1 Samuel 15:24 - সান্তালী বাইবেল

²⁴ Unre Sạul do Sạmuele metadea, “Iń doń kại akada. Ar Probhu Isorakʼ hukum ar amakʼ kathako bạń manao akada. Hoṛko botorte iń do onkoakʼ katha lekageń kạmi akada.

1 Samuel 15:24 Referans Kwoze

2 Samuel 12:13

Unre Dạud do Nathane metadea, “Iń do Probhu Isor upạrteń kại akada.” Nathane roṛ ruạṛadea, “Probhu Isor do amakʼ kạiye ikạ akatʼtama; am do bam gujukʼa.

Kạhtukko 29:25

Manwa okoeye botorae ona botor do uniyakʼ jhampa leka hoyokʼa. Menkhan okoe Probhu Isorreye bhorsakʼkan uni do khạtirjomae tahena.

Numeri 22:34

Unre Biliam do Probhu Isorren goḍete metadea, “Iń doń kại akada. Bạń bujhạu daṛeada, am dom tạkicʼ daram edeńkana mente. Ińre kusi bạnum khan enḍekhan iń doń ruạṛ calakʼa.”

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Galathiko lạgitʼ Pạul Apostolakʼ ciṭhi 1:10

Noate iń do okoeyakʼ sarhao ńamjoṅ iń kurumuṭuyeda, manwa se Isorakʼ? Se manwa kusi ocoye reakʼ iń kurumuṭu kana? Ar ńit hạbicʼ manwa kusi ocoko lạgitʼ iń kurumuṭuyetʼ khan enḍekhan Mạsiren golam doń baṅkana.

Mathae 27:4

“Kại akadạń, ente bin dusạnicʼ gocʼ ocoye lạgitʼ iń soprot akadea.” Onkoko metadea, “Onate aleakʼ do cetʼ? Amge ńeljoṅme.”

Exodus 23:2

Gel hoṛko behok akatʼ iạte amhõ ona do alom onkaea. Jãhãn mamblare goha emokʼ senkate ḍher hoṛko tulucʼ milạukate hok reakʼ bicạrre tạkicʼakʼ alom hoeocoya.

Jirimiạ 38:5

Sedekiạ raje roṛ ruạṛkeda, “Uni ma apeakʼ jimạrege coṅ menae; raj do ape upạrte ohoe calao daṛelena.”

Jobakʼ 31:34

Onate hoṛko do bạń botorako kan tahẽkana, ińakʼ bõsren hoṛkoakʼ hirkhạ botorte oṛakʼre duṛupʼ hape akae hõ bạń tahẽkana.

1 Samuel 15:30

Sạule menkeda, “Iń doń kại akada; enhõ ińakʼ nehõr do niạge, iń jạtren murubbiko ar Israelko samaṅre ińakʼ manot baṛe dohoytińme. Jemon iń do amren Probhu Isorriń sewa daṛeae onate iń sãote dela calakʼme.”

1 Samuel 15:15

Sạule roṛ ruạṛkeda, “Onko do Amalekiko ṭhen khonko ạguakana. Amren Probhu Isor ńutumte samaṅokʼ lạgitʼ iạtege lạṛhại phạdko do mońj mońj ḍaṅgra ar bheḍako dohoakatʼkoa; tobe sarecʼakʼ jotowakʼ dole marao giḍi akada.”

1 Samuel 15:9

Menkhan Sạul ar uniren lạṛhại phạdko do Og jiwetʼko dohokedea ar Amalekikoren mońj mońj ḍaṅgrako, bheḍako, bạchurko ar bheḍa hoponko, metakʼme cetʼko bhageakʼ tahẽkan ona joto doko dohoana. Onako marao giḍikakʼ do bako rạjilena, menkhan okạjwạ ar rogako doko marao giḍikatʼkoa.

1 Samuel 2:29

Enḍekhan ińakʼ oṛakʼre okako samaṅokʼ reakʼ hukumiń emakatʼ ape do cedakʼ ona janwar dãṛẽ ar eṭakʼ samaṅokʼakʼkope bemanoteda? Ińren hoṛ Israelkoakʼ samaṅokʼakʼko reakʼ joto khon bhageakʼ hạṭińte apnartetʼko jom tirpitokʼkante cedakʼ am do iń khon hõ amren hoponkin bạ̃ṛtim manotetʼkinạ?’

Exodus 10:16

Unre Pharao do usạra Mose ar Arone hoho ạgu ocoketʼkinteye metatʼkinạ, “Iń do aperen Probhu Isor ar ape upạrteń kại akada.

Exodus 9:27

Pharao do unre Mose ar Aron hohowatʼkinteye metatʼkinạ, “Niạ bar doń kại akada. Probhu Isor do ṭhikgeye kạmiakatʼa. Iń ar ińren hoṛgele dusigea.

Genesis 3:17

Ona tayom uni do Adame metadea, “Okaṭakʼ dare reakʼ jo jojomiń manaletʼme amren bạhuakʼ kathate onam jom akatʼte am iạte ot hõ ot sarapanakʼ hoyena. Am do goṭa jiongem khaṭaokʼa ar hasa reakʼ phosolem joma.

Genesis 3:12

Adame menkeda, “Ińren gate lekate okoe maejiuem em akawạdiń unige ona dare reakʼ joye emadińa ariń jomkeda.”

1 Samuel 26:21

Unre Sạule menkeda, “Aliń doliń kại akada. E jãwãe, aben do dela ruạṛ hijukʼ ben. Teheń ạlińakʼ jiwi do aben ṭhen ạḍi damakʼge tahẽkana; ạliń do abenakʼ loksan reakʼ ar bạliń kurumuṭuya. Sạrige noa maraṅ behok iạte lelha leka liń kạmi akada.”

Sereńko 51:4

Am upạrte, hẽ eken am upạrtegeń kại akada ar am mẽtʼãhã samaṅre okaṭakʼ bạṛicʼakʼkan onageń kạmi akada. Onatege amakʼ roṛ do dhoromgea ar amakʼ bicạr hõ nikhutgea.