1 Rapajko 9:9 - সান্তালী বাইবেল

⁹ Unre hoṛkoko roṛ ruạṛa, ‘noa reakʼ karon do hoyokʼkana, okoe do Misor disạm khone oḍok ạguletʼko onko hapṛamkoren Probhu Isor do onkoe bạgi giḍi akatʼkoa. Onko do debota secʼko ghańjeṛ akana ar onkoko sewawako kana. Ar onatege Probhu Isor do onko cetanre noa bạṛicʼakʼe paṛao ocoakada.’ ”

1 Rapajko 9:9 Referans Kwoze

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

Jirimiạ 5:19

Tinre hoṛko kulimea, ‘aboren Probhu Isor do abore cedakʼ nonkae kạmikeda?’ Unre onkom metakoa, ‘cetʼleka iń bạgikate apeakʼ disạmre debotakope sewawako kan onkage okaṭakʼ disạm apeakʼ baṅkan ona disạmre senkate ńit ape do bidisiạkope sapʼsorakoa.’ ”

2 Bõsbudạ 7:22

Ar hoṛkoko roṛ ruạṛa, ‘noa reakʼ karon do hoyokʼkana, okoe do Misor disạm khone oḍok ạguletʼko onko hapṛamkoren Probhu Isor do onkoe bạgi giḍi akatʼkoa. Onko do debota secʼko ghańjeṛ akana ar onkoko sewawako kana; ar onatege uni do onko cetanre noa bạṛicʼakʼe paṛao ocoakada.’ ”

Jirimiạ 50:7

Ar jãhãege onkoko ńametʼko onkogeko tạhuṛetʼkoa; onkoren bạiriko meneda, ‘ale do dusi dole baṅkana, ente Probhu Isor upạrte, onkoakʼ sạriyakʼ reakʼ ạtiń ṭạnḍi upạrte, onkoren hapṛamkoren asicʼ uni Probhu Isor birudre onko doko kại akada.’

1 Rapajko 18:18

Eliại menkeda, “Iń do jạnum doń baṅkana, menkhan am ar ạpum bõsren hoṛge Israelren jạnum kanape. Ape do Probhu Isorakʼ hukum bạgikate Bakʼal debotape sewawae kana.

Jirimiạ 22:8

“Ar eṭakʼ eṭakʼ jạtren hoṛko do niạ nagraha aṛeteko parom calakʼ jokhecʼ am ińko kulikʼa, ‘Probhu Isor do noa maraṅ nagraha cedakʼe nonkakeda?’

Jirimiạ 44:23

Ape do dhuppe jeretʼ akada ar Probhu Isor upạrtepe kại akada; uniyakʼ kathape bemanot akada ar uniyakʼ ạnko, niạmko ar kathako bape ańjomaletʼtaea; ona iạte niạ muhin do apere hecʼ paṛao akana. Ar ona dope ńeletʼ kangea.”

Dosar Biboron 29:23

Goṭa disạmge buluṅ ar gondhokte ḍahao reḍha akana. Onare cetʼge baṅ er ar rohoeyokʼa, se onare cetʼge baṅ janamokʼa ar ghãs hõ baṅ omonokʼa. Noa disạm do Sodom, Gomora, Adma ar Seboyim leka hoyokʼa one oka do Probhu Isor raṅgao ar edreteye jalao maraoletʼ.

2 Rapajko 22:17

Onko do ińko bạgi giḍi akadińạ ar debotako ńutumte dhupko jeretʼetʼ kana ar akoakʼ titeko benao akatʼko sanam murhutʼkote ińko khĩs ocoyediń kana; ona iạte niạ jaega upạrte ińakʼ edre do salgaokʼkan tińạ ar ona do baṅge ĩṛĩjokʼa.’

2 Bõsbudạ 29:8

Onate Jihudạ ar Jerusalem cetanre Probhu Isorakʼ edre do pheḍ hecʼakana. Ape do apnarakʼ mẽtʼtegepe ńeleda onko cetanre botoranakʼ ar jarkharakʼe hoyocoakada; onko ńelte hoṛko do ṭiṭkạri kathako roṛeda.

Rak̕joṅ 2:15

Am aṛeteko parom calakʼ hoṛ do am ńelteko thayoya; onko do Jerusalem hoponera ńelteko landa dhudhutʼa ar bohokʼ ruku rukuteko mena, “Noa do cetʼ ona mońj utạrakʼ nagraha do baṅkana, one uni iạte goṭa dhạrtirenko rạskạkʼkan tahẽkan?”