1 Samuel 14:24 - সান্তালী বাইবেল

²⁴ Enhilokʼ Israelko do ạḍi kosṭote dinko paromkeda, ente Sạul do mitʼṭecʼe kiriạ ocoletʼkoa, ạuri ạyubokʼ hạbicʼ ar bạiriko cetanre ạuriye halae hạbicʼ jãhãege jãhãnakʼko jom enḍekhan onko cetanre sarap baṛe paṛaokʼ ma. Onate enhilokʼ hoṛko do okoehõ cetʼge bako jomleda.

1 Samuel 14:24 Referans Kwoze

Josuạ 6:26

“Inạ tayom Josuạ do kiriạyenteye menkeda, “Jerikho nagraha okoe hoṛ arhõe benao rakab unire do Probhu Isorakʼ sarap paṛaokʼa: Pạhilicʼ hoponakʼ jiwite uni do ona reakʼ rehetʼe rakaba, ar huḍińicʼ hoponakʼ jiwite ona reakʼ phaṭok duạrkoe gathaoa.”

Romiko lạgitʼ Pạul Apostolakʼ ciṭhi 10:2

Onko reaṅ do noa gohań emokʼ kana je, onko do Isor lạgitʼ ahkaokʼ mon menakʼgetakoa, menkhan Isor ṭhen cetʼ lekateko ataṅ ocokʼa ona do bako baḍaea.

1 Korinthiko 16:22

Jãhãe hoṛ Probhu Isor bae dulạṛe khan sarapicʼe hoyokʼma. Maran atha [Probhu Isore darae kana].

Kạhtukko 11:9

Okoe Isor bae botorae uni do mocate aḍepaserenkoakʼ bạṛicʼe ạguiya, menkhan Isor botorae hoṛ do ạkil iạte rukhiyại ńama.

Sereńko 18:47

Uni do eṭakʼ jạtrenko iń tabereye ạguyetʼkoa ar iń huyạte unige sạjạiye emako kana.

Bikʼcạrko 5:2

Israelkoren mukhiyạko do lạṛhạire hoṛkoko ạyurketʼkoa, onko do akoakʼ kusiteko laha idiyena. Probhu Isorakʼ sabasige hoyokʼtaema!

Bikʼcạrko 1:28

Israelko tinreko daṛe idiyena unre onko hoṛ do akoren golamko hoe ocoketʼkoa menkhan bako laga ńir utạrletʼkoa.

Numeri 21:2

Unre Israelko do Probhu Isor ṭhen manotketʼteko menkeda, “Aradren noko hoṛko aleakʼ tire bam soprotko, enḍekhan ale do onkoakʼ ato ar nagrahale marao giḍikakʼa.”

Levitikus 27:29

Jãhãe hoṛ Probhu Isor ńutumte sarapakʼ tabereye sodorokʼ enḍekhan uni do baṅ chaḍaoe hoyokʼa, uni do gocʼ giḍikae hoyokʼa.

Numeri 5:21

ar inạ hạbicʼ menkate naeke do uni maejiu cetanre sarap paṛaokʼ reakʼ mitʼṭecʼe kiriạ ocoyea are mena, ‘Probhu Isor do ḍanḍae borocʼ ocoytam ma ar lacʼe puṭritʼ ocoytam ma onate amren hoṛ sarap arko kiriạkʼre amakʼ ńutumko ńuma.

1 Samuel 14:25

Onko do nonkan mitʼ jaegare senkateko boloyena onḍe do dare nạ̃ṛĩko tahẽkana. Ar onḍe ot cetanre thoṛa dumur rasako ńamkeda.

1 Samuel 14:39

Israelkoren babańcaoicʼ jiwetʼ Probhu Isor ńutumteń kiriạkʼ kana, ińren hopon Jonathan hõ onae onka akatʼ khan khạṭige uni hõ gujukʼ hoyokʼtaea.” Menkhan hoṛko do jotoge hape akanko tahẽyena.

1 Samuel 18:25

Unre Sạule metatʼkoa, “Dạud metaepe, raj do jãhãnakʼ gonoṅ hõ bae hataoa, eken bạiriko cetanre halae lạgitʼ mitʼsae Philisṭikoakʼ khatnakʼakʼge.” Nonkate Philisṭikoakʼ tite jemon Dạude marao utạrokʼ, noage Sạulakʼ monsubạ do tahẽkana.

Levitikus 5:4

“Begor sontorteye kiriyạkʼ nonkan jãhãnakʼ reaṅ jãhãe begor hudiskate boge-bạṛicʼe kiriạkʼ enḍekhan begor baḍaeteye onka akatʼre hõ uni do dusireye paṛaokʼa.