1 Samuel 17:28 - সান্তালী বাইবেল

²⁸ Dạudren maraṅicʼ boeha Eliab do hoṛko sãote uniyakʼ galmaraoe ańjomketʼ khane raṅgaoena. Uni doe metadea, “Nonḍe do cedakʼem hecʼakana? Hahaṅkarre bhiḍiko do okoe jimạrem bạgi oṭoakawatʼkoa? Amakʼ bạḍại ar dusṭami reakʼ katha doń baḍaegea. Am do lạṛhại ńeńelgem hecʼakana?”

1 Samuel 17:28 Referans Kwoze

Mathae 10:36

Ar hoṛren bạiri do acʼ gharońjren hoṛgeko hoyokʼtaea.

Kạhtukko 18:19

Boeha hoteteye opoman ocoakan boeha do kajak nagraha khon hõe keṭecʼgea; ar jhogṛa kạphạriạu do raj dolan reakʼ huṛkạṛ leka.

Genesis 37:11

Niạ tayom Joseph iạte acʼren boehako do hiskạte mon perecʼentakoa, menkhan uniren apat do noako katha monreye rebetʼ dohokada, ar okoehõ bae lạiyatʼkoa.

Genesis 37:8

Unre uniren boeha do uniko metadea, “Am do cetʼ sạrigem hudiseda rajem hoyokʼa ar ale cetanre hukumem calaoa?” Uniyakʼ kukmũ ar kathate uniren dadattetʼtako do arhõ bạ̃ṛti hiskạwaeko ehopʼena.

Genesis 37:4

Uniren boehako tinreko bujhạukeda, akoren apat do Josephge bạ̃ṛtiye dulạṛedea mente unre onko do uni hiskạwaeko ehopʼena. Ar uni tulucʼ katha hõ mońte bako roṛetʼ tahẽkana.

Mark 3:21

Ado Jisuren peṛako noa khoborko ańjomketʼ khan oḍok ạguiye lạgitʼko hecʼena. Onkoko menkeda, “Uni doe koṅka akana.”

Jihudạwakʼ ciṭhi 1:10

Menkhan noko bhonḍ cecetʼko do oka bako bujhạu akatʼ ona reaṅ bạṛicʼ kathako roṛa ar bebuj janwarko leka akote okaṭakʼko bujhạuakatʼ onategeko marao utạrokʼa.

Mathae 27:18

Ente Pilạt doe baḍaekan tahẽkana, onko do hiskạ iạte Jisuko soprot akadea.

Sosolhayic̕ 4:4

Ińiń ńelkeda, ạḍepaseren hoṛ cetanre hiskạ iạte manwa do joto lekanakʼe khaṭaokʼ kana ar joe ńameda. Ar niạ hõ ạuṛiyakʼ kana, eken hoe tayomte ńir calakʼ chaḍa ar cetʼge baṅkana.

Kạhtukko 27:4

Raṅgao do kurmutạhagea ar edre hõ ạḍi tạpisgea, menkhan mẽtʼ jolokʼ samaṅre do okoehõ bae teṅgo daṛeakʼa.

Sereńko 35:11

Santaoko do eṛe goha emokʼ lạgitʼko hijukʼkana, ar oka bạń baḍae ona reaṅko jerayedeń kana.

1 Samuel 16:13

Unre Sạmuel do dereń reakʼ sunumante uniren boehako talareye ojokʼkedea. Ar enhilokʼ khon Probhu Isorren Jiu do Dạud cetanreye hecʼena. Inạ tayom Sạmuel do Ramoteye ruạṛ senena.

1 Samuel 16:7

Menkhan Probhu Isor do Sạmuele metadea, “Uniyakʼ rup se tinạkʼe usula ona do alom ńela, ente uni doń nihạ̃t akadea. Manwa okaṭakʼe ńel onate do jãhãnakʼ do baṅ cekakʼa, ente manwa do bahre rupko ńela menkhan Probhu Isor do ontorgeye ńeleda.”

1 Samuel 17:29

Dạud doe menkeda, “Iń do cetʼ iń ceka akatʼte? Iń ma ekeniń kuliakawan.”

2 Bõsbudạ 11:18

Rehobiam do Dạudren hopon Jerimotren hoponera Mahalate baplaledea. Mahalatren eṅgattetʼ do Abihayiel do Jisạiren hopon Eliabren hoponerae tahẽkana.