1 Samuel 18:17 - সান্তালী বাইবেল

¹⁷ Mitʼdin Sạul do Dạude metadea, “Ińren maraṅicʼ hoponera Merab do am sãoteń baplakaea. Onate am do eken iń secʼ khon birbanṭa leka Probhu Isor lạgitʼ lạṛhạime.” Sạul do Dạud cetanre acʼakʼ ti rakabtae bae menetʼ tahẽkanre hõ Philisṭikoakʼ tite uni gocʼ ocoye do moneteye khojgokʼkan tahẽkangea.

1 Samuel 18:17 Referans Kwoze

1 Samuel 25:28

Amren kạ̃ṛmĩyakʼ behokakʼ do dayakate ikạkakʼme. Probhu Isor do khạṭige ińren mạlikakʼ bõse teṅgo ṭarhaoa, ente uni do Probhu Isorakʼgeye lạṛhại kana. Ar ńit hạbicʼte amre cetʼ bạṛicʼakʼge baṅ ńel akana ar baṅ ńamokʼa.

1 Samuel 18:25

Unre Sạule metatʼkoa, “Dạud metaepe, raj do jãhãnakʼ gonoṅ hõ bae hataoa, eken bạiriko cetanre halae lạgitʼ mitʼsae Philisṭikoakʼ khatnakʼakʼge.” Nonkate Philisṭikoakʼ tite jemon Dạude marao utạrokʼ, noage Sạulakʼ monsubạ do tahẽkana.

1 Samuel 17:25

Israelkoko roṛetʼ tahẽkana, “Uni hoṛ okoe do ghane ghạṛicʼe oḍok hijukʼkan, uni mape ńelekange? Uni do Israelkoe ṭiṭkạriyetʼkoa. Uni hoṛ jãhãegeye gocʼ daṛeae enḍekhan raj do uni hoṛ ạḍi utạr dhon-duribe emaea. Ar acʼren hoponera hõ uni sãoteye baplakaea ar Israel disạmre uniyakʼ gharońjrenko do khajna ar rajakʼ eṭakʼ jãhãnakʼ cetʼge emokʼ baṅ lagaoaea.”

1 Samuel 18:21

Uni do mone moneteye menkeda, “Dạud do ińren hoponerań emaea jemon hoponerań do uniren jhampa lekae hoyokʼ ar Philisṭikoakʼ ti uni upạrte paṛaokʼ.” Niạ hudiskate Sạul do Dạude metadea, “Ińren jãwãe goṅkeńem hoyokʼ reakʼ do niạge amakʼ dosar ạt kana.”

1 Samuel 17:47

Ar tinạkʼ hoṛ nonḍe menakʼko onko hõko baḍae daṛeakʼa, tarwaṛe se borlomte Probhu Isor do bae bańcaoa, ente niạ lạṛhại do Probhu Isorakʼ kangea; ar uni do aleakʼ tireye jimạpea.”

Sereńko 55:21

Uniyakʼ moca reakʼ katha do makhon khon hõ cĩkạṛgea, menkhan uniyakʼ ontorre do lạṛhại menakʼa; uniyakʼ kathako do hoṛmore ojokʼ akatʼ sunum khon hõ noromgea, menkhan onako do khap khon or bocʼ akatʼ tarwaṛe lekage.

Sereńko 12:2

Manwa do manwa ṭhen eṛeko roṛetʼkana; onko do luṭite kathako roṛa ar ontor do eṛete perecʼgetakoa.

2 Samuel 12:9

Menkhan Probhu Isorakʼ mẽtʼre oka bạṛicʼakʼkan ona kạmikate cedakʼ uniyakʼ katha dom nihạ̃t akada? Uni Hiti hoṛ Uriạ do tarwaṛetem gocʼ ocokedea ar uniren bạhu do amren bạhu mentem hatao akadea, ar Amonrenko hotetem gocʼ ocoakadea.

