1 Samuel 17:37 - সান্তালী বাইবেল

³⁷ Dạud do arhõe menkeda, “Probhu Isor, okoe do dhạcri kul ar banako khone rukhiyạ akadiń, unige uni Philisṭi hoṛ khone rukhiyạyińạ.” Unre Sạul do Dạude metadea, “Enḍekhan do calakʼme, Probhu Isor do am sãoteye tahenma.”

1 Samuel 17:37 Referans Kwoze

Sereńko 63:7

ente am kangeam ińren gokʼṛoyicʼ; amakʼ phạ̃kṛạ̃kʼ reakʼ umulre iń doń sereńjoṅ kana.

1 Bõsbudạ 22:11

“E beṭa, Probhu Isor do ńitokʼ am sãote baṛeye tahenma; jo bahakʼme ar Probhu Isorakʼ katha leka uni lạgitʼ mitʼṭecʼ oṛakʼ benaome.

1 Samuel 20:13

Ar ạlińren baba abenakʼ bhạlại bae khoj ar ạliń bạliń baḍae ocoben ar nirạite bạliń kolben enḍekhan Probhu Isor do sạjạiye emalińma ona botor sạjạige. Probhu Isor do cetʼleka ạlińren baba sãoteye tahẽkan aben sãote hõ onkage baṛeye tahenma.

1 Samuel 7:12

Unre Samuel do mitʼṭecʼ dhiri hataokate Mispa ar Sen ńutuman mitʼṭecʼ jaega talare dohoketʼteye menkeda, “Niạ hạbicʼ Probhu Isor do aboe goṛo akatʼbona.” Niạ menkate uni do ona reakʼ ńutum Ebenesere dohokeda (ona reakʼ mane do “gokʼṛowakʼ dhiri”).

Sereńko 138:3

Iń do tinreń hohowatʼmea unre am dom roṛ ruạṛạdińa; ińakʼ ontor reakʼ daṛete am do dilanicʼem hoyocokedińa.

2 Samuel 10:12

Dil dohoyme; alaṅren hoṛko lạgitʼ ar aboren Isorakʼ nagrahako lạgitʼ dela, dil salakʼ bon lạṛhạilenge. Ar Probhu Isor do acʼakʼ mẽtʼre oka bhageakʼkan onageye onkaema.”

Sereńko 77:11

Probhu Isorakʼ sanam kạmiko reakʼ kathań disạ dohoya; hẽ, sedae reakʼ amakʼ hahaṛa kạmi reakʼ kathakoń disạya.

1 Samuel 26:25

Unre Sạul do Dạude metadea, “E jãwãe, bhạgangea ben, aben do khạṭige maraṅ maraṅakʼ ben kạmiya arben jitạukʼa.” Inạ tayom Dạud do acʼakʼ horteye calaoena ar Sạul hõ oṛakʼteye ruạṛena.

1 Samuel 24:19

Jãhãe hoṛ acʼren bạiri cetanre ạt ńamkate uniyakʼ begor loksante cetʼ uniye aṛagea? Teheń ạliń cetanre oka ben kạmiketʼ ona iạte Probhu Isorgeye bhạlại ben ma.

Sereńko 11:1

Iń do Probhu Isorrege asrayiń hatao akada. Cedakʼpe meneda, “Cẽṛẽ leka uḍạukʼte apeakʼ burute dạṛjoṅpe?”

1 Samuel 17:36

Dhạcri kul ar banako do amren golamakʼ tite cetʼlekako gocʼ ocoakan, onkage nui bin khatna akan Philisṭi hoṛakʼ dosa hõ hoyokʼtaea, ente uni do jiwetʼ Isorren lạṛhại phạdkoe henosta akatʼkoa.”

1 Samuel 17:38

Noa menkate Sạul do acʼakʼ lạṛhại posak Dạude horokʼadea. Uni do bohokʼre pitạl reakʼ ṭupri ar hoṛmore do mẽṛhẽtʼ aṅgrope horokʼadea.

Daniel 3:17

Ale okoe Isorle sewawae kan uniye khoj khan tobe do ona jolokʼkan bhaṭa khon acʼakʼ titeye bańcaolea.

Josuạ 1:17

Cetʼleka ale do Moseyakʼ kathale manao ạguakatʼ, onkage amakʼ hõle manaoa. Amren Probhu Isor do Mose sãote cetʼlekae tahẽkan onkage ape sãote hõ baṛeye tahenma.

Rut reakʼ kạhini 2:4

Unre Boas do Bethlehem khone hecʼena ar phosol gegetʼkan tahẽkan hoṛkoe metatʼkoa, “Probhu Isor ape sãore baṛeye tahenma.” Onko hõ uniko men ruạṛadea, “Probhu Isor hõ ame bhoram ma.”

Sereńko 118:6

Probhu Isor do iń sãore menaea, iń do bạń botorokʼa; manwa do cetʼe cekayiń baṅ?