1 Samuel 17:11 - সান্তালী বাইবেল

¹¹ Uniyakʼ noako katha ańjomkate Sạul ar eṭakʼ Israelko do ạḍi botor caṛhaoatʼkoa.

1 Samuel 17:11 Referans Kwoze

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”

Dosar Biboron 31:8

Probhu Isor do acʼge am laha lahateye senokʼa ar am sãoteye tahena. Uni do tishõ bae bạgi giḍimea. Alom botorokʼa, ar alom torasokʼa.”

Jesaea 57:11

“Okoeyem botoraekante iń ṭhen eṛe katham roṛkeda, ar ińem hiṛińkedeńạ ar bam moneyạń kana? Ḍher din khon hape akae minạńte cetʼ bam botorạń kana?

Kạhtukko 28:1

Bedhoromko do begor khudạukotegeko dạṛ joṅa, menkhan dhorom hoṛ do dhạcri kul leka dil akaeko tahena.

Sereńko 27:1

Probhu Isorge ińakʼ marsal ar ińren babańcaoicʼ, Iń do okoeyiń botoraea? Probhu Isorge ińakʼ jion reakʼ gaṛ do, ar okoe ńelte botorteń thar tharaokokʼa?

1 Samuel 7:7

Philisṭiren disạm cakʼlaoko do Israelko Mispareko jarwa akan menteko ańjomketʼ khan onko upạrte lạṛhại lạgitʼko oḍok calaoena. Ar Israelko do ona katha ańjomkate Philisṭiko iạteko botorena.

1 Samuel 17:10

Uni Philisṭi hoṛ do arhõe menkeda, “Iń do teheń Israelkoren lạṛhại phạdko ṭiṭkạrikateń metape kana, iń sãote lạṛhại lạgitʼ mitʼṭen hoṛ emokʼpe.”

1 Samuel 17:12

Dạudren apattetʼ Jisại do Jihudạ ṭoṭha reakʼ Ephrath, metakʼme Bethlehem atoreye girobasokʼkan tahẽkana. Uniren do irạl goṭen koṛako tahẽkantaea. Ar Sạul rajokʼ oktere uni doe haṛam akan tahẽkana.

1 Samuel 13:7

Ar ḍher Ibriko do jordan gaḍa paromkate Gad ar Gilead ṭoṭhateko calaoena. Menkhan Sạul do Gilgolreye tahẽyena, ar uni sãoten lạṛhại phạdko do botorte thartharaokʼko ehopʼena.

1 Samuel 21:13

Ona iạte uni tinạkʼ din onko ṭhene tahẽyen unạkʼ din onko samaṅre koṅka lekae bhankeda. Ar tinre uniko sapʼkedea unre uni do koṅka leka duạr reakʼ kapaṭkore ạuṛige dag baṛaeye ehopʼena ar acʼakʼ ulidakʼ do goco cetanre tiṛạ toṛoy joro ocokeda.

Sereńko 118:6

Probhu Isor do iń sãore menaea, iń do bạń botorokʼa; manwa do cetʼe cekayiń baṅ?