1 Samuel 15:13 - সান্তালী বাইবেল

¹³ Unre Sạmuel do Sạul ṭhene senena. Khan Sạul do uniye metadea, “Probhu Isore bhoram ma. Iń do Probhu Isorakʼ hukumiń batao akada.”

1 Samuel 15:13 Referans Kwoze

Rut reakʼ kạhini 3:10

Boase roṛ ruạṛkeda, “Probhu Isor do ame bhoram ma. Ńit hạbicʼ okaṭakʼ pạtiạrem udukʼ akatʼ ona khon hõ niạ dhao do ḍher pạtiạrem udukʼ akada, ente kisạ̃ṛ se reṅgecʼ jãhãe koṛa hoṛko ṭhen do bam calao akana.

Bikʼcạrko 17:2

Uni do eṅgattetʼe metadea, “Amakʼ oka gelpe keji bar sae gram rupạ kombṛolentam ar okaṭakʼ lạgitʼ sarap emokʼ iń ańjomletʼme ona do iń ṭhenge menakʼa, ona do ińgeń hataoleda.” Unre uniren eṅgattetʼ doe menkeda, “E beṭa, Probhu Isore bhoramma!”

Luk 18:11

Khan uni Phạrusi do teṅgokate acʼ babotre nonkae koekeda, ‘E Isor, gun manao joharam kạnạń, ente iń do eṭakʼ hoṛko leka luluṭicʼ, bedhoromicʼ, ar laṭghaṭicʼ doń baṅkana, se nui mạsul-uṭhạuicʼ leka hõń baṅkana.

Luk 17:10

Onkage Isorakʼ hukum leka sanamakʼ kạmi tayom ape do menpe, ‘okạjuạ gutiko kanale; okaṭakʼ kạmi lek tahẽkantale eken inạgele kạmi akada.’ ”

Kạhtukko 31:31

Uniyakʼ kạmi iạte sarhaoepe; ar uniyakʼ kạmiko do duạrareko sarhaotaema.

Kạhtukko 30:13

onkoakʼ mẽtʼ do bạḍạite perecʼgetakoa, ar onkoakʼ beṅgetʼ hõ hirkhạte perecʼgea,

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

1 Samuel 15:11

“Sạul do ińakʼ monduk reakʼe hoyakana, ente uni do iń ṭhen khone pharak akana ar ińakʼ hukume bebatao akada.” Niạ katha ańjomkate Sạmuel doe khĩsena ar goṭa ńindạ Probhu Isor ṭhene rakʼ aṅgakeda.

1 Samuel 15:9

Menkhan Sạul ar uniren lạṛhại phạdko do Og jiwetʼko dohokedea ar Amalekikoren mońj mońj ḍaṅgrako, bheḍako, bạchurko ar bheḍa hoponko, metakʼme cetʼko bhageakʼ tahẽkan ona joto doko dohoana. Onako marao giḍikakʼ do bako rạjilena, menkhan okạjwạ ar rogako doko marao giḍikatʼkoa.

Genesis 14:19

Uni do Abram bhoradeteye metadea, “Serma ar ot okoeye sirjạu akatʼ uni maraṅ Isor do Abrame bhoraema.

Genesis 3:12

Adame menkeda, “Ińren gate lekate okoe maejiuem em akawạdiń unige ona dare reakʼ joye emadińa ariń jomkeda.”

Kạhtukko 27:2

Eṭakʼ hoṛ baṛeko sarhaome ma, menkhan amakʼ luṭi do alo; hẽ, eṭakʼ hoṛegeko sarhaome ma.

1 Samuel 13:10

Ar samaṅokʼakʼe samaṅ sạtketʼ khan Samuel doe seṭerena. Unre Sạul do uni joharae lạgitʼ uni sãote ńapamokʼ lạgitʼe oḍok senena.

1 Samuel 15:20

Sạule menkeda, “Menkhan iń do Probhu Isorakʼ hukumiń batao akada. Oka kạmi lạgitʼ Probhu Isore kolledeń onageń kạmi akada. Iń do Amalekikoń marao utạr akatʼkoa ar onkoren raj Og doń sapʼ ạguakadea.

1 Samuel 25:14

Unre mitʼṭen guti do Nabalren oṛakʼ hoṛ Abigaele metadea, “Hahaṅkar khon Dạud do aboren kisạ̃ṛ joharae lạgitʼ hoṛe kolletʼkoa, menkhan aboren kisạ̃ṛ do onkoe tergeń daramketʼkoa.

2 Samuel 2:5

Unre uni do hoṛ kolkate Jabes-Gileadren hoṛko niạ kathae metatʼkoa, “Aleren mạlik Sạulpe topakede iạte unire okaṭakʼ pạtiạrpe udukʼ akatʼ onate Probhu Isore bhorape ma.

1 Samuel 23:21

Sạule roṛ ruạṛatʼkoa, “Probhu Isor do apeye bhorapema, ente iń lạgitʼ ape do mãyã menakʼtapea.