1 Samuel 13:7 - সান্তালী বাইবেল

⁷ Ar ḍher Ibriko do jordan gaḍa paromkate Gad ar Gilead ṭoṭhateko calaoena. Menkhan Sạul do Gilgolreye tahẽyena, ar uni sãoten lạṛhại phạdko do botorte thartharaokʼko ehopʼena.

1 Samuel 13:7 Referans Kwoze

Bikʼcạrko 7:3

Onate hoṛkom baḍae ocokoa, okoeko botorokʼkan onko do Gilead buru bạgikate oṛakʼteko ruạṛ calao daṛeakʼa.” Onate bargel bar hajar hoṛ doko ruạṛ calaoena ar gel hajar hoṛko sarecʼena.

Dosar Biboron 28:25

“Probhu Isorgeye nonkaea jemon ape do aperen bạiriko samaṅrepe bhagao ocokʼ. Ape do mitʼ horte jhãpe ema menkhan onko do eae horteko dạṛ pạnḍuja. Dhạrtiren eṭakʼ sanam rajosṭiren hoṛ do apeakʼ halot ńelte botorteko keklesedokʼa.

Dosar Biboron 20:8

Naekeko do arhõko mena, ‘ape talare jãhãeko botorokʼkan khan se dil bako ạikạuetʼ khan, enḍekhan ona ńelte eṭakʼ Israel boehakoakʼ mon alo bhiṅgṛạukʼ onate uni do acʼakʼ oṛakʼteye ruạṛ calakʼma.’

Dosar Biboron 3:12

“Abo bon ạidạri akawan jaega khon iń do unre Arnon gaḍa ṭhen Aroer nagraha bahre utạr secʼ reakʼ ṭoṭha ar Gilead buru ṭoṭha reakʼ adha ar onḍenakʼ sanam atoko ar nagraha do Ruben ar Gad gusṭiren hoṛkoń ematʼkoa.

Levitikus 26:17

Iń do mẽtʼ ar mẽtʼteń ńelpea ar bạiriko ṭhenpe bhagao ocokʼa. Ar hirkhạwape hoṛge apeko ḍanṭaopea ar celege bako khudạupere hõ ape dope ńir baṛaea.

1 Samuel 13:8

Sạul do Samuelakʼ katha leka uni lạgitʼ eae din hạbicʼe koyokʼ horkeda, menkhan Sạmuel do Gilgolte bae hecʼlena. Ar acʼren lạṛhại phạdko hõ uni bạgikate hante nate calakʼko ehopʼena.

Josuạ 13:8

Manase gusṭiren adha hoṛko, Ruben ar Gad gusṭiren hoṛko do jordan gaḍa purub secʼ reakʼ jaegako do sompotti lekate laharegeko ńamakatʼ tahẽkana. Probhu Isorren guti Mose do onko lạgitʼ ona jaegageye ṭhik dohoakatʼ tahẽkana.

Josuạ 13:11

Gilead elaka, Gesuriko ar Makathikoakʼ elaka, goṭa Hermon buru ar Salka hạbicʼ goṭa Bason disạm hõ onare menakʼa.

1 Samuel 17:11

Uniyakʼ noako katha ańjomkate Sạul ar eṭakʼ Israelko do ạḍi botor caṛhaoatʼkoa.

1 Samuel 31:7

Ar okoe Israelko do buru lodam reakʼ eṭakʼ aṛe secʼreko tahẽkan ar okoe do jordan gaḍa hanasa aṛereko tahẽkan onko do tinreko ńelkeda Israelren lạṛhại phạdko dạṛkeda, ar Sạul ar uniren hoponko gocʼ ocoyena unre onko hõ akoakʼ nagraha bạgikateko dạṛkeda, ar Philisṭiko do hecʼkate onako nagrahako dokholkeda.