1 Samuel 12:8 - সান্তালী বাইবেল

⁸ “Jakob do Misor disạmteye senena, ar aperen hapṛamko tinre Probhu Isor ṭhenko rakʼkeda unre Probhu do Mose ar Arone kolketʼkinạ. Unkin do Misor disạm khon aperen hapṛamkokiń oḍok ạguketʼkoa ar niạ disạmrege girobasokʼ lạgitʼkin bondobosatʼkoa.

1 Samuel 12:8 Referans Kwoze

Aposkạmi 7:15

Ado Jakob hõ Misorteye calaoena, ar onḍe do uni ar aboren hapṛamko hõko gocʼena.

Sereńko 105:44

Uni do eṭakʼ jạtrenkoakʼ disạm do Israelkoe ematʼkoa ar onko jạtrenkoakʼ khaṭao reakʼ jo do acʼren hoṛkoe ematʼkoa,

1 Samuel 12:6

Samuel do hoṛko arhõe metatʼkoa, “Hẽ, Probhu Isorge goha do, one okoe do Mose ar Arone bahalletʼkin ar aperen hapṛamko Misor disạm khon kin oḍok ạguletʼko tahẽkan.

1 Samuel 10:18

Uni do onkoe metatʼkoa, “Israelkoren Probhu Isore menakada, ‘Misor disạm khon ińgeń oḍok ạgu akatʼpea, ar Misorrenkoakʼ ti khon okako rajosṭi do ape cetanre santaoko calaoetʼ tahẽkan onkoakʼ ti khon hõ ińgeń bańcao akatʼpea.’ ”

Josuạ 1:6

“Am do daṛean hoyokʼme, ar monre dil dohoyme, ente okaṭakʼ disạm emokʼ reakʼ katha nokoren hapṛamko ṭheniń gokʼletʼ, ona disạm do ạidạri lekate amge onkom hạṭińakoa.

Numeri 20:15

Aleren hapṛamko do Misor disạmteko senlena ar onḍe do ḍher bochor girobas akanle tahẽkana. Menkhan Misorren hoṛ do ale ar aleren hapṛamko cetanre bebạṛicʼko beoharetʼ tahẽkana ar onate ale do Probhu Isor ṭhenle rakʼkeda. Ar uni do aleakʼ rakʼe ańjomketʼtalete acʼren dutko kolkate Misor disạm khone oḍok ạguketʼlea. “Ar ńitokʼ ale do amakʼ rajosṭi reakʼ simạ ṭhen Kadesre menakʼlea.

Exodus 12:51

Ar Probhu Isor do ona dinge lạṛhại phạdko leka Misor disạm khon Israelkoe oḍok ạguketʼkoa.

Exodus 6:26

Aron ar Mosege Probhu Isore metatʼkin tahẽkana jemon unkin do phạdko leka Israelko Misor disạm khon kin oḍok idiko.

Josuạ 21:43

Probhu Isor do Israelkoren hapṛamko oka jaega emako reakʼe gokʼatʼko tahẽkan onako jotowakʼgeye ematʼko tahẽkana. Ar Israelko do ona disạmko dokholketʼte onḍe girobasokʼko ehopʼena.