1 Samuel 14:45 - সান্তালী বাইবেল

⁴⁵ Menkhan hoṛko do Sạulko metadea, “Okoe iạte Israelko niạ maraṅ bańcaoko ńamakatʼ uni Jonathan do cetʼ gujukʼ hoyokʼtea? Tisge baṅa; jiwetʼ Isor ńutumtele kiriạkʼ kana, uniyakʼ mitʼṭecʼ upʼ hõ otre do baṅ ńurokʼtaea, ente uni teheń okae ceka akatʼ ona do Isor sãote tahẽkategeye onka akada.” Nonkate hoṛko do Jonathanko rukhiyạkedea, ar uni do bae gocʼ ocolena.

1 Samuel 14:45 Referans Kwoze

Aposkạmi 27:34

Menkhan ńitokʼ do thoṛa jom reakʼ iń nehõrape kana. Ente bańcao tahen lạgitʼ jojom jạruṛtapea. Ente, apeakʼ bohokʼ reakʼ mitʼṭecʼ upʼ hõ baṅ nosṭokʼtapea.”

Luk 21:18

menkhan apeakʼ do mitʼṭecʼ upʼ hõ baṅ loksanokʼtapea.

2 Samuel 14:11

Maejiue menkeda, “Maharaj do acʼren Probhu Isor ńutumteye kiriạkʼma jemon mãyãm pańjako do ar aloko gogocʼ. Ar baṅ khan ińren hoponiń hõko gojea.” Raje menkeda, “Jiwetʼ Probhu Isor ńutumteń kiriạkʼ kana, amren hoponakʼ bohokʼ reakʼ mitʼṭecʼ upʼ hõ otre baṅ ńurokʼtaea.”

1 Rapajko 1:52

Solomone roṛ ruạṛkeda, “Bhage hoṛ kanae menteye sạbud ocolen khan enḍekhan uni do bohokʼ reakʼ mitʼṭecʼ upʼ hõ otre baṅ ńurokʼtaea; menkhan unire jãhãn bạṛicʼakʼ ńamokʼ enḍekhan uni doe gujukʼa.”

2 Korinthiko 6:1

Isorren são kạmiyạko lekate noale nehõrapekana, Isorakʼ okaṭakʼ dayape ńamakatʼ ona do alope ạuṛiyakʼ ocoya.

Mathae 10:30

Apeakʼ ma bohokʼ reakʼ upʼ hõ lekha akantape.

Johan sodor 19:14

Sermaren palṭonko do ponḍ sapha musnạ kicricʼ horokʼkate ar ponḍ sadomre decʼkate uni tayom tayomteko calakʼkan tahẽkana.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Aposkạmi 21:19

Pạul do onkoe joharatʼkoa ar acʼakʼ porcar talate cetʼleka Isor do boṅgan hoṛ jạtrenko talareye kạmi akada ona sanamakʼe lạiyatʼkoa.

Aposkạmi 15:12

Unre bạisiren sanamko doko thir hapeyena ar Pạul ar Barnabas hotete boṅgan hoṛ jạtrenko talare Isor do okako hahaṛa kạmiye kạmi akatʼ ona unkinakʼ moca khon ańjomko ehopʼena.

1 Korinthiko 3:9

ente ale do Isor tulucʼle kạmikana. Ar ape do Isorakʼ goḍa kanape, Isorakʼ benao akan oṛakʼge.

Romiko lạgitʼ Pạul Apostolakʼ ciṭhi 15:18

Iń hotete Mạsi okaṭakʼe kạmiakatʼ ona bahre jãhãn katha roṛ do ohoń dil daṛekea. Unige ińakʼ katha ar kạmite, hahaṛa kạmi ar cinhạko hotete ar sonot Jiu reakʼ daṛete boṅgan hoṛ jạtrenko do Isorreye tabe ocoakatʼkoa. Onate iń do Jerusalem khon ehopʼkate Illurikum hạbicʼ sanam jaegare Mạsiyakʼ bhage sombat purạteń lại jạhirakada.

Aposkạmi 14:27

Ado Antiokiạtekin seṭeren khan unkin do manḍerren sanamko mitʼ ṭhenkin jarwaketʼkoa ar Isor ạkin hotete okakoe kạmiketʼ ona sanamakʼ kin lạiyatʼkoa. Ar cetʼlekate Isor do boṅgan hoṛ jạtrenko Mạsire biswạs reakʼ duạre jhicʼ akawatʼko ona reakʼ hõkin lạiyatʼkoa.

Jesaea 13:3

Iń ńutumte begar akan hoṛkoń hukum akatʼkoa; ińakʼ edre dul giḍikakʼ lạgitʼ ińren lạṛhại birkoń hohoakatʼkoa. Ińakʼ mạhima sodor akante onko do rạskạteko gorbokʼ kana.”

Nehemiạ 9:27

Onatege am do bạirikoakʼ tirem jimạletʼkoa ar bạiriko do onkoko santaoetʼko tahẽkana. Onkoakʼ kosṭo oktere onko do am ṭhenko rakʼ homoretʼ tahẽkana ar am do serma khonem ańjomletʼtakoa. Amakʼ maraṅ daya iạte onko bańcaoko lạgitʼ hoṛkom kolletʼkoa. Ar bạirikoakʼ ti khon onkom bańcaoketʼkoa.

2 Bõsbudạ 19:11

“Probhu Isor do sanamakʼre maraṅ naeke Amoriạ ar rajakʼ jotowakʼre Jihudạ gusṭiren mukhiyạ Ismael ren hopon Sebadia do ape cetanrekin bahal ocoyena, ar Liwiko do apeko goṛowapea. Ape do dil salakʼpe kạmiya. Ar okoe dhorom reakʼe kạmi Probhu Isor do uni sãotegeye tahena.”

1 Samuel 19:5

Uni do acʼakʼ jiwi cuputʼkate uni Philisṭi hoṛe gocʼkedea, ar Probhu Isor do goṭa Israel lạgitʼ maraṅ bańcaoe hoeocokeda; ar ona ńelte am dom kusilena. Enḍekhan ńitokʼ do cedakʼ ạuṛiyakʼte Dạud gojete mitʼṭen bindusi hoṛakʼ mãyãm joro ocoyte uni upạrtem kạiya.”

1 Samuel 14:23

Nonkate Probhu Isor do enhilokʼ Israelkoe bańcaoketʼkoa, ar Bet-Aben paromkate hõ lạṛhạitegeko tahẽyena.

1 Samuel 14:46

Inạ tayom Sạul do ar Philisṭiko bae khudạuletʼkoa, ar Philisṭiko hõ akoakʼ disạmteko ruạṛ calaoena.

1 Samuel 11:13

Menkhan Sạule menkeda, “Teheń do celege baṅ gocʼko hoyokʼa, ente teheń dinre Probhu Isor do Israelkoe bańcao akatʼkoa.”