1 Samuel 15:35 - সান্তালী বাইবেল

³⁵ Sạmuel tinạkʼ din jiwetʼe tahẽkan unạkʼ din uni do Sạul sãote ar bae ńapamlena. Israelko cetanre Sạule rajkedete Probhu Isorakʼ duk reakʼe hoylente Sạmuel do uni lạgitʼe dukokʼ kan tahẽkana.

1 Samuel 15:35 Referans Kwoze

1 Samuel 19:24

Uni do acʼakʼ kicricʼe totʼketʼte Samuel samaṅre nạbi lekate Isorakʼ katha roroṛe ehopʼena. Uni do goṭa siń ar goṭa ńindạ kicricʼ chaḍageye tahẽyena. Ona iạte hoṛko mena, “Sạul hõ cetʼ enḍekhan nạbiko modren mitʼhoṛ kanae?”

1 Samuel 15:11

“Sạul do ińakʼ monduk reakʼe hoyakana, ente uni do iń ṭhen khone pharak akana ar ińakʼ hukume bebatao akada.” Niạ katha ańjomkate Sạmuel doe khĩsena ar goṭa ńindạ Probhu Isor ṭhene rakʼ aṅgakeda.

1 Samuel 16:1

Probhu Isor do Sạmuele metadea, “Sạul do Israelkoren raj mente doń nihạ̃t giḍiakadea, onate am do ar tinạkʼ din uni lạgitʼem dukokʼa? Am do ńitokʼ dereńre sunum hataokate oḍokokʼme. Ente iń do Bethlehem atoren Jisại ṭheniń kolmea. Uniren hoponko mod khon iń ńutumte mitʼṭen raj hoyokʼ lạgitʼ iń bachao dohoakadea.”

Philipiko lạgitʼ Pạul apostolakʼ ciṭhi 3:18

Iń do aema dhaoiń lại akawatʼpea ar ńitokʼ hõ mẽtʼdakʼ joro joroteń lạiyape kana, nonkan aema hoṛ menakʼkoa one okoe do Mạsiyakʼ kurusren bạiri lekako colonetʼkan.

Genesis 6:6

Onate Probhu Isor do ontorreye dukena. Ar dhạrtiren manwae sirjạukedete bhabna iạteye menkeda, “Ińren benaoicʼ manwa do dhạrti khoniń marao utạrea; ar uni sãote sanam jiwiyanko, leńokʼ ṭunḍạṅko ar coṭren cẽṛẽko hõń maraokoa. Noakoń benao akatʼte iń do monre ạḍi dukiń ńameda.”

Sereńko 119:158

Bepạtiạrko ńelte iń doń hirkhạkʼ kana, ente onko do amakʼ katha leka bako calakʼ kana.

Sereńko 119:136

Ińakʼ mẽtʼdakʼ do ạtukʼkantińạ ente hoṛko do amakʼ hukum bako manaoeda.

2 Samuel 6:23

Ar Sạulren hoponera Mikal do ạuriye gujukʼ hạbicʼ bạńjhigeye tahẽyena.