1 Samuel 12:11 - সান্তালী বাইবেল

¹¹ Unre Probhu Isor do Jerubakʼal, ar Barak, Jephtoha ar Samuel tekoe kolletʼkote ape beṛhaeten bạirikoakʼ ti khone rukhiyạketʼpea. Ar ona tayom ape nirạite girobasokʼpe ehopʼena.

1 Samuel 12:11 Referans Kwoze

Bikʼcạrko 6:32

En hilokʼ Gideonakʼ ńutum uni do Jerubakʼale dohoketʼtaea (mane do “Bakʼalge uni tulucʼe lạṛhạima”). Ar Gideon do Bakʼal debotawakʼ pinḍe rạputʼ giḍiletʼte Joase menkeda, “Gideon upạrte Bakʼalge uni tulucʼe lạṛhạima. ”

Bikʼcạrko 4:6

Uni do Napthali disạm reakʼ Kedes nagraha khon Abinoam hopon Barake hoho ạgu ocokedeteye metadea, “Israelkoren Probhu Isor do niạ hukume emamkana, ‘Napthali ar Sebulon gusṭirenko khon gel hajar hoṛko hataokom ar soṅgekate Tabor burute idikom.

Bikʼcạrko 6:14

Probhu Isor do uni secʼ ạcurenteye menkeda, “Amakʼ niạ daṛetege Do calakʼme ar Midiạnrenkoakʼ ti khon Israelko bańcaokom, ente ińgeń koletʼmea.”

1 Samuel 7:13

Nonkate Philisṭiko doko koboj ocoyena. Inạ tayom onko do ar Israelkoakʼ simạnakote ar bako bololena. Samuel tinạkʼ din jiwetʼe tahẽkan unạkʼ din Probhu Isor do Philisṭiko birudteye tahẽkana.

Bikʼcạrko 8:35

Jerubakʼal, metakʼme Gideon cetʼlekae bhạlạiyletʼko onko do uniyakʼ gharońj lạgitʼ onka bako kạmileda.

Bikʼcạrko 8:29

Ona lạṛhại tayom Joasren hopon Jerubakʼal do oṛakʼe ruạṛ calaoena.

Bikʼcạrko 6:31

Menkhan Joas do acʼ birudre teṅgo akan hoṛkoe metatʼkoa, “Ape do cetʼ Bakʼal debota ńutumtepe lạṛhạiya? Apege cetʼ unipe dogea? Jãhãege uni ńutumteye lạṛhại unige gapa ạuri setagokʼreye gocʼ ocokʼa. Bakʼal do sạrigeye jãhãn debota kan khan uni do apnargeye lạṛhạima, ente uniyakʼ pinḍge rạputʼ giḍi ocoakana.”

Bikʼcạrko 7:1

Jerubakʼal, metakʼme Gideon ar uniren sanam hoṛko do ạḍi setakʼre beretʼkate Harod ṭoṭha reakʼ dakʼ jharna ṭhenko ḍerayena. Ar onko utạr reakʼ More buru ṭhenakʼ buru nalare do Midiạnrenkoakʼ ḍera tahẽkana.

1 Samuel 3:20

Onate Dan ṭoṭha khon Berseba hạbicʼ sanam Israelko doko baḍaekeda, Samuel do Probhu Isorren mitʼṭen nạbiye hoyakana.

2 Rapajko 13:5

Unre Probhu Isor do Israelko mitʼṭen babańcaoicʼe ematʼkoa. Onate Israelko do Aramrenkoakʼ ti khon rukhiyạko ńamkeda. Ona iạte onko do lahate leka arhõ sulukte girobasokʼko ehopʼena.

1 Bõsbudạ 7:17

Ulomren mitʼṭen hopontetʼakʼ ńutum do Bodan tahẽkana. Nokin do Gilead bõsren hoṛkin tahẽkana. Gilead do Makirren hopon ar Makir do Manasiren hopone tahẽkana.