1 Samuel 1:10 - সান্তালী বাইবেল

¹⁰ Hanna do mon reakʼ kosṭote Probhu Isor ṭhen rakʼate koejoṅe ehopʼena.

1 Samuel 1:10 Referans Kwoze

Jobakʼ 7:11

“Onate thir akan do ar bạń tahena. Ińakʼ mon reakʼ hasote kathań roṛa; ar haṛhatʼ jiwite ińakʼ dukiń lại sodora.

Luk 22:44

Ar Jisu do ala jhalareye paṛaoente arhõ jidkateye koekeda. Uniyakʼ hoṛmo reakʼ balbal dakʼ do mãyãm leka otre ṭhopʼ ṭhopʼ jorokʼ ehopʼena.

Jobakʼ 10:1

“Ińakʼ jiwi do iń bhitrire laṅgayentińạ, ińakʼ duk reakʼ katha do khulạsateń roṛa ar ińakʼ jiwi reakʼ hewer haṛhatʼrege kathań roṛa.

Sereńko 91:15

Uniye hohowạńreń ańjomtaea; ar muhinre uni sãoteń tahena; uni doń rukhiyạyea ariń manotea.

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.

Jesaea 54:6

Am do bạgi giḍiyicʼ ar jiwi lokʼkantae maejiu lekagem hoyakana, ar juạn oktere bạgi giḍi akade bạhu lekagem hoyakana; menkhan Probhu Isor do arhõ ame hohowam kana. Iń amren Isorge niạ katha doń meneda.

Bikʼcạrko 21:2

Ar onko do Bethelte senkate Probhu Isor samaṅre duṛupʼkate ạyupʼ hạbicʼ ãṭ aṛaṅte rakʼateko menkeda, “E Probhu, Israelkoren Isor, Israelko talare cedakʼ nonka do hoyena? Cedakʼ teheń do Israelko tala khon mitʼṭen gusṭirenko doko atʼena.

Rak̕joṅ 3:15

Haṛhatʼakʼkote uni doe perecʼ akadińạ, ar bisteye bi ocoakadińạ.

Jirimiạ 22:10

Gocʼ akan raj lạgitʼ do alope rakʼ homora; ona khon bickom bondikate okoe sạṅgińteye idi ocoakan uni lạgitʼ rakʼ homorpe, ente uni do tishõ ar bae ruạṛ hijukʼa se acʼakʼ janam disạm hõ ar bae ńelńama.

Jesaea 38:15

“Menkhan iń do cetʼ iń mena? Unige nonkae men akadińa ar acʼge noae nonka akada. Ińakʼ jiwi reakʼ noa jontrona iạte goṭa jion reakʼ sarecʼ bochorkore hape akaniń tahena.

Sereńko 50:15

Amakʼ muhinre hohowạńme; iń do amiń bańcaomea ar am do ińem manotińạ.”

Jobakʼ 9:18

Uni do bae sahẽtʼ ocowạń kana bickom haṛhatʼte ińakʼ jiwiye perecʼetʼ tińạ.

2 Rapajko 20:3

“E Probhu Isor, disạime baṛe, am samaṅre oka leka pạtiạrạnicʼ iń tahẽkana ar goṭa ontorte am botoram tulucʼ iń dãṛãnkan tahẽkana ar amakʼ mẽtʼre oka ṭhikakʼkan onageń kạmiyetʼ tahẽkana.” Ar niạ menkate Hiskiạ do hũk hũke rakʼkeda.

Rut reakʼ kạhini 1:20

Naomiye menkeda, “Iń do Naomi (metakʼme ‘landa’) do ar alope hohoạńạ, bickom Mara (metakʼme ‘haṛhatʼ’) hohoạńpe, ente sanam daṛean Isor do ińakʼ jiwiye haṛhatʼ akatʼtińạ.

Jirimiạ 13:17

Ar katha bape ańjom khan apeakʼ bạḍại iạte iń do danaṅreń raga, ạḍitetʼ geń raga ar ińakʼ mẽtʼ do mẽtʼ dakʼte perecʼjokʼtińạ, ente Probhu Isorren hoṛ do bondikateko idi ocokʼa.

2 Samuel 13:36

Uniyakʼ katha ạuri mucạdokʼrege rajren hoponko doko hecʼ seṭerena ar ãṭ aṛaṅte rarakʼko ehopʼena. Unre Raj ar uniren kạmiyạko hõ ạḍitetʼko rakʼkeda.

Genesis 50:10

Onko do jordan gaḍa aṛe reakʼ Atadkoakʼ khạrại hạbicʼko senena ar Joseph do apattetʼ lạgitʼ eae din hạbicʼe homor halaṅkeda. Ar uni sãote hoṛko hõko homor halaṅkeda.

2 Samuel 17:8

Am dom baḍaegea, ạpum ar uniren hoṛko do lạṛhại bir kanako. Onko do hopon recʼakade raṅgao akan birren bana eṅga lekan kanako. Ona chaḍa amren ạpum do lạṛhạire ạḍi gạkhuṛ hoṛ kanae; uni do acʼren lạṛhại phạdko talare bae giticʼ aṅgakʼa.

1 Samuel 1:9

Mitʼdin Hanna do Siloreye tahẽkanre jom ńũ baṛakateye beretʼena ar mundilteye boloyena. Unre naeke Eli do Probhu Isorakʼ oṛakʼ reakʼ duạr ṭhenakʼ mitʼṭecʼ mạcireye duṛupʼ akan tahẽkana.

1 Samuel 1:11

Ar Probhu Isor ṭhen manot dohokateye menkeda, “E sanam daṛeanicʼ Probhu Isor, amren kạ̃ṛmĩyakʼ mon reakʼ duk secʼ baṛe beṅgedme ar ańjomtińme. Ar iń bam hiṛiń akadińte amren kạ̃ṛmĩ jodi mitʼṭen hoponem danae enḍekhan jonom bhor uni do am ńutumteń emokʼa. Ar uniyakʼ bohokʼre tisge holatʼ do bạń lagaoakʼa.”

Kạhtukko 14:10

Mon do apnarakʼ haṛhatʼe baḍaekana; menkhan am ar iń do ona reakʼ rạskạre balaṅ seletʼ daṛeakʼa .

Genesis 30:1

Rahel do tinreye ńelkeda acʼ do Jakobren gidrạren eṅgat bae hoedaṛeakʼ kana unre uni do acʼren boeha kuṛi cetanre hiskạ rakapʼadea. Uni do Jakobe metadea, “Gidrạ imạńme, arbaṅ khan iń doń gujukʼa.”