1 Samuel 17:58 - সান্তালী বাইবেল

⁵⁸ Sạul do uniye kulikedea, “E bạbu, am dom okoeren hopon kana?” Dạude menkeda, “Iń do Bethlehem atoren amren golam Jisạiren hopon kạnạń.”

1 Samuel 17:58 Referans Kwoze

1 Samuel 17:12

Dạudren apattetʼ Jisại do Jihudạ ṭoṭha reakʼ Ephrath, metakʼme Bethlehem atoreye girobasokʼkan tahẽkana. Uniren do irạl goṭen koṛako tahẽkantaea. Ar Sạul rajokʼ oktere uni doe haṛam akan tahẽkana.

1 Samuel 16:1

Probhu Isor do Sạmuele metadea, “Sạul do Israelkoren raj mente doń nihạ̃t giḍiakadea, onate am do ar tinạkʼ din uni lạgitʼem dukokʼa? Am do ńitokʼ dereńre sunum hataokate oḍokokʼme. Ente iń do Bethlehem atoren Jisại ṭheniń kolmea. Uniren hoponko mod khon iń ńutumte mitʼṭen raj hoyokʼ lạgitʼ iń bachao dohoakadea.”

1 Samuel 20:6

Ar abenren baba do ạlińe khojleliń khan enḍekhan ben metaea, ‘Dạud do Bethlehemte acʼakʼ oṛakʼte usạra calakʼ lạgitʼ iń ṭhen nehõrkate hukume khojkeda,

2 Samuel 2:32

Onko do Asahelko kuṭuṅ idikedete Bethlehemteko senena ar uniren apatakʼ topareko topakedea. Ona tayom Joab ar uniren hoṛko do goṭa ńindạko taṛam idiketʼte setakʼ jokhecʼ Hebronteko seṭerena.