1 Samuel 18:14 - সান্তালী বাইবেল

¹⁴ Probhu Isor do uni sãoteye tahẽkante jotowakʼrege bud salakʼ kạmikateye jo bahakʼkan tahẽkana.

1 Samuel 18:14 Referans Kwoze

Genesis 39:23

Joseph cetanre okako kạmi reakʼ bhar tahẽkan hajot khanaren sordar do ona bae ńel todarotetʼ tahẽkana, ente Probhu Isor do Joseph sãoreye tahẽkana, ar Joseph do jotowakʼ kạmiregeye jo baha ocokedea.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

1 Samuel 16:18

Uniren kạmiyạko modre mitʼ hoṛe menkeda, “Iń do Bethlehemre Jisạiren mitʼṭen hoponiń ńelakadea. Uni do ạḍi bhage peṛesaṅe banam daṛeakʼa. Uni do mitʼṭen dilan bir hõ kanae. Ar ạḍi napae kathae roṛa ar ńelokʼte hõe napaegea, ar Probhu Isor do uni sãote menaea.”

Josuạ 6:27

Probhu Isor do Josuạ sãoteye tahẽyena, ar uniyakʼ ńutum do goṭa disạmre pasnao idiyena.

Aposkạmi 18:10

ente iń do am sãote minạńa. Amre jhãp emkate okoe hõ ohoko hạnlema, ente noa nagrahare ạḍi utạr hoṛ menakʼkotińa.”

Mathae 1:23

“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.

1 Samuel 10:7

Niạko cinhạ hoylenre am do okaṭakʼ cekae lektam onagem onkaea; Isor do am sãoteye tahena.

1 Samuel 18:15

Ar Dạud do sanamakʼ kạmiregeye jo bahakʼ kana menteye ńelketʼ khan Sạul do uni botoraye ehopʼena.

2 Rapajko 18:7

Probhu Isor do uni são sãoteye tahenkan tahẽkana. Ar jãhãnakʼgeye kạmiyetʼ tahẽkan onaregeye jo bahakʼkan tahẽkana. Asurren raj upạrte hulkate uni do golam ar bae khaṭaolena.

Sereńko 101:2

Sạbit jion khemao lạgitʼ iń moneyakʼa; Am do iń ṭhen tisem hijukʼa? Iń do sạbit monte ińakʼ oṛakʼreń tahena.

Bikʼcạrko 1:19

Probhu Isor do Jihudạ gusṭiren hoṛko sãoteye tahẽkana. Onko do buru ṭoṭhakoko hatletʼgea, menkhan bilạn ṭạnḍiren hoṛko do bako laga ńir daṛeatʼkoa, ente onkoakʼ do mẽṛhẽtʼ reakʼ rãt gạḍiko tahẽkantakoa.

1 Samuel 3:19

Nonkage Samuel doe hara idiyena ar Probhu Isor do uni sãoteye tahẽyena ar nạbi lekate roṛakʼ oka kathage Probhu Isor do bae ạuṛiyakʼ ocoletʼtaea.

1 Samuel 19:8

Tayomte arhõ lạṛhại tinre ehopʼena unre Dạud do oḍok senkate Philisṭiko sãoteye lạṛhạiyena. Uni do onkoren ạḍi utạr hoṛe gocʼketʼkoa, ar onko do uni samaṅ khonko dạṛkeda.

2 Samuel 5:10

Uni do dinke dine daṛe idiyena, ente sanam daṛean Probhu Isor do uni sãoteye tahẽkana.

1 Bõsbudạ 18:6

Dạud do Aram rajosṭi reakʼ Damesekre lạṛhại phạdkoe dohoketʼkoa. Onate Aramrenko do uni gobolre tahen hoyentakote khajna emaeko ehopʼena. Nonkate Dạud do jãhã jaegateye calakʼkan tahẽkan onḍege Probhu Isor do uniye jitạu ocoyede tahẽkana.

1 Bõsbudạ 18:13

Uni do Idom reakʼ adomakʼ jaegakore lạṛhại phạdkoe dohoketʼkoa ar onate Idomren hoṛko do Dạud gobolreko tahẽyena. Ar Dạud do jãhãtegeye calakʼkan tahẽkan onḍege Probhu Isor doe jitạu ocoyede tahẽkana.

2 Bõsbudạ 17:3

Probhu Isor do Jehosaphat sãoteye tahẽkana, ente uniren hapṛam Dạud pạhilre cetʼlekae calakʼkan tahẽkan onkage uni hõe calakʼkan tahẽkana. Uni do Bakʼal debota do baṅa bickom uniren hapṛamkoren Isorgeye dewa sewawae kan tahẽkana ar Israelko leka calakʼ baṅkate Isorakʼ hukum lekae calakʼ kan tahẽkana.