1 Samuel 14:50 - সান্তালী বাইবেল

⁵⁰ Uniren bạhuttetʼakʼ ńutum do Ahinoạm tahẽkana. Uni do Ahimasren hoponerae tahẽkana. Sạulren maraṅ subedarakʼ ńutum do Abner tahẽkana. Uni do Sạulren kakattetʼ Nerren hopone tahẽkana.

1 Samuel 14:50 Referans Kwoze

2 Samuel 2:8

Onako dinre Sạulakʼ lạṛhại phạdren senaputi Ner hopon Abner do Sạulren hopon Isaboth jordan gaḍa hanasa Mahaniạmteye idiakade tahẽkana.

2 Samuel 3:27

Abner do Hebronteye ruạṛ hecʼena khan Joab do uni sãote oko okote galmaraoae reaṅ cholte nagraha reakʼ phaṭok talareye idikedea. Ar ona tayom do lacʼre sobokʼ kedeteye gocʼkedea. Nonkate uni do acʼren boeha Asahelakʼ mãyãm reakʼe halakeda.

1 Samuel 17:55

Dạud do uni Philisṭi sãote lạṛhại lạgitʼ calakʼe ńelkede khan Sạul do acʼren subedar Abnere kulikedea, “Henda abner, nui doe okoeren hopon kana?” Abnere roṛ ruạṛkeda, “E moharaj, amakʼ jiwi jiwetʼ lekage, iń do ohoń lại daṛelea.”

1 Samuel 10:14

Sạulren kakattetʼ do Sạul ar uniren gutiye kuliketʼkinạ, “Okate ben calaolena?” Sạule menkeda, “Gadha eṅga sendrako lạgitʼ liń senlena, menkhan onko do okarege bạliń ńamletʼkote Sạmuel ṭhen liń calaoena.”

1 Samuel 26:5

Ar Dạud do Sạul okareye ḍera akan tahẽkan onḍeye senen khan Sạul ar uniren subedar Ner hopon Abner do giticʼ akane ńelketʼkinạ. Unre Sạul do ḍera reakʼ maljalko talare ar uni beṛhaete do lạṛhại phạdko giticʼ akana.

1 Bõsbudạ 26:28

Ona chaḍa ńeńelicʼ Sạmuel, Kisren hopon Sạul, Nerren hopon Abner ar Soruaren hopon Joab do okako jinis Isor ńutumteko begar doholetʼ, metakʼme begar dohoakatʼ sanamakʼ jinisko ńel todarot reakʼ bhar do Solomoth ar uni bõsren hoṛko cetanre tahẽkana.

2 Samuel 3:6

Sạul ar Dạudren lạṛhại phạdko talare tinre lạṛhại calakʼkan tahẽkana unre Sạulren hoṛko modre Abner do acʼte daṛeanicʼe hoylena.

2 Samuel 3:38

Raj do acʼren hoṛkoe metatʼkoa, “Ape do cetʼ bape baḍaea, teheń Israel disạmren mitʼṭecʼ maraṅ mukhiyại gocʼena mente?

1 Bõsbudạ 27:21

Gileadren Manase khũṭren adha hoṛkoren matha Sekaria hopon Ido, Benjạmin khũṭren matha Abner hopon Jasiyel,