab do am sãoteń baplakaea. Onate am do eken iń secʼ khon birbanṭa leka Probhu Isor lạgitʼ lạṛhạime.” Sạul do Dạud cetanre acʼakʼ ti rakabtae bae menetʼ tahẽkanre hõ Philisṭikoakʼ tite uni gocʼ ocoye do moneteye khojgokʼkan tahẽkangea.

Jirimiạ 9:8

Onkoakʼ alaṅ do gogocʼakʼ sar leka; ona do phạsiạra kathageko roṛa. Onko do mocate aḍepaserenko tulucʼ sebel sebel kathako galmaraoa menkhan ontorre do uni upạrte jhãmpako oḍaoeda.

1 Samuel 18:26

Kạmiyạko do ona katha Dạudko baḍae ocokede khan Dạud doe kusiyena ar rajren jãwãe gomke hoyokʼ lạgitʼe rebenena. Ar noa lạgitʼ oka okteko niṭade tahẽkan ona ạuri seṭerokʼrege Dạud ar uniren hoṛ do senkate barsae Philisṭiko gocʼketʼkoa. Ar Dạud do rajren jãwãe goṅke hoyokʼ lạgitʼ onko Philisṭikoakʼ khatnakʼakʼe ạgukeda ar Sạule emadea. Unre Sạul do Dạud sãote acʼren hoponera Mikale baplakadea.

Exodus 10:7

Unre Pharaoren kạmiyạko do uniko metadea, “Noko hoṛ do ar tinạkʼ din aboakʼ jhampa lekako tahena? Onko jemon akoren Isorko sewa daṛeae onate sen ocoakome. Am do cetʼ bam bujhạu daṛeakʼ kana, Misor do dhaṅ dhaser cabakʼkana mente?”

Jirimiạ 5:26

“Ińren hoṛko talare bạṛicʼ hoṛ menakʼkoa okoe do cẽṛẽ jhãmpako leka tãṛãkʼ akaeko tahenkan; onko do pạsi oḍaokate manwako sapʼkoa.

Kạhtukko 29:5

Okoe hoṛ aḍepaserenkoe lạhum sạhumko uni do acʼakʼ jaṅga lạgitʼ jhạligeye oḍaoeda.

Sereńko 38:12

Okoe do iń gojeńko menjoṅkan onko do iń lạgitʼ pạsiko oḍao akada; okoe iń hạneńko menjoṅkan onko do maraoiń reakʼ botorko udukʼạń kana; goṭa din onko do ṭhokayiń reakʼ phundiko aṭaoeda.

1 Samuel 18:22

Sạul do acʼren kạmiyạko noae hukumatʼkoa, “Dạud hape hapete galmaraoepe, ‘raj do am cetanre ạḍiye kusiakana, ar uniren sanam kạmiyạko hõ amko kusiyam kana. Onate rajren jãwãe goṅke do amge hoyokʼme.’ ”