1 Samuel 12:24 - সান্তালী বাইবেল

²⁴ Ape do eken Probhu Isor botoraepe ar apeakʼ goṭa ontorte pạtiạr salakʼ uni sewawaepe. Hudispe, ape lạgitʼ uni do tinạkʼ maraṅ maraṅakʼe kạmi akada.

1 Samuel 12:24 Referans Kwoze

Dosar Biboron 10:21

Unikangea aperen ṭhonok ar unige aperen Isor do. Ape do apeakʼ mẽtʼte oka maraṅ ar botoranakʼ hahaṛa kạmikope ńelakatʼtae ona do ape lạgitʼgeye onka akada.

Jesaea 5:12

Onkoakʼ bhojre do peṛesaṅ ar binạ banam, kortal, tiriyạ ar darkha rasa tahenkana; menkhan Probhu Isorakʼ kạmi reakʼ do cetʼge bako moneyakʼ kana, ar uniyakʼ ti teakʼ kạmi reakʼ hõ bako ńeletʼkana.

Kạhtukko 1:7

Probhu Isor botorae do ạkil reakʼ etohopʼ kana, menkhan lelha hoṛ do ạkil ar sikhạunako nihạ̃tetʼ kana.

Ibriko 12:29

Ente aboren Isor do ḍahao maraoakʼ seṅgel lekanae.

Sereńko 111:10

Probhu Isor botorae do ạkil reakʼ etohopʼ kana; okoe ona lekako kạmi onko do akelko ńama. Probhu Isorakʼ sarhao do jaejug hạbicʼ tahenma.

Sosolhayic̕ 12:13

Kathako reakʼ mucạtʼ do nokʼõe; tobe ses katha do hoyokʼkana, Isor botoraeme ar uniyakʼ hukumko dohoyme; ente noa kangea manwakoakʼ dạyik do.

Exodus 12:13

Menkhan apeakʼ oṛakʼre oka mãyãm potao akae tahen onage apeakʼ nisana do hoyokʼa. Ar ona mãyãm ńelte ape doń bad oṭokapea ariń parom calakʼa. Onate ape do Misor disạm reakʼ duk khon rukhiyạpe ńama.

Romiko lạgitʼ Pạul Apostolakʼ ciṭhi 12:1

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅtape. Ar onage apeakʼ lek reakʼ sewa do hoyokʼa.

Sereńko 119:80

Amakʼ ạn ạriko senakʼ jokhecʼ ińakʼ ontor do jemon khạṭi tahen, jemon lajaore aloń paṛaokʼ.

Jobakʼ 28:28

Ona tayom uni do manwae metadea, ‘Probhu Isor botoraege hoyokʼ kana ạkil do, ar bạṛicʼ khon sahaṛokʼge hoyokʼ kana buj do.

Johan 1:47

Jisu do Nathanael acʼ ṭhen hijukʼkane ńelkede khane menkeda, “Hạni ńelepe, mitʼṭen sạri Israel. Uniyakʼ monre do jãhãn phạsiạrage bạnukʼ anaṅ.”

Josuạ 24:14

Ona tayom Josuại menkeda, “Ńitokʼ do pạtiạr salakʼ khạṭi ontorte aperen Probhu Isor sewawaepe ar uni ḍobokʼaepe. Aperen hapṛamko phurạt gaḍa hanasa Misor disạmre okoe debotakoko sewawako kan tahẽkan onko do ńitokʼ sạṅgiń giḍikakope ar Probhu Isor sewawaepe.

Dosar Biboron 29:1

Probhu Isor do Horeb burure Mose hotete Israelko lạgitʼ mitʼṭecʼ bondobose doholeda, noako do ona bondobos reakʼ katha kana okaṭakʼ do Moab disạmre Mose Israelko lạgitʼ bondobos bandhao lạgitʼe metade tahẽkana.

Dosar Biboron 29:2

Mose do sanam Israelko hoho jarwakateye metatʼkoa, “Probhu Isor do Misor disạmren Pharao raj ar uniren sanam raj-kạmiyạrenko cetanre ar uniyakʼ goṭa disạm cetanre okae cekaletʼ ona do apeakʼ mẽtʼtegepe ńel akada.

2 Rapajko 17:39

bickom aperen Probhu Isorge dewa ar sewawaepe. Aperen sanam bạirikoakʼ ti khon unigeye bańcaopea.”