1 Samuel 14:16 - সান্তালী বাইবেল

¹⁶ Benjamin ṭoṭha reakʼ Gibeare Sạulren paharadar lạṛhại phạdkoko ńelkeda, Philisṭi lạṛhại phạdko doko chirchạtur akana.

1 Samuel 14:16 Referans Kwoze

Jesaea 19:2

Probhu Isore meneda, “Iń do Misorren hoṛkoge Misorren hoṛko upạrteń uskurkoa; onate boeha do boeha upạrte, aḍepaseren hoṛ do aḍepaseren hoṛko upạrte, nagraharen hoṛ do nagraharen hoṛko upạrte, ar rajosṭiren hoṛ do rajosṭiren hoṛko upạrteko lạṛhạiya.

Sereńko 68:2

Dhũạ leka onko do oṭaṅ idikom; ar seṅgel samaṅre cherokʼkan mom leka bedhoromko do Isor samaṅ khonko mohor meṭaokʼma.

Sereńko 58:7

Onko do ạtukʼkan dakʼ lekako chanokʼma; ar akʼre lagao akatʼ sarko hõ rạpudokʼ takoma.

1 Samuel 14:20

Inạ tayom Sạul ar uniren lạṛhại phạdko do sanamko mitʼdomte lạṛhại lạgitʼko oḍok calaoena. Onkoko ńelkeda, Philisṭiko do ako ako upạrtege tarwaṛeko calaoeda ar onko talare maraṅ ạulạuge ńelokʼkana.

Bikʼcạrko 7:22

Pe sae sakwa saḍekʼ oktere Probhu Isor do ḍera bhitriren hoṛkoe andmandaoketʼkote onko do mitʼ hoṛ armitʼ hoṛ cetanre tarwaṛeante lạṛhạiko ehopʼena. Onate Midiạnren lạṛhại phạdko do Tabat ṭhen Beth-sita hạbicʼko dạṛkeda.

1 Samuel 14:15

Unre Philisṭikoakʼ lạṛhại ṭạnḍi reakʼ ḍerare ar sanam lạṛhại phạdko talare mitʼṭecʼ maraṅ botor rakapʼatʼkoa; onate Mikmas reakʼ ḍera ar huhul dolren lạṛhại phạdko hõ botorte thar tharaokʼko ehopʼena, ar ona sãote dhạrti laṛaokʼ hõ hoyena. Ona maraṅ botor do Isor ṭhen khonge hecʼatʼkoa.

1 Samuel 14:17

Unre Sạul do acʼ sãoten hoṛkoe metatʼkoa, “Lạṛhại phạdko jarwakate sapṛaokope ar ńelkope, okoe abo talare bạnukʼkoa.” Ar onko doko ńelkeda Jonathan ar uniren khanḍa bhanḍa asenicʼ do onḍe bạnukʼkinạ.