1 Samuel 18:12 - সান্তালী বাইবেল

¹² Sạul do Dạud botoraeye ehopʼena, ente Probhu Isor do Dạud sãoteye tahẽkana menkhan Sạul khon doe sahaṛ akan tahẽkana.

1 Samuel 18:12 Referans Kwoze

1 Samuel 18:29

unre Dạud cetanre botor do arhõ ḍherentaea. Ar ạuriye gujukʼ hạbicʼ Dạud do uniren bạiriye hoyena.

1 Samuel 18:15

Ar Dạud do sanamakʼ kạmiregeye jo bahakʼ kana menteye ńelketʼ khan Sạul do uni botoraye ehopʼena.

1 Samuel 28:15

Samuel do Sạule kulikedea, “Cedakʼ rakapʼ ạgukateyem ạṛisedeń kana?” Sạule menkeda, “Ạḍi muhinreń paṛao akana. Philisṭiko do iń upạrteko lạṛhạikana ar Isor hõe bạgi giḍi akadińạ. Uni do nạbiko hotete hõ baṅ, ar kukmũte hõ bae roṛ ruạṛạń kana. Ona iạte ńitokʼ cetʼ cekae jạruṛtińạ ona baḍae lạgitʼge amiń rakapʼ ạgu ocoakatʼmea.”

1 Samuel 16:18

Uniren kạmiyạko modre mitʼ hoṛe menkeda, “Iń do Bethlehemre Jisạiren mitʼṭen hoponiń ńelakadea. Uni do ạḍi bhage peṛesaṅe banam daṛeakʼa. Uni do mitʼṭen dilan bir hõ kanae. Ar ạḍi napae kathae roṛa ar ńelokʼte hõe napaegea, ar Probhu Isor do uni sãote menaea.”

Aposkạmi 24:25

Pạul do tinre dhorom horte calakʼ reakʼ, apnar sambṛaokʼ ar darakan bicạr reaṅe lạiyadea, unre Pheliks do botorenteye menkeda, “Ma ńitokʼ do calakʼme; arhõ okte nạpitreń hohoawma.”

Aposkạmi 7:9

“Onko khũṭren hapṛamko do Josephko hiskạwadete golam lekate Misor disạmteko ạkhrińgotʼkadea. Menkhan Isor do Joseph sãote tahẽkate joto lekan duk ar kosṭo khone rukhiyạkedea. Ona chaḍa Isor do Joseph akele danadea ar Misorren raj Pharao samaṅre daya ar dulạṛe ńamkeda. Onate Pharao do Misorren disạm cakʼlaoyicʼ ar acʼakʼ oṛakʼren mạlik hõe benaokedea.

Luk 8:37

Unre Gerasa ṭoṭharen sanam hoṛ do Jisuko nehõradea jemon ako ṭoṭha khone calaojoṅ, ente onko do botor caṛhaoatʼko tahẽkana. Ado unre Jisu do ruạṛ calakʼ lạgitʼ lạukạreye decʼena.

Mark 6:20

menkhan Herod do Johane botoraekan tahẽkana. Ente Johan do mitʼṭen dhorom ar sonot hoṛ menteye baḍae akade tahẽkana, ar onate uni do muskilakʼko khone rukhiyạyede tahẽkana. Herod do Johanakʼ kathako ańjomkate monre jut bae ạikạuetʼ tahẽkanre hõ uniyakʼ kathako ańjom doe kusikʼkan tahẽkangea.

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

Hosea 9:12

Onkoren gidrạkoko ạsul haralekore hõ onko gidrạ doń gocʼkoa; onkoren mitʼṭen hõ bako tahena. Hae onko do, tinre onko ṭhen khoniń calakʼa.

Sereńko 53:5

Amre jhãp emokʼkankoakʼ jaṅ do uniye gejertakoa; onko do lahate botor baṅ tahẽkantakore hõ, enhõ ńitokʼ do ạḍi bạṛicʼko botorena; Isor do onkoe bad giḍikatʼkoa, onate onko do lajaorem paṛao ocoakatʼkoa.

Sereńko 51:11

Am samaṅ khon alom pharak giḍikạńạ; iń khon amren sonot Jiu do alom idiyea.

1 Samuel 22:13

Sạul do uniye metadea, “Am ar Jisạiren hopon aben do iń upạrte cedakʼ ben soṛojontrokeda? Iń upạrte tãṛãkʼkate jemone hul daṛeakʼ onate am do piṭhạ ar tarwaṛem emadea ar unire Isorakʼ sana do cetʼ kana mente ona hõm kuliyana.”

1 Samuel 18:20

Menkhan Dạud do Sạulren armitʼṭen hoponera Mikale dulạṛede tahẽkana. Hoṛko do ona katha tinre Sạulko baḍae ocokedea unre Sạul doe kusiyena.

1 Samuel 16:4

Sạmuel do Probhu Isorakʼ katha lekageye kạmikeda. Ar tinre Bethlehemteye seṭerena unre atoren murubbiko do botorte thar tharaokʼ tulucʼ uni sãote ńapamokʼko oḍok hecʼena. Onko doko kulikedea, “Am do cetʼ suluk montegem hecʼakana?”

1 Samuel 20:13

Ar ạlińren baba abenakʼ bhạlại bae khoj ar ạliń bạliń baḍae ocoben ar nirạite bạliń kolben enḍekhan Probhu Isor do sạjạiye emalińma ona botor sạjạige. Probhu Isor do cetʼleka ạlińren baba sãoteye tahẽkan aben sãote hõ onkage baṛeye tahenma.

Bikʼcạrko 1:19

Probhu Isor do Jihudạ gusṭiren hoṛko sãoteye tahẽkana. Onko do buru ṭoṭhakoko hatletʼgea, menkhan bilạn ṭạnḍiren hoṛko do bako laga ńir daṛeatʼkoa, ente onkoakʼ do mẽṛhẽtʼ reakʼ rãt gạḍiko tahẽkantakoa.

Bikʼcạrko 16:20

Ona tayom Dolila doe metadea, “E Samson, Philisṭiko do am sapʼme lạgitʼko hecʼakana.” Samson do jạpitʼ khon ebhenkateye hudiskeda, lahate lekage irci giḍikate bahreteye oḍok calakʼa mente. Menkhan bae baḍaekan tahẽkana, Probhu Isor do uniye bạgi giḍi akadea mente.

1 Samuel 3:19

Nonkage Samuel doe hara idiyena ar Probhu Isor do uni sãoteye tahẽyena ar nạbi lekate roṛakʼ oka kathage Probhu Isor do bae ạuṛiyakʼ ocoletʼtaea.

2 Samuel 5:10

Uni do dinke dine daṛe idiyena, ente sanam daṛean Probhu Isor do uni sãoteye tahẽkana.

2 Bõsbudạ 17:3

Probhu Isor do Jehosaphat sãoteye tahẽkana, ente uniren hapṛam Dạud pạhilre cetʼlekae calakʼkan tahẽkan onkage uni hõe calakʼkan tahẽkana. Uni do Bakʼal debota do baṅa bickom uniren hapṛamkoren Isorgeye dewa sewawae kan tahẽkana ar Israelko leka calakʼ baṅkate Isorakʼ hukum lekae calakʼ kan tahẽkana.