1 Samuel 17:46 - সান্তালী বাইবেল

⁴⁶ Teheńge Probhu Isor do ińakʼ tireye soprotmea. Ar iń do amiń bhindạṛmea ar bohokʼ iń makʼ kuṭrạitama. Ar teheńge Philisṭiren lạṛhại phạdkoakʼ mạ̃ṛĩ do coṭren cẽṛẽko ar otren janwarkoń jom ocokoa. Ona ńelte dhạrtiren sanamgeko baḍae daṛeakʼa, Israelkoren do mitʼṭen Isor menaetakoa.

1 Samuel 17:46 Referans Kwoze

Jesaea 52:10

Probhu Isor do sanam jạtrenkoakʼ mẽtʼ samaṅre acʼakʼ daṛeanakʼ sonot tiye sodortaea, ar dhạrti reakʼ sanam jaegaren hoṛko do aboren Isorakʼ babańcao reakʼ kạmiko ńela.

Josuạ 4:24

Uni do noae kạmikeda jemon dhạrtiren sanam jạtrenko baḍae daṛeakʼ, Probhu Isorakʼ ti do daṛeangea ar jao ghuṛi jemon aperen Probhu Isorpe botorae.”

2 Rapajko 19:19

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskarge Probhu do ar amkangeam Isor do .”

1 Rapajko 8:43

enḍekhan amakʼ tahen ṭhạ̃i khon ańjomtaeme. Ar uni okae khoj uni lạgitʼ ona baṛe onkaeme jemon dhạrtiren sanam hoṛko baḍae daṛeam ar amren hoṛko leka onkohõ amko sewawam arko baḍae daṛeakʼ, iń benaoakʼ niạ oṛakʼ do amakʼ oṛakʼ kangea mente.

Dosar Biboron 28:26

Apeakʼ mạ̃ṛĩ do coṭren cẽṛẽko ar otren janwarkoakʼ jomakʼge hoyokʼa, onko laga ńirko lạgitʼ do celege bako tahena.

Daniel 2:47

Raj do Daniele metadea, aperen Isor do sạrige Isorkoren Isor kanae, rapajkoren Probhu kanae ar okoakʼko sodoricʼ hõ kanae, ente am do noa okoakʼko reaṅem sodor daṛeada.

Exodus 9:16

Menkhan am do jiwetʼ iń dohomea jemon ińakʼ daṛeń udukʼ daṛeam ar goṭa dhạrtire ińakʼ ńutum lại pasnaokʼtiń.

Mathae 24:28

Jãhãrege mạ̃ṛĩ tahen onḍege gidi hõko jarwakʼa.

Daniel 3:29

Ona iạte iń do noań hukumiń emetʼkana, jãhãn jạtren, disạmren se pạrsiren hoṛ jodi Sedrok, Mesak ar Abed-nego takoren Isor upạrte jãhãe jãhãnakʼe roṛ enḍekhan uni doe makʼ khanḍa khunḍi ocokʼa ar uniyakʼ oṛakʼ-duạr do guricʼ mande leka hoyokʼtaea, ente nonka do cele debotage bako babańcaoa.”

Jesaea 37:20

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskar kangeam Probhu Isor do.”

Sereńko 46:10

Probhu Isore meneda, “Thirokʼpe; ar noa katha baḍaepe je, iń kangeạń Isor do; sanam jạtrenko do ińko sarhaoińạ, ar dhạrti hõ ińe sarhaoińạ.”

1 Samuel 17:44

Uni do Dạud arhõe metadea, “Dela hijukʼme; amakʼ hoṛmo reakʼ jel do coṭren uḍạukʼ cẽṛẽko ar bir janwarkoń jom ocokoa.”

Dosar Biboron 7:23

Aperen Probhu Isor do apeye soprotapea onko ạuriko marao utạrokʼ hạbicʼ.

