1 Samuel 12:25 - সান্তালী বাইবেল

²⁵ Menkhan behokakʼpe kạmi idi enḍekhan ape ar aperen raj sanamgepe marao utạrokʼa.”

1 Samuel 12:25 Referans Kwoze

Josuạ 24:20

Ar Probhu Isor bạgikate eṭakʼ Isorkope sewawako enḍekhan uni doe dea giḍikapea ar lahate leka bae bhạlạipea menkhan ape cetanre bạṛicʼakʼe paṛao ocoyte apeye marao cabapea.”

Hosea 10:3

Unre onko do khạṭigeko mena, “Probhu Isor bale botorade tahẽkante aleren do cele rajge bạnukʼkotalea. Menkhan raje tahẽlenre hõ uni do ale lạgitʼ cetʼe cekakea?”

Jesaea 3:11

Hae hae, bedhorom hoṛko do! Onko cetanre do muhin hijukʼa. Ar okako kạmikan ona reakʼ kuṛại doko ńamgea.

Dosar Biboron 28:36

“Ar okoeṭakʼ rajpe bahale Probhu Isor do uni ar ape bondikate idipe lạgitʼ nonkan mitʼ jạtrenko ṭhene jimạpea okoe do bape oromakatʼko ar aperen hapṛamko hõ bako baḍae akatʼko. Onḍe ape do kaṭ ar dhiriren deb-murtikope sewawakoa.

1 Samuel 13:1

Sạul do juạn umerre raj hoykate Israel disạmre thoṛa bochor rajosṭi calao tayom Israelko tala khon pe hajar hoṛe bachaoana. Onko modre bar hajar hoṛ do uni sãote Mikmasre ar Bethel reakʼ buru ṭoṭhareko tahẽyena ar mitʼ hajar do Benjạmin gusṭirenkoakʼ Gibeare Jonathon sãoreko tahẽyena. Ar eṭakʼ Israelko do akoakʼ oṛakʼteye kolkatʼkoa.

Jesaea 1:20

menkhan tabe akae bape aṅgoc arpe hul enḍekhan khạṭige tarwaṛetepe marao ocokʼa.” Probhu Isor do acʼge niạ kathae roṛeda.

Dosar Biboron 8:19

“Ar jãhãtisokʼ aperen Isor hiṛińkate debotako secʼpe ạcurokʼte onkope sewawako, enḍekhan teheń ape upạrte noa katha do khạṭitegeń roṛeda, ape dope marao utạrokʼa.

Jobakʼ 36:12

Menkhan onko bako ańjom, enḍekhan tarwaṛeteko marao ocokʼa ar bebuj lekako gujukʼa.