1 Samuel 14:40 - সান্তালী বাইবেল

⁴⁰ Sạul do unre sanam Israelkoe metatʼkoa, “Ape do mitʼ secʼre teṅgokʼpe, iń ar ińren hopon Jonathan tạliń do eṭakʼ secʼre liń teṅgokʼa.” Hoṛkoko menkeda am okaṭakʼ bhagem hudisetʼ onage onkaeme.”

1 Samuel 14:40 Referans Kwoze

2 Samuel 15:15

Rajren kạmiyạko do uniko metadea, “Aleren mạlik maharajakʼ monsubạ lekage ale dole sapṛaogea.”

1 Samuel 14:36

Tayomte Sạule menkeda, “Dela bon, teheń ńindạ do Philisṭiko bon lagakoa ar setakʼ hạbicʼ onkoakʼ jinisko bon luṭtakoa. Onkoren mitʼṭen hõ jiwetʼ do babon dohokoa.” Hoṛkoko roṛ ruạṛkeda, “Am okaṭakʼ bhagem hudisetʼ ona baṛe onkaeme.” Menkhan naekeye menkeda, “Dela bon, abo do pạhilre Isor ṭhen bon kuliyange.”

1 Samuel 14:7

Khanḍa bhanḍa asenicʼ uni koṛae menkeda, “Amakʼ mone joṅakʼ lekage baṛe hoyokʼma. Ar amakʼ monsubạ lekageń calakʼa.”

1 Samuel 14:39

Israelkoren babańcaoicʼ jiwetʼ Probhu Isor ńutumteń kiriạkʼ kana, ińren hopon Jonathan hõ onae onka akatʼ khan khạṭige uni hõ gujukʼ hoyokʼtaea.” Menkhan hoṛko do jotoge hape akanko tahẽyena.

1 Samuel 14:41

Unre Sạul do Israelkoren Probhu Isore metadea, “Niạ reakʼ roṛ ruạṛaleme baṛe.” Ar unre Sạulren hopon Jonathan cetanre dos do paṛaoena ar sarecʼ hoṛko do chaṛko ńamkeda.

1 Samuel 1:23

Uniren jãwãe Elkana do uniye metadea, “Am okaṭakʼ bhagem hudisetʼ onage onkaeme. Ar gidrạ do nunu ạuriye bạgi hạbicʼ nonḍege tahenme. Probhu Isor do acʼakʼ gokʼakʼe purạuma.” Ar onate Hanna do oṛakʼregeye tahẽyena ar gidrạ nunu ạuriye bạgi hạbicʼe jotonkedea.