Dosar Biboron 7:2

Ar aperen Probhu Isor do tinre apeakʼ tireye jimạkoa unre sanamkope marao utạrkoa. Onko sãote jãhãn bondobosge alope dohoya ar onkore daya hõ alope dayakʼa.

Jesaea 56:9

E ṭạnḍiren ar birren sanam janwarko, jom lạgitʼ dela hijukʼpe.

Sereńko 31:8

Bạirikoakʼ tire am do bam dohoakadińạ, bickom mitʼṭecʼ phaelao jaegarem teṅgo akadińạ.

Josuạ 10:8

Probhu Isor do Josuại metadea, “Alom botorakoa; onko do amakʼ tireń soprotkoa. Onko do okoege am samaṅre bako teṅgo ṭarhao daṛeakʼa.”

1 Samuel 14:6

Jonathan do acʼren khanḍa bhanḍa asenicʼ koṛae metadea, “Dela, alaṅ do begor khatna akan hoṛkoakʼ ḍera telaṅ calakʼa. Pasecʼ Probhu Isor do abon lạgitʼ jãhãnakʼe cekaea, ente uni do acʼakʼ sana lekage thoṛa hoṛkote hõ ar ḍher hoṛko bhagao daṛeakoa.”

2 Samuel 18:28

Ahimas do ãṭ aṛaṅte raj hohoadeteye menkeda, “Jotoge bhagegea.” Ona tayom uni do otre ombakʼkate raj ḍobokʼadeteye menkeda, “Amren Probhu Isorakʼ sarhao baṛe hoyokʼtae ma. Ińren mạlik maharaj upạrte okoe tiko tulletʼ tahẽkan onko do aboakʼ tireye soprot akatʼkoa.”

2 Samuel 21:10

Unre Ayaren hoponerat Rispa do gõṛẽ kicricʼ idikate mitʼṭecʼ dhiri cetanreye aṭetʼana. Pạhil phosol gegetʼ khon ehopʼkate tinạkʼ din ona mạ̃ṛĩko cetanre serma khon jạ̃ṛĩ dakʼ ạuri ńurokʼ hạbicʼ siń do cẽṛẽko ar ńindạ do bir janwarko ona mạ̃ṛĩ ṭhen bae sor ocoatʼkoa.

1 Rapajko 8:60

Nonkate dhạrtiren sanam jạtrenko baḍae daṛeakʼa, Probhugeye Isor kana mente ar uni chaḍa eṭakʼ cele Isorge bạnukʼkoa.

2 Rapajko 5:15

Unre Naman ar uni sãoten sanam hoṛ do Isorren hoṛ ṭhenko ruạṛ calaoena. Naman do uni samaṅre teṅgokateye menkeda, “Ńitokʼ doń baḍae daṛeakʼkana, Israelren Isor chaḍa dhạrtire ar cele Isorge bạnukʼkoa. Am do ńitokʼ amren guti ṭhen khon niạ sandes baṛe ataṅme.”

Jirimiạ 34:20

Ona iạte okoe bạiriko onko gocʼko reakʼko menetʼkan onko bạirikoakʼ tiregeń soprotkoa. Onkoakʼ mạ̃ṛĩ do coṭren cẽṛẽko ar birren janwarkoakʼ jomakʼge hoyokʼa.

Genesis 40:19

Niạ pe din bhitrire Pharao do amakʼ bohokʼ am khone ńurtama are pạsimea, ar cẽṛẽko hecʼkate amakʼ jelko ṭhokrao joma.”

Jirimiạ 19:7

“ ‘Niạ ṭhạ̃ire iń do Jihudạ ar Jerusalemren hoṛkoakʼ goṭawakʼ iń ạuṛiyakʼ ocoytakoa. Ar okoe onkoakʼ jiwi hataoko khoj onko do onkoren bạiriko hotete lạṛhạireń gocʼkoa ar onkoakʼ mạ̃ṛĩ do coṭren cẽṛẽ ar bir janwarkoń jom ocokoa.