1 Samuel 16:22 - সান্তালী বাইবেল

²² Unre Sạul do Jisại ṭhen kathae kolgotʼkada, “Dạud do ińakʼ kạmirege dhurạu akae tahẽocoaeme, ente uni do ạḍiń kusi akawadea.”

1 Samuel 16:22 Referans Kwoze

1 Samuel 16:21

Dạud do Sạul ṭhene hecʼen khan acʼakʼ kạmireye dohokedea. Ar Sạul do uni ạḍitetʼe dulạṛede tahẽkana ar Sạulren khanḍa bhanḍa asenicʼe hoyena.

1 Samuel 16:23

Isor ṭhen khon tinre uni bạṛicʼ jiu do Sạul cetanreye hijukʼkan tahẽkana unre Dạud do acʼakʼ peṛesaṅe banametʼ tahẽkana. Nonkate Sạul do ạḍi mońje ạikạuetʼ tahẽkana ar suluke ńametʼ tahẽkana, ar uni bạṛicʼ jiu hõ uni khone ocokʼ calakʼkan tahẽkana.

Daniel 1:5

Raj do acʼakʼ jomakʼ khon din hilokʼ reakʼ jomakʼ ar darkha rasa emako reakʼ hõe hukumkeda. Nonkate pe bochor cetʼako tayom onko do raj ṭhenko ạgu ocokʼa.

Genesis 30:27

Menkhan Laban do uniye metadea, “Ạliń cetanre abenakʼ jãhãn bekusiyakʼ menakʼ khan enḍekhan alo ben calakʼa. Ạliń liń bujhạu daṛeakʼ kana, Probhu Isor do aben iạtege ạliń doe bhor akawatʼlińa.”

Genesis 39:4

Onate Joseph do kisạ̃ṛakʼ nońjorreye paṛaoena ar uniren sapʼdapʼicʼe doho ocoyena. Ar kisạ̃ṛ do acʼakʼ gharońj ar dhon-duribko ńel todarot reakʼ bhar hõ Joseph cetanreye dohokeda.

Dosar Biboron 1:38

menkhan amren gokʼṛoyicʼ Nun hopon Josuạ doe bolokʼa. Am do Josuạ udgạu emaeme, ente unige disạm doe dokhola ar Israelko ạidạri lekateye emakoa.

Sereńko 131:1

E Probhu Isor, ińakʼ mon do baṅ dhomoka, ar ińakʼ mẽtʼ hõ baṅ koyokʼ pakʼroma; ar ińakʼ lekte napṛakʼ ar hahaṛawakʼre iń do bạń taṛameda.