1 Samuel 16:18 - সান্তালী বাইবেল

¹⁸ Uniren kạmiyạko modre mitʼ hoṛe menkeda, “Iń do Bethlehemre Jisạiren mitʼṭen hoponiń ńelakadea. Uni do ạḍi bhage peṛesaṅe banam daṛeakʼa. Uni do mitʼṭen dilan bir hõ kanae. Ar ạḍi napae kathae roṛa ar ńelokʼte hõe napaegea, ar Probhu Isor do uni sãote menaea.”

1 Samuel 16:18 Referans Kwoze

1 Samuel 3:19

Nonkage Samuel doe hara idiyena ar Probhu Isor do uni sãoteye tahẽyena ar nạbi lekate roṛakʼ oka kathage Probhu Isor do bae ạuṛiyakʼ ocoletʼtaea.

Genesis 39:23

Joseph cetanre okako kạmi reakʼ bhar tahẽkan hajot khanaren sordar do ona bae ńel todarotetʼ tahẽkana, ente Probhu Isor do Joseph sãoreye tahẽkana, ar Joseph do jotowakʼ kạmiregeye jo baha ocokedea.

Genesis 39:2

Probhu Isor do Joseph sãoteye tahẽkante joto lekan kạmireye jo baha ocoyede tahẽkana. Onate uni do Misriạ kisạ̃ṛakʼ oṛakʼreye doho ocoyena.

1 Samuel 10:7

Niạko cinhạ hoylenre am do okaṭakʼ cekae lektam onagem onkaea; Isor do am sãoteye tahena.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Mathae 1:23

“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.

2 Samuel 17:10

Unre joto khon daṛean ar dhạcri kul leka dilan lạṛhại phạd hõ botorte disạ adokʼtaea, ente Israelren sanam hoṛkogeko baḍaea, ạpum do mitʼṭen lạṛhại bir kanae ar uni sãote okoe menakʼko onko hõko daṛeangea.

2 Samuel 17:8

Am dom baḍaegea, ạpum ar uniren hoṛko do lạṛhại bir kanako. Onko do hopon recʼakade raṅgao akan birren bana eṅga lekan kanako. Ona chaḍa amren ạpum do lạṛhạire ạḍi gạkhuṛ hoṛ kanae; uni do acʼren lạṛhại phạdko talare bae giticʼ aṅgakʼa.

2 Samuel 14:20

Kathako sojhekakʼ lạgitʼge amren guti Joab do noae kạmi akada. Disạmre cetʼ hoyokʼkana baṅ hoyokʼkana ona do ińren kisạ̃ṛgeye baḍaea. Uniyakʼ akel do Isorren goḍet lekage.”

1 Samuel 16:17

Onate Sạul do acʼren kạmiyạkoe metatʼkoa, “Enḍekhan nonkan mitʼṭen hoṛ sendra ńamepe okoe do bhage peṛesaṅe banam daṛeakʼ ar iń ṭhenpe ạguiyea.”

1 Samuel 16:19

Niạ katha ańjomkate Sạul do Jisại ṭhen hoṛ kolkateye roṛgotʼkada jemon uni do acʼren koṛa Dạud acʼ ṭhene kolkae.

1 Samuel 17:12

Dạudren apattetʼ Jisại do Jihudạ ṭoṭha reakʼ Ephrath, metakʼme Bethlehem atoreye girobasokʼkan tahẽkana. Uniren do irạl goṭen koṛako tahẽkantaea. Ar Sạul rajokʼ oktere uni doe haṛam akan tahẽkana.

1 Samuel 16:12

Onate Jisại do hoṛ kolkate acʼren huḍiń utạricʼ hopone hoho ạgukedea. Uni do juruṅ juruṅ arakʼgeye tahẽkana ar ńelokʼte hõ mońj ar mẽtʼkin hõ ạḍi napae tahẽkantaea. Unre Probhu Isor doe menkeda, “Nui kangeae uni do, am do unige ojokʼ bahalem.”

Kạhtukko 12:8

Manwa cetʼleka budko khaṭao ona lekage sarhaoko ńama, menkhan peṛta hoṛ doko nihạ̃t ocokʼa.