1 Samuel 14:44 - সান্তালী বাইবেল

⁴⁴ Sạule menkeda, “Hẽ Jonathan, am do gujukʼtege hoyokʼtama. Isor do am sạjạiye emamma, ar khạṭige sạjạiye emama.”

1 Samuel 14:44 Referans Kwoze

1 Samuel 14:39

Israelkoren babańcaoicʼ jiwetʼ Probhu Isor ńutumteń kiriạkʼ kana, ińren hopon Jonathan hõ onae onka akatʼ khan khạṭige uni hõ gujukʼ hoyokʼtaea.” Menkhan hoṛko do jotoge hape akanko tahẽyena.

Rut reakʼ kạhini 1:17

Ar aben okare ben gujukʼ ạliń hõ onḍege liń gujukʼa ar onḍege jemon ạlińakʼ topa hõ hoyokʼ. Gujukʼ chaḍa eṭakʼ jãhãnakʼ iạte laṅ begarokʼ enḍekhan Probhu Isor do jemon bạṛicʼ sạjạiye imạń.”

1 Samuel 25:22

Isor do Dạudren bạiriko khạṭige cetʼlekae sạjạiko onkage ińhõ gapa setakʼ hạbicʼ Nabalakʼ oṛakʼren mitʼṭen herel hoṛ hõ jiwetʼ do bạń dohokoa.”

Kạhtukko 25:16

Dumur rasam ńamle khan jạruṛam leka jomme, bạ̃ṛtim jomle khan dom uchlạu oḍoka.

2 Samuel 19:13

Ape do Amasa iń reakʼ niạ kathape metaea, ‘am do cetʼ ińakʼ jel ar jaṅ dom baṅ kana? Isorre kiriạkateń metam kana, ńit khon am do Joab bodolte ińren lạṛhại phạdkoren subedarem hoyokʼa.’ ”

2 Samuel 12:31

Uni do nagraharen hoṛkoe oḍok idiketʼkoa ar ạri, mẽṛhẽtʼ, kuḍi ar ṭeṅgocʼkoteye kạmi ocoketʼkoa. Uni do iṭạ bhaṭare kạmireye lagaoketʼkoa. Amonrenkoakʼ sanam nagrahare uni do onkageye kạmi ocokeda. Inạ tayom Dạud do acʼren lạṛhại phạdkoante Jerusalemteye ruạṛ hecʼena.

2 Samuel 12:5

Niạ katha ańjomkate Dạud do uni kisạ̃ṛ hoṛ cetanre ạḍiye raṅgaoena. Uni do Nathane metadea, “Probhu Isore jiwetʼ lekage, okoe hoṛ nonkae kạmi akatʼ uni do gocʼ ocokʼ lek kanae.

2 Samuel 3:9

Probhu Isor do Dạud ṭhen kiriạkate okaṭakʼe gokʼletʼ onka iń bạń kạmi, metatʼme Sạulakʼ bõs khon rajosṭi hataokate Dan khon Berseba hạbicʼ Israel ar Jihudạ cetanre Dạudakʼ siṅghạson bạń teṅgoe enḍekhan Isor do Abner sạjạiye emaema ar ona do ạḍi bạṛicʼ sạjạige.”

Genesis 38:24

Noa pe cando tayom Jihudạ doe ańjom ńamkeda, kimintetʼ doe laṭghaṭ akada ar onateye bhạrti hoṛmo akana. Noa katha ańjomkate Jihudạ doe menkeda, “Uni do oḍokete seṅgelreye khadle ocokʼma.”

Bikʼcạrko 11:35

Jiptha do acʼren hoponerae ńelkede khan acʼakʼ kicricʼe oṛecʼketʼteye menkeda, “Hae, hae, E biṭi tiń, am do cedakʼ sorbonasrem paṛaokedińa! Ạḍi muhinregem paṛao ocokedińa, ente iń do Probhu Isor ṭhen onkań manot dohoakatʼ ona do bạṅ rạputʼ daṛeakʼa.”

1 Samuel 3:17

Eliye kulikedea, “Isor do cetʼe menakatʼ mea? Ar iń ṭhen ona do alom danaṅkakʼa. Uni okae menakatʼ ona reakʼ thoṛagan hõ iń ṭhenem danaṅ dohokakʼ enḍekhan uni do maraṅ sạjạiye emam ma.”