1 Samuel 10:2 - সান্তালী বাইবেল

² Am do iń ṭhen khon senkate teheń Benjạmin ṭoṭha reakʼ simạna Selsah ńutuman jaegare Rahelakʼ topa ṭhen bar hoṛem ńamkinạ. Unkin dokin lạiyama, ‘okoe gadha eṅgako sendram oḍok akan onko doko ńamakana. Menkhan ńitokʼ amren baba do gadha eṅgako reakʼ cintạ badkate am lạgitʼ cintạreye paṛao akana. Uniye meneda, acʼren hopon lạgitʼ ńitokʼ do cetʼe cekaea?’

1 Samuel 10:2 Referans Kwoze

1 Samuel 10:16

Sạul do acʼren kakattetʼe metadea, “Uni do pusṭạuteye metatʼlińạ, gadha eṅga doko ńamakana.” Menkhan uniyakʼ rajokʼ reaṅ Samuel oka kathae men akawade ona do kakattetʼ bae lạiyadea.

Jirimiạ 31:15

Probhu Isore meneda, “Ramare ãṭ aṛaṅte rakʼjoṅ ar hae haeyokʼge ańjomokʼkana; Rahel do acʼren gidrạko lạgitʼe rakʼeda, cetʼte hõ jiwi do baṅ raṛejokʼ kantaea, ente onko do ar bạnukʼkotaea.

Genesis 35:16

Ona tayom Jakob ar uniyakʼ gharońjrenko do Bethel khonko mohnḍayena. Ar Ephrat reakʼ horte thoṛa sạṅgińko senen khan Rahel do bedon rakapʼadea ar ạḍi kosṭokʼe ehopʼena.

Genesis 48:7

Padam-Aram khon oḍokkate Kanan disạm reakʼ Ephrat khon thoṛa sạṅgiń tahenrege Rahel doe gocʼena, onate iń do ạḍi dukiń ńamkeda. Ephrat reakʼ horre, metakʼme Bethlehem calakʼ horre uniń topakadea.”