1 Samuel 10:5 - সান্তালী বাইবেল

⁵ “Ona tayom am do Gibea-elohim nagrahatem calakʼa. Onḍe do Philisṭiren lạṛhại phạdkoakʼ mitʼṭecʼ ḍera menakʼa. Ar nagrahatem seṭerlen khan nonkan mitʼ dol nạbiko sãotem ńapamokʼa onko do Isorakʼ emakʼ katha roṛ roṛte sewae reakʼ cetan jaega khonko pheḍ hijukʼa. Ar onko dolren samaṅ secʼren hoṛko do binạ banam, peṛesaṅ, tiriạ ar tabla ru-ruteko calakʼa.

1 Samuel 10:5 Referans Kwoze

2 Rapajko 3:15

Ńitokʼ do nonkan mitʼṭen hoṛ ạguiyepe okoe do peṛesaṅe banam daṛeakʼ.” Uni hoṛ do tinre peṛesaṅe banametʼ tahẽkana unre Probhu Isorakʼ daṛe do Elisae cetanre hecʼena.

1 Samuel 19:20

Niạ katha ańjomkate uni do Dạud sapʼ ạguiye lạgitʼ hoṛkoe kolketʼkoa. Onko hoṛ do senkateko ńelkeda mitʼ dol nạbi do Sạmuel tabere tahẽkate Isorakʼ kathako lạlạikana. Unre Sạulren hoṛko cetanre hõ Isorren jiue hecʼena ar onko hõ nạbi lekate Isorakʼ katha lạlạiko ehopʼen.

1 Samuel 13:3

Ar Gebeare Philisṭikoren lạṛhại phạdko do okareko ḍera akan tahẽkan ona do Jonathone akromonkeda ar ona do Philisṭikoko ańjomkeda. Unre Sạul do disạm reakʼ sanam jaegare sakwa oroṅkateye menkeda, “Ibrikoko ańjomma.”

2 Rapajko 2:15

Jerikhoren okoe nạbiko onḍeko teṅgo akan tahẽkan onko do Elisae hijukʼko ńelkede khanko menkeda, “Eliạren jiu do Elisae cetanreye thamgạḍi akana.” Onko do Elisae sãote ńapamokʼ lạgitʼko senena ar otre ombakʼkate ḍobokʼ adeteko metadea,

2 Rapajko 2:5

Jerikhoren cela-nạbiko do Elisae ṭhen senkateko menkeda, “Am do cetʼ bam baḍaea, Probhu Isor do teheń amren mạlik do am ṭhen khone idiyea mente?” Elisae roṛ ruạṛkeda, “Hẽ, baḍaegeạń. Ar niạ babotre ape do ar jãhãnakʼ cetʼge alope roṛa.”

2 Rapajko 2:3

Bethelren cela-nạbiko do Elisae ṭhen senkateko menkeda, “Am do cetʼ bam baḍaea, Probhu Isor do teheń amren mạlik am ṭhen khone idiyea mente?” Elisaye roṛ ruạṛkeda, “Hẽ, baḍaegeạń. Ape do niạ babotre ar jãhãnakʼ cetʼge alope roṛa.”

1 Samuel 10:10

Sạul ar uniren guti do Gibeate kin seṭeren khan mitʼ dol nạbiko sãotekin ńapamena. Unre Isorren Jiu do Sạule sarbharao ocokedea, ar uni do nạbiko talare senkate Isorakʼ katha lạlạiye ehopʼena.

1 Korinthiko 14:1

Noa dulạṛ lạgitʼ ape do biseskaete kurumuṭuipe, ar sonot Jiu emakʼ dan, biseskaete nạbi lekate roṛ reakʼ ektiạri ńam lạgitʼ gagojokʼpe.

Sereńko 49:4

Iń do cecetʼakʼte perecʼ phen kathakore moniń bạisạutińạ; ar peṛesaṅ sãote sereńate uniyakʼ khạndri hudis reakʼ iń galmaraoa.

1 Bõsbudạ 16:42

Isor ńutumte sereń jokhecʼ pẽpṛẽtʼ kortal ar eṭakʼ bajnako rui lạgitʼ si Hemon ar Jiduthon cetanre bhar tahẽkana. Ar Jiduthon bõsren hoṛko do rurukhiyạ lekateko bahal ocolena.

1 Bõsbudạ 16:5

Noko hoṛkoren mukhiyạ do Asaphe tahẽkana, dosaricʼ do Sakariại tahẽkana, ona tayom do Jiyiyel, Somiramoth, Jihiyel, Motithiạ, Eliyab, Bonae, Obed-Edom ar Jiyiyel. Noko do binạ banam ar peṛesaṅko banametʼ tahẽkana ar Ashaph do kortale rurukan tahẽkana;

1 Bõsbudạ 13:8

Dạud ar sanam Israelko do Probhu Isor samaṅre akoakʼ goṭa daṛeteko enecʼ sereńetʼ tahẽkana ar peṛesaṅ, binạ banama, tabla, kortal ar pẽpṛẽtʼanteko rạskạkʼkan tahẽkana.

2 Rapajko 6:1

Mitʼdin cela-nạbiko do Elisaeko metadea, “Ńelme, oka jaegare am sãote duṛupʼkatele galmarao ona jaega abo lạgitʼ do huḍińgea.

2 Rapajko 4:38

Elisae do Gilgolteye ruạṛ calaoena. Unre ona ṭoṭhare akal hoyokʼkan tahẽkana. Mitʼdin cela-nạbiko do uni sãoteko duṛupʼ akan tahẽkana. Unre acʼren mitʼṭen gutiye metadea, “Lạṭu ṭukucʼ condaete noko lạgitʼ suṛạ dakae tabon me.”

1 Samuel 9:12

Onkoko roṛ ruạṛatʼkinạ, “Hẽ, menaegea; aben do thoṛa laha ńokʼ calakʼben ar usạrae ben. Uni do teheńge aleakʼ nagrahareye hecʼakana, ar boṭkocʼ coṭre hoṛko do teheń janwar samaṅokʼakʼko hoeocoya.

1 Samuel 10:4

Onko do amko joharama ar barea piṭhạko emama ar am do onkoakʼ ti khon onam hataoa.

1 Bõsbudạ 11:16

Un jokhecʼ Dạud do hahaṅkar reakʼ gaṛ lekan mitʼṭecʼ jaegareye tahẽkana ar Philisṭiren lạṛhại phạdko do Bethlehemreko tahẽkana.

1 Rapajko 18:29

Onko do tikin khon tarasiń okte reakʼ janwar samaṅokʼ okte hạbicʼ boktaokʼtegeko tahẽyena. Menkhan jãhãn aṛaṅge bako ńamleda, ar cele hõ bae roṛ ruạṛatʼkoa, ar mone hõ bae moneyatʼkoa.

2 Rapajko 2:7

Eliạ ar Elisae do jordan gaḍa aṛere senkate kin teṅgoyen khan unkin khon thoṛa sạṅgiń ńokʼre mõṛẽgel cela-nạbiko hõ hecʼkateko teṅgoyena.