1 Samuel 15:26 - সান্তালী বাইবেল

²⁶ Menkhan Sạmuel do uniye metadea, “Am sãote do bạń calakʼa. Am do Probhu Isorakʼ hukumem bebatao akatʼte Probhu hõ Israelkoren raj lekateye nihạ̃t giḍi akatʼmea.”

1 Samuel 15:26 Referans Kwoze

Hosea 4:6

Isor reaṅ ạkil begorte ińren hoṛko doko maraokʼkana. Ona ạkil bape moneyakʼkante iń hõ ińren naeke menkate bạń moneyape kana. Ape do aperen Isorakʼ ạn-ạrikope hiṛińakada, onate ińhõ aperen hopon ar hoponera koń hiṛińkotapea.

1 Samuel 16:1

Probhu Isor do Sạmuele metadea, “Sạul do Israelkoren raj mente doń nihạ̃t giḍiakadea, onate am do ar tinạkʼ din uni lạgitʼem dukokʼa? Am do ńitokʼ dereńre sunum hataokate oḍokokʼme. Ente iń do Bethlehem atoren Jisại ṭheniń kolmea. Uniren hoponko mod khon iń ńutumte mitʼṭen raj hoyokʼ lạgitʼ iń bachao dohoakadea.”

1 Samuel 13:14

Menkhan ńitokʼ amakʼ rajokʼ do ḍher din baṅ ṭikạu tahena. Probhu Isor do acʼakʼ kusileka mitʼṭen hoṛe ńam akadea ar unige acʼren hoṛkoren mukhiyạ menteye bahal akadea, ente uniyakʼ hukum do bam ańjom akada.”

2 Johan 1:11

Okoe uniye joharae uni do uniyakʼ bạṛicʼ kạmi reakʼ hõ bhạgiyạdare hoyokʼa.

Jirimiạ 6:19

E pirthimi, ańjomme, iń do hoṛko cetanre muhiniń paṛao ocoya; ona do onkoakʼ hudis joṅ reakʼ joge hoyokʼa, ente ińakʼ katha do bako ańjomleda ar ińakʼ ạn-ạri hõko nihạ̃t giḍiakada.

1 Samuel 15:23

Huhul ar gunidari kạmi do inạ mitʼ lekan kạikangea; bebatao ar boṅga sewa hõ inạ lekan kại kangea. Am do Probhu Isorakʼ hukum bam batao akatʼte uni hõ am do raj lekateye nihạ̃t giḍi akatʼmea.”

1 Samuel 15:31

Onate Sạmuel do Sạul sãoteye senena ar Sạul do Probhu Isore sewawadea.

1 Samuel 2:30

“Ona iạte Israelkoren Probhu Isore meneda, ‘iń doń khạṭigeń menleda, am ar amren hapṛamakʼ bõsren hoṛ do jaejug iń sewawạń reakʼko kạmiya;’ menkhan ńitokʼ Probhu Isore meneda, ‘ona do ar baṅ hoyokʼa. Okoe ińko manotiń iń hõ onkogeń manotkoa ar okoe ińko nisṛạuiń onko do ako hõko nisṛạu ocokʼa.

Genesis 42:38

Menkhan Jakobe menkeda, “Baṅ, ińren nui hopon do ape sãote bae calakʼa. Uniren boehae gocʼ ocoakana, ar nui do ńitokʼ eskarge menaea. Apeakʼ calakʼ horre nuiyakʼ jãhãn muhin hoylen khan enḍekhan noa haṛam umerre ạḍi duk ńamkate patal puritepe ãṛgo calakʼ hoyokʼtińạ.”

Aposkạmi 13:22

Ona tayom Isor do Sạul ocokʼkate Dạude rajkedea. Uni do Dạud reaṅe menakada, ‘Jisạiren hopon Dạud do ińakʼ mone lekan mitʼṭen hoṛiń ńam akadea. Uni do ińakʼ sanam monejoṅakʼkoe purạutińạ.’

1 Samuel 28:18

Am do Probhu Isorakʼ katha bam ańjomakada ar Amelekiko upạrte uniyakʼ oka edre tahẽkan amakʼ kạmi hotete ona hõ bam sodor akada, ar onatege teheń uni do am upạrte noae nonka akada.

2 Samuel 12:9

Menkhan Probhu Isorakʼ mẽtʼre oka bạṛicʼakʼkan ona kạmikate cedakʼ uniyakʼ katha dom nihạ̃t akada? Uni Hiti hoṛ Uriạ do tarwaṛetem gocʼ ocokedea ar uniren bạhu do amren bạhu mentem hatao akadea, ar Amonrenko hotetem gocʼ ocoakadea.

Hosea 13:11

Onate iń do edrete mitʼṭen rajiń ematʼme tahẽkana ar raṅgaote uni doń uṭhạukedea.

2 Samuel 7:15

Menkhan ińakʼ dulạṛ do tishõ uni cetan khon bạń ocoga, cetʼleka Sạul cetan khoniń ocokʼletʼte amakʼ hor khoniń ocokʼ giḍilede.