1 Samuel 12:18 - সান্তালী বাইবেল

¹⁸ Inạ tayom Samuel do Probhu Isor ṭhene koekeda ar uni do enhilokʼge huḍur ar dakʼe kolkeda. Unre sanamkoge Probhu Isor ar Sạmuelko botoratʼkinạ.

1 Samuel 12:18 Referans Kwoze

Exodus 14:31

Probhu Isor do misriko upạrte acʼakʼ oka daṛeye udukʼketʼ ona ńelte Israelko do monre mitʼṭen botor caṛhaoatʼkoa. Onko do Probhu Isor ar uniren golam Mose cetanre purạ biswạs dohokate calakʼko ehopʼena.

Esra 10:9

Pe din bhitrire Jihudạ ar Benjạmin ṭoṭharen sanam hoṛ do Jerusalemre hecʼkateko jarwayena. Ar areyakʼ cando reakʼ bargelakʼ dinre sanam hoṛ do Isorakʼ oṛakʼ samaṅ reakʼ maedanre ona babotreko duṛupʼena ar jạṛi dakʼ iạteko thar tharaoena.

Jobakʼ 37:13

Manwa sạjại emako lạgitʼ se uniyakʼ dhạrtire dakʼ emakʼ lạgitʼ, se acʼakʼ dulạṛ udug lạgitʼ uni do jạṛi dakʼe emetʼ kana.

Sereńko 99:6

Mose ar Aron hõ uniren naekeko modren kin tahẽkana; okoe uni ṭhenko koejoṅkan tahẽkan onko modre Samuel hõe tahẽkana. Mose, Aron ar Samuel do Probhu Isorko hohowae kan tahẽkana ar uni do onkoe roṛ ruạṛako kan tahẽkana.

Josuạ 4:14

Enhilokʼ Probhu Isor do sanam Israelko samaṅre Josuại maraṅ ocokedea. Ona iạte hoṛko do Mose leka Josuạ hõ jonom bhorko manaokedea.

Josuạ 10:12

Oka hilokʼ Probhu Isor do Israelkoakʼ tire Amorikoe jimạketʼko enhilokʼge Josuạ do Israelko samaṅre Probhu Isore metadea, “E siń cando, Gibeon cetanre teṅgo thir akae tahenme, E ńindạ cando, Ajalon buru sokṛare senkate teṅgokʼ hapekokʼme.”

1 Rapajko 18:42

Onate Ahab do jom ńũi lạgitʼe senena, menkhan Eliạ do Karmel buruteye rakapʼena. Uni doe ikhṛumente banar gunṭhikinre mẽtʼãhãe dohoketʼtaea.