2 Samuel 11:15

Onare niạ kathae olkeda, “Okare kajak lạṛhại hoyokʼkan onḍe Uriạ do lạṛhại phạdko laharem dohoyea, ar uni tayom khonpe ocogokʼte unipe ńẽtʼ ocoyea jemone gujukʼ.

Dosar Biboron 17:7

Uni hoṛ goje lạgitʼ do gohakoge pạhilre dhiriteko tiń maṛaṅema, ar ona tayom do eṭakʼ hoṛkoko tińea. Ar nonkate ape tala khon uni bạṛicʼ hoṛpe marao giḍikaea.

Numeri 32:29

Uni doe metatʼkoa, “Gad ar Ruben gusṭiren herel hoponko lạṛhại reakʼ khanḍa bhanḍawante Probhu Isor samaṅte lạṛhại lạgitʼ ape sãote jordan gaḍako parom calakʼa, ar disạm do ape gobolre hecʼlenre Gilead do sompotti lekate onkope emakoa.

Numeri 32:27

Menkhan ale do aleren mạlikakʼ katha leka lạṛhại reakʼ khanḍa bhanḍawante Probhu Isor samaṅte gaḍale paromokʼa.”

Numeri 32:20

Niạ katha ańjomkate Mose do onkoe metatʼkoa, “Ape onape onkae khan, ar Probhu Isor samaṅre lạṛhại reakʼ khanḍa bhanḍawante bạiriko ạuribo laga ńirko hạbicʼ ape sanamko lạṛhại reakʼ sajte Probhu Isor samaṅte gaḍa hanasape calakʼ,

Numeri 21:14

Probhu Isorakʼ lạṛhại ńutumanakʼ puthire menakʼa, “Nagraha secʼ sen akan Supha ṭoṭha reakʼ Owaheb ar Arnon ar ona reakʼ nalako ar buru nala reakʼ dhasna, noako do Moab simạnarege japakʼ akana.”

1 Samuel 14:49

Jonathan, Jesbi ar Molkisui ńutuman Sạulren do pe hoponko tahẽkantaea. Uniren maraṅicʼ hoponeratakʼ ńutum do Merob ar huḍińicʼ hoponeratakʼ ńutum do Mikhal tahẽkana.

1 Samuel 17:36

Dhạcri kul ar banako do amren golamakʼ tite cetʼlekako gocʼ ocoakan, onkage nui bin khatna akan Philisṭi hoṛakʼ dosa hõ hoyokʼtaea, ente uni do jiwetʼ Isorren lạṛhại phạdkoe henosta akatʼkoa.”

1 Samuel 30:26

Siklogte ruạṛ hecʼkate Dạud do Jihudạ gusṭiren murubbiko ṭhen luṭteakʼ jinis reakʼ thoṛa hĩse kolkeda. Onko do uniren gateko tahẽkana. Uni do onko ṭhen niạ kathae roṛgotʼkada, “Probhu Isorren bạiriko ṭhen khon luṭ ạguwakʼ jinisko reakʼ thoṛa dan do ape ṭheniń kolkeda.”

2 Samuel 6:16

Probhu Isorakʼ sinduk do Dạudakʼ nagrahate seṭerena khan Sạulren hoponera Mikal do jalna khon oyoṅkate onakoe ńelkeda. Ar Probhu Isor samaṅre Dạud do donate enecʼkane ńelkedete uniye nihạ̃tkedea.

Kạhtukko 26:24

Kurudamkan hoṛ do acʼakʼ luṭite heṛem heṛeme roṛama, menkhan ontorre do phikire dohoyeda.

Kạhtukko 26:25

Uniyakʼ katha sebelgere hõ alom pạtiạuakʼa, ente uniyakʼ ontorre do eae goṭecʼ hirkhạwakʼko menakʼa.

Kạhtukko 26:26

Acʼakʼ kurud do calakteye dapallere hõ enhõ acʼakʼ bạṛicʼtetʼ do manḍerre sodorokʼa.