1 Samuel 17:4 - সান্তালী বাইবেল

⁴ Philisṭiren Guliạt ńutuman mitʼṭen birbanṭa hoṛ do onkoakʼ lạṛhại phạd khone oḍok hecʼena. Uni do Gat nagraharen hoṛe tahẽkana. Uni do usulte turui moka talae tahẽkana.

1 Samuel 17:4 Referans Kwoze

Josuạ 11:22

Israelkoakʼ disạm modre okoe Anakiko hõ jiwetʼ do ar bako tahẽlena; eken Gasa, Gad ar Asdodre thoṛa gan Anakiko jiwetʼko tahẽyena.

1 Samuel 17:23

Uni do tinre dadattetʼtako sãote kathae roroṛkan tahẽkana unre Gat nagraharen uni Philisṭi bir banṭa Guliạt do acʼren lạṛhại phạdko khon oḍok hecʼkate lahate lekage katha roroṛe ehopʼena, ar Dạud do uniye ńelkedea.

1 Bõsbudạ 11:23

Arhõ uni do misrikoren mitʼṭen hoṛ okoe do eae moka usule tahẽkan uni hõe gocʼledea. Unre uni misri hoṛakʼ tire do tãt reakʼ bim leka mitʼṭecʼ borlom tahẽkana, menkhan uni hoṛ do enhõ mitʼṭecʼ ṭheṅgawante uni misri secʼe laha idilena. Ar uni misri hoṛakʼ ti khon borlom recʼkate ona borlomtege uniye gocʼkedea.

1 Samuel 27:4

Sạul do tinreye baḍaekeda, Dạud do Gatteye dạṛ akada unre ar bae sendra baṛaledea.

Dosar Biboron 3:11

Rephiyikoren sarecʼ hoṛko modre eken Basonren raj Ogge jiwetʼe tahẽkana. Uniyakʼ mẽṛhẽtʼ reakʼ benaoakʼ giticʼ aṭetʼ do jeleńte are moka ar osarte pon moka tahẽkana. Ona do ńitokʼ hõ Amonrenkoakʼ Raba nagrahare menakʼa.

Amos 2:9

“E Israelren hoṛko, Amoriko do debdạru dare leka usul ar Elon dare leka daṛeanko tahẽkanre hõ enhõ onko Amoriko do ape samaṅregeń marao giḍiletʼkoa. Iń do onkoakʼ rehetʼ ar jo sudhạgeń maraoletʼtakoa.

1 Samuel 17:3

Unre Philisṭiko do mitʼ secʼ reakʼ burure ar Israelko do eṭakʼ secʼ reakʼ burureko teṅgoyena. Ona talare do Ela buru nala tahẽkana.

1 Samuel 17:5

Uniyakʼ bohokʼre do pitạl reakʼ tupri tahẽkana ar hoṛmore do hako cuạ̃kʼ leka pitạl reakʼ aṅgrop tahẽkantaea, ona reakʼ ojon do turuigel keji tahẽkana.