1 Samuel 14:36 - সান্তালী বাইবেল

³⁶ Tayomte Sạule menkeda, “Dela bon, teheń ńindạ do Philisṭiko bon lagakoa ar setakʼ hạbicʼ onkoakʼ jinisko bon luṭtakoa. Onkoren mitʼṭen hõ jiwetʼ do babon dohokoa.” Hoṛkoko roṛ ruạṛkeda, “Am okaṭakʼ bhagem hudisetʼ ona baṛe onkaeme.” Menkhan naekeye menkeda, “Dela bon, abo do pạhilre Isor ṭhen bon kuliyange.”

1 Samuel 14:36 Referans Kwoze

Jakob 4:8

Isor ṭhen sorokʼpe, enḍekhan uni hõ ape ṭhene sorokʼa. E kạiyanko, ape do apnartege saphakʼpe. E bar monan hoṛko, apeakʼ ontor baṛe khạṭi dohoype.

Malaki 2:7

Isorakʼ monsubạ babotre cecetʼakʼ emokʼ do naekekoakʼ lek kana, menkhan ona cecetʼakʼ jemon alo adokʼ. Ona chaḍa Isorakʼ katha baḍae lạgitʼ do naekeko ṭhenge calakʼ jạruṛa, ente onko do phạdkoren Probhu Isorren paṭhaona hoṛ kanako.

Jirimiạ 6:5

Onate ma beretʼpe, dela, ńindạge abo do jhãpbo ema ar uniyakʼ gaṛko bon mohor meṭaotaea.’ ”

Jesaea 58:2

Onko do dinke din ińko ńam baṛańkana ar ińakʼ hor bakʼḍae lạgitʼko rạskạkʼ kana; onko do nonkan jạtren kanako okoe do dhoromko kạmikante Isorakʼ ạn bako bạgiyakʼkan; onko do iń ṭhen dhorom bikʼcạrko khojkana jemon Isor ṭhen hijukʼ lạgitʼko rạskạkʼ.

Sereńko 73:28

Menkhan Isor tulucʼ iń tahen do bhạlạige; Probhu Isor do ińakʼ aotan gaṛiń hoyoco akadea, jemon uniyakʼ sanam kạmi reakʼ kathań porcar daṛeakʼ.

1 Samuel 14:3

onko modre do Ahiạ ńutuman mitʼ hoṛe tahẽkana ar uniyakʼ hoṛmore do ephod tahẽkantaea. Ahiạ do Ehiṭubren hopone tahẽkana, ar Ahiṭub do Ikabotren boehae tahẽkana, ar Ikabot do Pinehasren hopone tahẽkana ar Pinehas do Eliren hopone tahẽkana; ar Eli do Silore Probhu Isorren naekeye tahẽkana. Unre Jonathanakʼ oḍok calakʼ reakʼ katha do okoege bako baḍaekan tahẽkana.

1 Samuel 11:11

Dosar hilokʼ Sạul do acʼren hoṛko pe dolteye hạṭińketʼkoa. Ona tayom aṅga marsalokʼ okte onko do Amonrenkoakʼ ḍerate bolokate tikin hạbicʼko gocʼketʼkoa. Ar tinạkʼ jiwetʼko tahẽyen onko doko chirchạtur cabayena, ar mitʼ sãote bar hoṛ hõ bạkin tahẽlena.

Josuạ 11:14

Niạko nagraha khon okako jinis ar ạsul janwarko luṭlen ona do Israelko apnar lạgitʼko idiwana; menkhan sanam hoṛko doko marao cabaketʼkoa, mitʼṭen jiwiyanko hõ jiwetʼ do bako doholetʼkoa.

Josuạ 10:19

Menkhan hape akae alope tahena; aperen bạiriko laga idikope, tayom secʼ khon akromonkope ar akoakʼ nagrahate alope sen ocoakoa. Aperen Probhu Isor do apeakʼ tire onkoe jimạ akatʼkoa.”

Numeri 27:21

Uni do naeke Eleasar ṭhen senokʼ hoyokʼtaea, ar Eleasar do uni ńutumte Urim ar Thumim reakʼ daṛete Probhu Isorakʼ hukume baḍaejoṅa. Eleasarakʼ hukum lekage uni ar Israelren eṭakʼko do calakʼ hoyokʼtakoa.”

1 Samuel 1:23

Uniren jãwãe Elkana do uniye metadea, “Am okaṭakʼ bhagem hudisetʼ onage onkaeme. Ar gidrạ do nunu ạuriye bạgi hạbicʼ nonḍege tahenme. Probhu Isor do acʼakʼ gokʼakʼe purạuma.” Ar onate Hanna do oṛakʼregeye tahẽyena ar gidrạ nunu ạuriye bạgi hạbicʼe jotonkedea.