1 Samuel 16:13 - সান্তালী বাইবেল

¹³ Unre Sạmuel do dereń reakʼ sunumante uniren boehako talareye ojokʼkedea. Ar enhilokʼ khon Probhu Isorren Jiu do Dạud cetanreye hecʼena. Inạ tayom Sạmuel do Ramoteye ruạṛ senena.

1 Samuel 16:13 Referans Kwoze

1 Samuel 10:6

Unre Probhu Isor do acʼren jiuteye sarbharaomea, ar onate amhõ onko sãote nạbi leka katham roṛa. Ar eṭakʼ lekan hoṛem hoyokʼa.

Ibriko 1:9

Am do dhoromem dulạṛeda ar bedhorom dom kurudakʼ kana; onate Isor, amren Isor do, amren soṅgetenko khon hõ bạ̃ṛti hulạs sunum lekae ojokʼ akatʼmea.”

Johan 3:34

Isor okoeye kolakade uni do Isorakʼ kathageye roṛa, ente Isor do sonot Jiu soṅkate bae emekana.

1 Samuel 10:1

Ona tayom Samuel do mitʼṭecʼ sunum reakʼ botol ạgukate Sạulakʼ bohokʼreye dulkeda. Ar cokʼadeteye metadea, “Probhu Isor do acʼren hoṛko cetanre mukhiyạ menteye ojokʼ bahalketʼmea.

Bikʼcạrko 11:29

Unre Probhu Isorren Jiu do Jiptha cetanreye hecʼena. Onate Jiptha do Gilead ar Manase ṭoṭha talate senkate Gilead reakʼ Mispateye calaoena ar onḍe khon Amonrenko birudteye laha idiyena.

Bikʼcạrko 3:10

Probhu Isorren Jiu do uni cetanreye hecʼena ar uni do Israelkoren raje hoyena. Uni do tinre lạṛhại lạgitʼe oḍok senena unre Probhu Isor Aramren raj Kusan-Risithayim do uniyakʼ tireye jimạkedea, ar onate uni doe bhagaokedea.

Numeri 27:18

Probhu Isor do Moseye roṛ ruạṛadea, “Nunren hopon Josuạre Isorren Jiu menaea. Am do ạguyem ar uni cetanre amakʼ ti capoetam.

1 Samuel 16:18

Uniren kạmiyạko modre mitʼ hoṛe menkeda, “Iń do Bethlehemre Jisạiren mitʼṭen hoponiń ńelakadea. Uni do ạḍi bhage peṛesaṅe banam daṛeakʼa. Uni do mitʼṭen dilan bir hõ kanae. Ar ạḍi napae kathae roṛa ar ńelokʼte hõe napaegea, ar Probhu Isor do uni sãote menaea.”

2 Rapajko 9:6

Onate Jihu doe beretʼente oṛakʼ bhitriteye boloyena. Unre uni nạbi do Jihuwakʼ bohokʼre cukạkʼ reakʼ sunum dulketʼteye menkeda, “Israelren Probhu Isor do niạ kathae meneda, ‘Probhu Isorren hoṛko cetanre, metakʼme Israelko cetanre iń do raj menteń ojokʼ bahalketʼmea.

1 Samuel 11:6

Hoṛkoakʼ kathae ańjomketʼ khan Isorren Jiu do Sạul cetanreye hecʼena, ar edrete uni doe seṅgelena.

Bikʼcạrko 14:6

Unre Probhu Isorren jiu do uni cetanreye decʼena, ar onate eken tite merom hopon leka uni dhạcri kule or cirạkedea. Menkhan okae cekaketʼ ona do acʼren eṅgat apat hõ bae baḍae ocoletʼkinạ.

Bikʼcạrko 13:25

Samson do tinre Sora ar Estaol tala reakʼ Mahan-dan ńutumanakʼ mitʼṭecʼ jaegareye tahẽkana unre Probhu Isorren Jiu do uniye uskurkedea.

