1 Samuel 15:17 - সান্তালী বাইবেল

¹⁷ Sạmuele menkeda, “Mitʼ din am do amakʼ nońjorre huḍińicʼem tahẽkana, menkhan enrehõ cetʼ Israelkoakʼ sanam gusṭikoren matha do bam hoyakana? Probhu Isorge Israel disạm cetanre raj lekateye ojokʼ bahalketʼmea.

1 Samuel 15:17 Referans Kwoze

1 Samuel 9:21

Sạule roṛkeda, “Am do cedakʼ niạ katha dom mitạń kana? Israelkoakʼ sanam gusṭiko modre Benjạmin gusṭige sanam khon huḍiń utạrakʼ kana, ar iń do ona gusṭiren hoṛ kạnạń. Arhõ Benjạmin gusṭiren tinạkʼ bõsko menakʼle onako modre aleakʼ bõsren do celegele baṅkana.”

1 Samuel 10:22

Unre hoṛko do Probhu Isorko kulikedea, “Nonḍe do cetʼ ar jãhãe menakʼkoa?” Probhu Isore menkeda, “Ńelpe, uni do asbabko talareye oko akana.”

1 Samuel 10:1

Ona tayom Samuel do mitʼṭecʼ sunum reakʼ botol ạgukate Sạulakʼ bohokʼreye dulkeda. Ar cokʼadeteye metadea, “Probhu Isor do acʼren hoṛko cetanre mukhiyạ menteye ojokʼ bahalketʼmea.

Mathae 18:4

Onate jãhãege nui kạṭicʼ gidrạ leka acʼteye nindhạnokʼ unige serma rajre sanamko khone maraṅokʼa.

Hosea 13:1

Ephrayim kathae roṛlere hoṛko doko thar tharaokan tahẽkana; Israel gusṭirenko modre uni do maraṅ utạrice hoylena. Menkhan Bakʼal debota sewawae iạte dusiyente uni doe gocʼena.

Bikʼcạrko 6:15

Gideone menkeda, “Menkhan E ińren Probhu Isor, iń do cekate Israelkoń bańcaokoa? Manase gusṭiko modre alege joto khon nicạṛ utạrko kanale, ar aleakʼ gharońjrenko modre hõ ińgeń huḍiń utạricʼ kana.”

1 Samuel 15:16

Sạmuel do unre Sạule metadea, “Thirkokʼme. Calaoen ńindạ Probhu Isor okaṭakʼe men akawạdiń onań lạiyama.” Sạule menkeda, “Ma lạiyạńme.”