1 Samuel 14:28 - সান্তালী বাইবেল

²⁸ Unre mitʼṭen lạṛhại phạd do uniye metadea, “Amren ạpum do lạṛhại phạdko kajak mitʼṭecʼe kiriạ ocoakatʼkoa, ‘jãhãege teheń jãhãnakʼe jom enḍekhan uni cetanre sarap paṛaokʼa.’ Onate hoṛko do nunạkʼko nijor akana.”

1 Samuel 14:28 Referans Kwoze

1 Samuel 14:43

Sạul do unre Jonathane metadea, “Lạiạńme, am do cetʼem ceka akada?” Jonathan do uniye metadea, “Ińakʼ ṭheṅga agalte thoṛagan dumur rasań jomakada, ar onate cetʼ iń do gujukʼ hoyokʼtińạ?”

1 Samuel 14:24

Enhilokʼ Israelko do ạḍi kosṭote dinko paromkeda, ente Sạul do mitʼṭecʼe kiriạ ocoletʼkoa, ạuri ạyubokʼ hạbicʼ ar bạiriko cetanre ạuriye halae hạbicʼ jãhãege jãhãnakʼko jom enḍekhan onko cetanre sarap baṛe paṛaokʼ ma. Onate enhilokʼ hoṛko do okoehõ cetʼge bako jomleda.

1 Samuel 14:27

Menkhan Jonathan do bae baḍaekan tahẽkana, acʼren apattetʼ do hoṛko mitʼṭecʼe kiriạ ocoakatʼkoa mente. Onate uni do acʼakʼ ti reakʼ ṭheṅga agalte chatareye gutukeda ar rasa hataokate tite jojome ehopʼena. Ar uniyakʼ hoṛmore daṛe do ruạṛ hecʼena.

1 Samuel 14:29

“Unre Jonathane menkeda, “Iń baba do hoṛkoe kosṭo ocoyetʼkoa. Ńelpe, niạ rasa thoṛagan mocareń idiketʼ sãote hoṛmore daṛe do ruạṛ hecʼadińạ.