Numeri 11:17

Iń do onḍeń pheḍ hijukʼa ar am tulucʼ iń galmaraoa. Am cetanre okoe Jiu menae uni do onko cetanre hoń emokʼa. Hoṛkoakʼ bojha gog lạgitʼ onkoge amren gokʼṛokoko hoyokʼa. Onate am eskar bojha gogokʼ do baṅ lagaoama.

Aposkạmi 13:22

Ona tayom Isor do Sạul ocokʼkate Dạude rajkedea. Uni do Dạud reaṅe menakada, ‘Jisạiren hopon Dạud do ińakʼ mone lekan mitʼṭen hoṛiń ńam akadea. Uni do ińakʼ sanam monejoṅakʼkoe purạutińạ.’

Ibriko 11:32

Noa khon bạ̃ṛti do ar cetʼ iń lạiya? Gideon, Barak, Samson, Jeptha, Dạud, Sạmuel ar nạbikoakʼ katha galmarao lạgitʼ ińakʼ somoe do bạnukʼa.

1 Samuel 2:35

Menkhan iń do iń lạgitʼ mitʼṭen pạtiạricʼ naekeń teṅgo joṅa, one uni do ińakʼ mone bujhạute ińakʼ sana lekae kạmi. Iń do uniyakʼ bõskoń ṭarhao dohoya ar uni do jaoge ińren bachao hoṛkoe sapʼ sorakoa.

1 Samuel 18:12

Sạul do Dạud botoraeye ehopʼena, ente Probhu Isor do Dạud sãoteye tahẽkana menkhan Sạul khon doe sahaṛ akan tahẽkana.

2 Samuel 2:4

Unre Jihudạren hoṛko do Hebronteko hecʼena ar Dạud do Jihudạ gusṭiren raj menteko ojokʼ bahalkedea. Hoṛko do Dạud niạ sombatko lạiyadea, Jabes-Gileadren hoṛge Sạul doko topa akadea.

2 Samuel 5:3

Israel disạmren sanam murubbiko do Hebronren raj Dạud ṭhenko jarwayena. Unre raj do Probhu Isorge gohayicʼe dohokedete onko sãote mitʼṭecʼ bondobose bandhaokeda. Ar onko do Israel cetanre Dạudko rajkedea.

2 Samuel 12:7

Unre Nathan do Dạude metadea, “Am kangeam uni hoṛ do. Israelren Probhu Isor do noa kathageye meneda, ‘ińge Israel cetanre raj menkateń ojokʼ bahal akatʼmea ar Sạulakʼ ti khoniń rukhiyạ akatʼmea.

2 Samuel 23:1

Jisạiren hopon Dạudakʼ ses katha do noa kana: “Okoeye rakapʼ ocoakan, Jakobren Isor okoeye ojokʼ bahallede, Israelko talare liṭhur sekʼreńicʼ, hoṛ doe meneda,

Sereńko 89:20

Ińren golam Dạud doń sendra ńam akadea; ar ińakʼ sonot sunumteń ojokʼ bahalkedea.

1 Samuel 1:19

Dosar hilokʼ setakʼ onko do beretʼkate mundilre senkate Probhu Isorko sewawadea. Ar ona tayom do akoakʼ oṛakʼ Ramoteko ruạṛ calaoena. Tayomte Elkana do acʼren bạhu Hanna ṭhene boloyena ar Probhu Isor hõ Hannae luturadea.

1 Bõsbudạ 11:3

Unre Israel disạmren sanam murubbiko do Hebronre Dạud ṭhenko jarwayena. Unre Dạud do Probhu Isorge gohayicʼ dohokate onko sãote mitʼṭecʼ bondobose bandhaokeda, ar Samuel hotete roṛakʼ Probhu Isorakʼ katha lekate onko do Israel disạmren raj lekate Dạudko ojokʼ bahalkedea.

Sereńko 89:21

Ińakʼ daṛeanakʼ ti do uni sãote tahena; ińakʼ tige uni do daṛeye danaea.