1 Samuel 16:12 - সান্তালী বাইবেল

¹² Onate Jisại do hoṛ kolkate acʼren huḍiń utạricʼ hopone hoho ạgukedea. Uni do juruṅ juruṅ arakʼgeye tahẽkana ar ńelokʼte hõ mońj ar mẽtʼkin hõ ạḍi napae tahẽkantaea. Unre Probhu Isor doe menkeda, “Nui kangeae uni do, am do unige ojokʼ bahalem.”

1 Samuel 16:12 Referans Kwoze

Rak̕joṅ 4:7

Onkoren bachao akan mukhiyạko do him khon hõ marsal, toa khon hõ ponḍgeko tahẽkana; onkoakʼ hoṛmo do Probal dhiri khon hõ arakʼge tahẽkana ar onkoakʼ cehra do Nilkanto moni leka tahẽkana.

Soros sereń 5:10

Ińren dulạṛiạ doe eselgea, uniyakʼ hoṛmo reakʼ roṅ do arakʼgetaea; gel hajarko mod khon hõe sorosgea.

Aposkạmi 7:20

“Ona jokhecʼ Moseye janamena. Uni do ńelokʼte ạḍi mońje tahẽkana. Ar pe cando hạbicʼ acʼren apatakʼ oṛakʼreye ạsul ocoyena.

Aposkạmi 4:27

“Amren sonot guti Jisu, okoe do Mạsi mentem bahal akade, uni upạrte Herod raj ar Pontus Pilạt do noa nagraharege boṅgan hoṛ jạtrenko ar Israelko sãote uni upạrte tikin milạuleda.

1 Samuel 17:42

Uni Philisṭi do Dạud secʼe beṅgetʼ rakapʼketʼ khan uniye chibaṅadea, ente Dạudakʼ umer do komge tahẽkantaea. Ar ńelokʼte uni do ruṅ ruṅ arakʼ ar mońjgeye tahẽkana.

1 Samuel 9:17

Probhu Isor do Sạule ńelkede khan Sạmuele metadea, “Ńelme, nui kangeae uni hoṛ do, one uni reakʼ kathań lạiyatʼme tahẽkan. Nuige ińren hoṛkoe bicạrkoa.”

Genesis 39:6

Noa ńelte Poṭiphor do acʼakʼ joto reakʼ bhar Josephe aṛakʼadea. Joseph cetanre jotowakʼ reakʼ bhar tahẽkante Poṭiphor do eken acʼakʼ jomakʼ chaḍa ar cetʼ reakʼ hõ bae dạndikʼkan tahẽkana. Joseph do rupte ar ńelokʼte ạḍi napaegeye tahẽkana.

Ibriko 11:23

Moseyakʼ janam tayom uniren eṅgat-apat do biswạs iạtege pe cando kin oko doholede tahẽkana, ente unkin dokin ńelkeda, gidrạ do ńelokʼteye mońjgea ar onate raj reakʼ hukum hõ bạkin botorada.

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

Sereńko 2:2

Dhạrtiren rapajko do Probhu Isor ar uniren ojokʼicʼ upạrteko teṅgonkana, Ar mukhiyạko do mitʼteko milimisi joṅkana.

Exodus 2:2

Ar kuṛi doe bhạrti hoṛmoyena ar mitʼṭen koṛa gidrại hoyentaea. Gidrạ do ńelokʼte ạḍi napaegeye tahẽkana. Ona iạte uniren eṅgattetʼ do pe cando hạbicʼ acʼ ṭhene oko dohokedea.

1 Samuel 17:55

Dạud do uni Philisṭi sãote lạṛhại lạgitʼ calakʼe ńelkede khan Sạul do acʼren subedar Abnere kulikedea, “Henda abner, nui doe okoeren hopon kana?” Abnere roṛ ruạṛkeda, “E moharaj, amakʼ jiwi jiwetʼ lekage, iń do ohoń lại daṛelea.”

2 Samuel 7:8

“Ńitokʼ ińren guti Dạud metaeme, sanam daṛeanicʼ Probhu Isor do niạ kathae meneda, ‘ińren hoṛ do Israelkoren cakʼlaoyicʼ hoyokʼ lạgitʼ ińge gupi ṭạnḍi khon, bhiḍi palrenko tayom khoniń ạgu akatʼmea.

2 Samuel 23:1

Jisạiren hopon Dạudakʼ ses katha do noa kana: “Okoeye rakapʼ ocoakan, Jakobren Isor okoeye ojokʼ bahallede, Israelko talare liṭhur sekʼreńicʼ, hoṛ doe meneda,

1 Rapajko 1:34

Sadok naeke ar Nathan nạbi do onḍe Israelkoren raj mente uni kin ojokʼ bahalea. Ar ona tayom do sakwa oroṅkate ãṭ aṛaṅtepe mena, ‘Solomon raj do jaejug hạbicʼ jiwetʼ baṛeye tahenma.’

Sereńko 78:70

Uni do acʼren golam Dạude bachaokedea, uni bhiḍi khạṛ khon hijukʼicʼge;

Sakariạ 4:14

Unre uniye menkeda, “Onakin do hoyokʼkana unkin bar hoṛ okoe do goṭa pirthimiren Probhu Isor sapʼsorae lạgitʼ kin ojokʼ bahal ocoakan.”

1 Samuel 16:18

Uniren kạmiyạko modre mitʼ hoṛe menkeda, “Iń do Bethlehemre Jisạiren mitʼṭen hoponiń ńelakadea. Uni do ạḍi bhage peṛesaṅe banam daṛeakʼa. Uni do mitʼṭen dilan bir hõ kanae. Ar ạḍi napae kathae roṛa ar ńelokʼte hõe napaegea, ar Probhu Isor do uni sãote menaea.”