1 Samuel 16:21 - সান্তালী বাইবেল

²¹ Dạud do Sạul ṭhene hecʼen khan acʼakʼ kạmireye dohokedea. Ar Sạul do uni ạḍitetʼe dulạṛede tahẽkana ar Sạulren khanḍa bhanḍa asenicʼe hoyena.

1 Samuel 16:21 Referans Kwoze

Kạhtukko 22:29

Am do cetʼ nonkan jãhãe hoṛem ńel akatʼkoa oko do gạkhuṛ titeye kạmikan? Uni do rajko lạgitʼe kạmiya, ar hoṛko tabere do baṅa.

Genesis 41:46

Joseph do tinre Misorren raj Pharaoakʼ kạmireye bahal ocoyena unre uniyakʼ umer do pegel bochor tahẽkana. Uni do Pharaoakʼ raj dorbar khon oḍokkate Misor disạm reakʼ sanam jaegae dãṛã ạcurkeda.

Sereńko 146:3

Jãhãn cetan hudạren hoṛ se jãhãe manwa cetanre ape do alope ṭehãḍokʼa; onko do bako bańcao daṛeapea.

Sereńko 118:9

Cetan hudạren hoṛko cetanre bhorsa baṅkate Probhu Isorre bhorsakʼge bhagea.

Sereńko 62:9

Somajren huḍińko do bhap leka, ar napṛakʼko do eṛeakʼge; tulạre onko do jotoge hoe khon hõko rawalokʼa.

1 Rapajko 10:8

Amren hoṛ do ạḍi sukre menakʼkoa! Ar okoe do jao okte am samaṅreko tahenkan ar amakʼ ạkil reakʼ kathako ańjometʼ onko kạmiyạko doko bhạgangea.

Dosar Biboron 10:8

Unre Probhu Isor do acʼakʼ bondobos sinduk gokʼ idiy lạgitʼ ar sekʼwa kạmi ńutumte uni samaṅre teṅgokʼ lạgitʼ ar acʼakʼ ńutumte bhorako lạgitʼ Liwikoe bachaoletʼkoa. Ar onko do teheń hạbicʼko kạmikana.

Dosar Biboron 1:38

menkhan amren gokʼṛoyicʼ Nun hopon Josuạ doe bolokʼa. Am do Josuạ udgạu emaeme, ente unige disạm doe dokhola ar Israelko ạidạri lekateye emakoa.

Bikʼcạrko 9:54

Unre Abimelek do usạrate acʼakʼ khanḍa bhanḍa asenicʼ koṛae metadea, “Amakʼ tarwaṛe oḍokkate gojeńme jemon onko aloko men daṛeakʼ, ‘mitʼṭen maejiuakʼ tite uni doe gocʼ ocoakana mente.’ ” Ar onate uni koṛa do tarwaṛeteye phạṛikedea are gocʼena.

1 Samuel 16:22

Unre Sạul do Jisại ṭhen kathae kolgotʼkada, “Dạud do ińakʼ kạmirege dhurạu akae tahẽocoaeme, ente uni do ạḍiń kusi akawadea.”

1 Samuel 17:15

menkhan Dạud do Sạul ṭhene tahẽkana, ar apattetʼren bhiḍiko ạtińko lạgitʼ hõ Bethlehemteye calakʼkan tahẽkana.

1 Samuel 17:55

Dạud do uni Philisṭi sãote lạṛhại lạgitʼ calakʼe ńelkede khan Sạul do acʼren subedar Abnere kulikedea, “Henda abner, nui doe okoeren hopon kana?” Abnere roṛ ruạṛkeda, “E moharaj, amakʼ jiwi jiwetʼ lekage, iń do ohoń lại daṛelea.”

1 Samuel 19:7

Tayomte Jonathan do Dạude hohowadea ar uniyakʼ sanam kathae lạiyadea. Uni do Sạul ṭhene idikedea ar Dạud do lahate lekage Sạul ṭhene tahẽyena.